點解我會變左做靚女架？: 06-出兵

其實我真係好憎飛機同李卓楠呢ｄ欺凌人既人，一直好想報仇。

到左今日，我望住Jayden，我諗，我終於有機會啦。

我行去Jayden身邊，搭一搭佢膊頭就問:「Jayden，有件事我想搵你幫手呀。」

「咩事呀？」Jayden一臉疑問。

我：「飛機成日蝦江俊傑，我想你幫佢報仇，打佢一鑊。」



Jayden諗都無諗就答：「好呀，幾時？」

我：「放學之後，趁住人少少就去啦。」

Jayden：「好呀。」

跟住我又去左問Carson：「Carson，有件事我想搵你幫手呀。」

Carson：「咩事呀？」



我：「李卓楠成日蝦江俊傑，我想你幫佢報仇，打佢一鑊。」

Carson：「下？但係俾老師知道會記缺點嫁喎。」

我：「咁…咁如果今個星期六我陪你去街呢？」

Carson：「好呀，為左你，記缺點都值得。」

我：「哈哈，好呀。」





終於等到放學，班房大半既人都走左，但飛機同李卓楠仲未走。

Jayden行過去飛機身邊，講：「飛機，有ｄ野我想同你傾。」

Jayden帶左飛機黎走廊，二話不說，就一拳正中咁打落飛機塊臉度。

飛機大叫一聲「呀！」，然後問：「做…做乜野呀？」

跟住，Jayden義正辭嚴咁講：「你以後唔好再蝦江俊傑！唔係既話，就唔止呢一拳。」

跟住飛機好狼狽咁就走左，我睇到即刻暗爽，會心一笑。

另一邊，到Carson表演啦。



Carson咩都無講，就係後面打左李卓楠幾拳，未等李卓楠反應過黎就極速跑走左。

因為李卓楠身型肥碩肉厚，防禦力高，攻擊力亦高，但講敏捷就有所不及。

打完人之後就快速逃脫，令人無機會還手，真係高招。

突然間我覺得自己好似貂蟬，因為係三國殺入面有一招「離間」，可以令兩名男性互相決鬥。

不過，報完仇之後，我有ｄ唔好既預感。



翌日，早會既時候，我地高年級都要入禮堂。



聽完宣佈之後，訓導主任黃Sir突然上台，講：「4B班何嘉城（Carson），鄧駿業（Jayden），黃梓峰（飛機），李卓楠，留低係禮堂。」

似乎係同我琴日叫Jayden同Carson打人有關。

之後我地就遂班返上課室，等上堂。

上堂之後無幾耐，我就見到Carson佢地四個人返黎。

我拎左兩張廢紙，然後係背面寫：「無事呀嘛？」，一張傳俾Jayden，一張傳俾Carson。

Carson同Jayden睇到之後，又寫字落去張紙條度。

Carson既回覆：「記左個缺點，仲要見家長。不過你放心，我無講到你叫我打李卓楠既事。」

Jayden既回覆：「無事呀，Miss Chan話我品學兼優，信我唔係首先出手打人果個。」



同一件事，Jayden無事，Carson就有事，唔知係咪樣既問題呢？

可能因為Jayden一向成績都好，而且一臉帥氣，所以討得班主任Miss Chan歡心啦。

唔似得李卓楠，飛機同Carson成績差劣，講句野，連老師都唔信。