「啊,你估啲樹枝會唔會無啦啦有隻keep住微笑,又識隱形,又識講野嘅紫色貓啊啦?」劉希邊撥開擋路的樹枝邊道。

「愛麗絲咩!」

「又或者會個山洞又有湖又剩仲有隻狼人添。」

「係啊係啊,到時記得疾疾護法現身。」

「又或者⋯⋯」





「又或者咩?講講下唔講嘅?停係到做咩?」

「你睇下,我諗我地盪失咗路!」劉希認真地指著樹上的記號。

「可唔可以唔好一臉認真咁講啲鳩野,依家點算?」

「無計啦,我地唯有留返啲血脈希望有朝一日,我地嘅子孫可以逃離依到,嚟啦,反正依到都無人!」

劉希一下熊抱著櫻,櫻嚇得呆在原地,臉不斷轉紅。





「做⋯⋯做咩啊你!」

劉希將櫻推倒在地,親吻著她的耳珠。

「keep住咁樣聽我講。」劉希手在櫻身上游走,但卻傳音道。

「個記號唔係我整咖,雖然扮得好似,但同我整嘅有分別,同埋我留意咗好耐,一直都有啲烏蠅係到跟住我地普通烏蠅都無問題,但啲烏蠅竟然刻意隱藏自己行蹤。同埋如期話係烏蠅,佢地更加似監視器,試問一隻烏蠅點會停係到望實我地。」

「毫無意外,同烏蠅有關嘅除咗佢仲有邊個,就算無見過我都識啦,蒼蠅王別西卜!所以,化刀!」





「集氣斬!」

一道黑色劍氣襲向密林的漆黑處,途中斬斷沿路的樹,瞬間將前方移為平地,劍氣襲向一個人形,一個漆黑的人,不應該說是由蒼蠅組成的人,劍氣將蒼蠅人一分為二,蒼蠅重新組合回人形。

「哦,果然係被傲慢承認嘅人,雖然實力遙遙不及路西法同撒旦,但若任由你成長,必定會係我嘅一塊攔路石,少年若我保你傲慢之位,你會唔會助我一臂之力,創立新七罪!改為以我為首!」

「我記得,你係暴食啊可?傳說中同路西法不相伯仲嘅鬼王。估唔到你當初走係為咗養兵取代七罪,但睇嚟我無估錯因為路西法一直無消息所你先唔敢輕舉妄動,但依家路西法已逝,姐係你嘅時機終於都等到。」

「無錯,不妨同你講我已經集齊七罪,但有啲罪唔夠正統,所以若果你願意加入我嘅陣營,我可以放棄原先嘅人由你取代佢。」

「咁可唔可以比我知埋,你係魔森有咩計謀?同埋點解唔用本體見我?」

「同你嘅目的一樣,深淵龍!而且如果我唔匿係魔森,我點策劃咁多野?一切都要安全至上,如果我用本體有咩不測咁點算?」

「咁如果我係唔幫你呢?」





「咁⋯⋯雖然好可惜但係我只可以係到殺咗你!免得你阻礙我!」

「咁唔好意思啦,我應承過印戒嘅前主人,我誓死守護撒旦!同埋想搞掂我起碼都現個本體岀嚟專重下我!」

「影破!」

如來劉希本著環境漆黑,製造了很多元素球圍繞著別西卜,劉希一聲令下元素球全部爆開,形成一埸暗元素爆炸。

「雕蟲小技!」

無數蒼蠅由人形化作巨手襲向劉希將其捉緊,劉希極力抵擋卻依然無還擊之力。

「依啲係我特別培養嘅吸食蠅,佢地會吸你嘅血同元氣作食糧,所以無謂反抗,你越用元氣佢地就吸得越勁咖啦,放棄掙扎慢慢被吸走哂所有血死啦!」





「吸血⋯⋯嘻嘻⋯⋯我講過,想搞掂我,現真身!」

「血硬化!」

吸食過劉希的血的蒼蠅突然墜地,令巨手岀現缺口,劉希立即退步拉岀距離,腳卻開始變軟倒地,頭開始暈,連視野也因此模糊,在朦朧間,劉希看見一個男人走近。

男人身上有不少蒼蠅,臉上甚至有由蒼蠅所製成的鬍鬚。

「Beel-Zebub係Rabbi嘅文獻係解引起疾病的惡魔,我嘅蒼蠅全部都有毒,太大意啦劉希!不過的而且確值得表揚,我都估唔到你竟然識用血術,為咗讚賞你,我會令你痛快咁死!」

「我唔準你咁做!暗箭!」

櫻利用暗元素製了無數的箭襲向別西卜,別西卜輕揮一下,蒼蠅化作巨大圓盾抵擋所有攻擊。

「區區武器精靈給我滾一邊去!」





別西卜一手掐著櫻將她舉起弄走。

「櫻⋯⋯」

劉希用盡全身的力道岀一句,並舉高手欲捉緊別西卜。

「嗯?竟然仲有意識,仲有力?唔錯,可惜道不同不相為謀!」

一團蒼蠅,從天急降向劉希。

「再見啦傲慢!」

「達古巴卡!達斯拉波!」





突然幾枝帶火的箭射向別西卜。

「唧!該死嘅深淵秘族!傲慢,算你好野!」

只見別西卜突然離去,消失於黑暗之中,劉希亦失去了意識,昏了過去。

昏去前只聽見一把女聲道:「媽啵拍打啲咖咇!」

=============================================
小弟開咗ig啦:makefftobestory
真情劉路
我會係ig同讀者互動,同埋會更新關於我嘅作品嘅嘢例如幾時po。
所以鍾意我嘅作品就快啲follow啦!當然叫埋你嘅friend一齊follow追故就仲好!
你地嘅支持就係我寫落去嘅動力!我會繼續加油報答大家支持咖!
已有 0 人追稿