點解我會變左做靚女架？: 09-是非

星期一，又返學，都係咁啦，「返學等放學，放學飲可樂。」

 每日我最期待既就係放Lunch，同我女神Katrina食米線，同埋聽家寶、家欣佢地講是非，食下花生咁。 

不過今日，江俊傑都食米線，不過只係得佢自己一個，好孤獨咁食。 


家寶：「你地睇下，江俊傑自己一個食米線喎。」 

家欣：「好毒呀。」 



我：「咁不如叫埋佢一齊食呀？」 

家寶：「唔好，咁佢咪聽到哂我地ｄ野？」 

家欣：「 係囉。」 

我：「算啦咁。」 

家寶：「你地覺唔覺得呢，江俊傑好似鍾意呀清呀？」 



Katrina：「覺呀，上個星期五呢，呀清阻止飛機同李卓楠佢地蝦江俊傑，全班都睇到哂。」 

Katrina：「跟住之後我見到江俊傑望住呀清既眼神都變哂，好似心心眼咁。」 

家欣：「wu～呀清要出pool啦終於。」

 我：「下？唔好玩啦。」 喧鬧完一番之後，我地又返返學校午休。   

Jayden走過我個位度同我傾計，問我關於英文科SBA既野。 Carson見到之後疑似醋意大發，走過黎隔住我地問：「你地傾緊咩呢？」 我：「無呀…講緊……」，Jayden插嘴講：「關你咩事姐？」 跟住Carson就同Jayden四目交投，眼神中有住火藥味。 或者，係兩個人都清楚知道，想要得到我既話，佢地彼此就係最大既競爭對手。 我：「夠啦，你地唔好煩我啦！」 Carson指住Jayden：「講緊你呀！」 Jayden：「好明顯係你阻住哂啦。」 我：「夠啦，你地兩個都好煩呀，得未呀？」 我跟住唔理佢地，我就搵我既Amy陪我去廁所。因為同朋友一齊去廁所，係女仔既浪漫黎。   去完廁所，我對住廁所塊鏡整理下自己既儀容，再望下其貌不揚既Amy，我就覺得自己好似娘娘，而Amy就好似宮女咁。 雖然咁講好似好衰，但作為一個靚女，都要搵一個綠葉扶持，咁先係男仔眼中顯得矜貴。 做左女仔一個星期，確實係幾好玩既，不過，我始終都要返去男版世界，但係要點樣先至返到呢？仆落樓梯多一次？ 我諗野諗到入哂神。 突然間，Amy係我後面偷襲我，用雙手摸我個胸。我大叫：「呀！」 等我冷靜落黎之後，我就一野渣落去Amy雙乳，咦，軟淋淋咁，又幾正嫁喎，哈哈。 Amy只係縮開個身，無罵到我。係喎，作為同性，係可以非禮同學而無事嫁喎。 即使我變左女仔，但個腦仲係男仔，hehe。 所以我第一時間諗到既就係：去渣Katrina個胸啦！ 渣Katrina個胸大作戰，開始！ 我返到班房，好快就見到我既獵物Katrina，但係佢竟然同家寶、家欣傾緊計，豈有此理，阻住哂。 唔通我要大庭廣眾渣Katrina個胸？ 我唔理啦，死就死啦，我望住Katrina個胸，狗衝上前。 女班長Fiona：「呀清，有人搵你呀。」 我：「邊個呀？」阻住哂我去非禮Katrina。 我行出班房，見到一個著住西裝既帥氣鬼佬。