Jayden見到呢一幕之後呆左一呆,然後氣急敗壞咁調轉頭走左去,仲愈走愈遠。

Carson無發現到,只係見我呆左係度咁,就鬆開左隻手問:「咩事呀?」

我:「無事,我夠鐘返屋企啦,你都走啦。」

Carson臉帶少少失望,又講:「我送你去搭車呀。」

我:「嗯。」



係等車既時候,我收到一個Whatsapp訊息。

係Jayden,佢問我:「何嘉城打人果件事係你叫佢做既?」

我有d驚訝,原來Jayden都估到。

我知道紙包唔住火,只回答:「係。」

Jayden:「你俾左咩好處佢呀?」



我:「同佢行街睇戲食飯囉。」

Jayden:「有無搞錯?咁唔公平,佢約你出街,我都要。」

我:「好呀,咁你想幾時?」

Jayden:「就聽日啦。」

我:「好呀。」



Jayden:「你幾點ok?」

我:「1pm。」



星期日,返完教會聽左陣耶穌,我就陪Jayden食Lunch。

佢今次真係帶左我去食美國菜,係一間叫Outback既餐廳。

我叫左個炸魚薯條,Jayden就食西冷牛扒。

其實同靚仔据扒都真係好浪漫,但係我都唔會心動嫁,因為我既靈魂仲係個男仔。

我率先問:「其實你鍾意我d咩?」



Jayden好坦白咁講:「靚女囉。」

我話:「膚淺。咁Katrina夠靚女啦,你又唔追佢?」

Jayden:「係我心目中,你比所有女仔都靚。」

我:「哼,口花花,男人講野真係信一成都死。」

Jayden:「我係真心鍾意你嫁,信我啦。」

我:「如果我老左變到好醜樣,你咪唔要我?咁點算呀?」

Jayden:「唔會既。」



我:「你同我食飯呀,咪又係想食左我?」

Jayden聽到之後就濁親,然後徐徐回答:「唔會咁快既。」

我:「丫!咁姐係有諗過啦。好污穢呀你。」

我大力扭Jayden耳仔。

但事實我鍾意Katrina既時候,都成日j佢。



有人話:「男孩想打動女孩,只為了跟女孩打洞。」

而家睇返呢句,真係錯唔哂,哈哈。



食完飯,埋單,Jayden拎住張單,搶住俾錢。

我搶返黎,示意今次食飯AA制,但Jayden搶返黎,堅決要請客。

收銀員:「264蚊呀,唔該。」

好貴……

食完之後,我就同Jayden行商場,去左百街超市推住架車仔睇生果,睇菜,好似d新婚夫婦咁。

Jayden:「你有無野要買呀?」

我:「無呀。」



行到三點鐘左右,我要去補習,就同Jayden話別。

補習,補我最差既數學,作為一個少女,數學差係常事黎。

個半鐘都係講sin、cos、tan。三國殺我就識姐,三角函數我識條春咩?