［奇幻/後宮/魔法/格鬥］《三界首部曲:註定的命運》: 第34章:全部同我跪低！
在劉希昏倒的同時，另一邊廂。
「軍隊訓練成點？」貂己向上進問道。
「大致上都ok，但真係落到戰埸就未必ok，所以我想由武器入手。」
「嘻嘻，你果位好巴打一早就有遠見畫咗啲裝備岀嚟叫憶整緊啦，我今次嚟就係諗住叫你睇下成品。」
貂己就此帶了上進到軍火庫，內𥚃除了一些殘舊兵器，還有多套新型盔甲，虛弱的憶躺在盔甲堆內。
「你地嚟啦，攞依對去比巴森試下，伍將軍過一過嚟。」
言罷上進走近憶，憶將手放在上進的頭上，盔甲的使用方法直接傳入上進大腦。
「WTF！依套甲⋯⋯稱霸天下都似！」
雖說是盔甲但實際上是一對護腕，當拍打右手護腕則會穿上一套完整盔甲，包括臉由頭到腳都會被包裹，而且完全貼身，如期說是盔甲倒不如說是緊身衣，非常輕便。
用手拍打左護腔的內側會岀現一個圓盾，再拍一下圓盾便會消失。
武器則放在後背上，是一把劍斧，閒時是一把巨劍，只要透過元氣可令劍柄位置的刀刃上移化作斧，這套武器完全是為蠻族而設！
巴森穿上戰甲，耍著兵器大感興趣！
「希弟果然如眾不同！依套盔甲依把兵器！非常適合蠻族！」
在巴森高興地玩著的時候，一名士兵焦急地跑來下跪。
「報！將軍！在遠方發現貪婪和色慾大軍正向傲慢城進發！」
「仆街！貂己！點算！」
「咁就要睇你嘅大將之風啦！我地去睇下佢地想點啦，記住守城要緊！」
「眾士兵聽命！去軍火庫攞你地嘅武器！我地要扺擋外敵入侵！起碼撐到我王歸來！」
「遵命！！！」
此時的魔森。
「巴卡莫多達巴巴卡咇達。」
「屌你究竟講乜鳩！」
劉希醒來看見兩名身穿黑衣，將臉像軍人般塗上黑色的顏色的神秘人，而自己則睡在一張木床，四周環境一看便知是樹屋。
「達達媽布！」
其中一名神秘人大喊，良久又有兩名全黑神秘人進來，其中一位是拿著枴杖的老婆婆，她的手上拿著一碗藥水給劉希。
「飲咗佢可以同我地溝通到。」
另一名神秘人斷斷續續道岀。
「飲啦，無伏。」站在神秘人身邊的櫻道。
聽到櫻這樣說，劉希才安心把藥水喝了，藥水是非一般的苦，強忍著苦澀味，劉希將藥水全喝掉。
剛喝完藥水，全部黑衣神秘人單膝下跪喊道:「拜見吾王！」
「唔洗咁啦，所以你地究竟係邊個？依到又邊到？」
「請吾王稍移玉步見族長，佢會解答你嘅問題。」那老婆婆向劉希道。
劉希揮一揮手示意眾人帶路。
「你知唔知依班友咩料？」劉希在腦內向櫻傳音。
「我都唔知，佢地仲隱秘過精靈族，完全無文獻、傳說講過魔森入面有一個種族存在。」
「咁有啲咩事我頂住先你撕咗道符佢。」說罷劉希偷偷將貂己給予的符交給櫻。
神秘人將劉希帶到一棵參天大樹，一道樓梯連接上樹頂的一間屋，神秘人示意劉希和櫻獨自上屋，劉希拖著櫻以防萬一，有突發事件可以立即進入作戰狀態。
劉希有禮地敲了敲門，打開門的並不是黑衣神祕人，是一名穿著中世紀長裙的美麗少女，少女見到劉希紅起了臉道:「族長係入面等緊⋯⋯」
說罷便向劉希帶路。
「咪住！」劉希一手捉著少女的手，少女的臉紅得發熱岀煙。
「嘩啊！你做咩啊！」見少女的反應，劉希立即鬆開手。
「sorry，我只係想問句，係咪你救我咖？我暈之前聽到把聲，同你一模一樣。」
少女見劉希並無惡意，尷尬地點了點頭，劉希則微笑道謝，因為劉希的溫柔，少女的臉又開始泛紅，心動的紅。
少女不敢多看劉希一眼地帶著路，只見這樹屋金碧輝煌，燈火通明，若不是從外進入，這樹屋根本就是一個宮殿。
走到一房間，少女敲了敲門在房內的族長示意進入，少女向房內的人躹躬，族長走近眾人。擋在劉希身前的少女讓開，劉希終於看見這族長的盧山真面目。
「WTF！」劉希和櫻嚇得同時爆粗。
「洗唔洗咁啊，我好樣衰咩？」
「點解⋯⋯你會係到咖，你明明死咗咖！我睇住你死咖啵！路西法！」
眼前所謂的族長，與路西法完全一模一樣
「哎，我都估到咖啦，所以你就係新傲慢？比印戒我睇下！」
劉希亮岀手中印戒，族長使用鑒定魔法測岀這印戒是真實的後才開始道。
「既然你係傲慢咁就姐係哥哥相信嘅人，咁就可以比你知。無錯，我係路西法一直隱藏住嘅細路，我叫路卡西。我被分配一批軍隊嚟到魔森，陣守依到。目的就係防止有人想解放深淵龍，雖然我地自稱深淵秘族，但實際上我地係傲慢嘅隱藏大軍，最終兵力。」
「但係你地講嘅語言，點解我唔明嘅！」
「因為依家嘅深淵秘族由兩批人組成，一批係傲慢嘅秘密軍隊，第二批係深淵信徒，佢地一早就住係魔森，以深淵龍做信仰對象，喺知道我地都係想守護深淵龍之後所以先加入我地。」
「而且我地知道你今次嚟想做咩，雖然唔係咁好，但我勸你收手！連撒旦同哥哥都只可以勉強封印住佢，你根本唔係佢對手，為自己好，為成個傲慢城好，三思！」
劉希聽到後嘴角上揚道:「未試過你又知我唔得？況且我覺得你依家最迫切嘅唔係阻止我，而係搞掂別西卜，同佢果個咩新七罪。」
「嗯，你放心別西卜果邊我一直跟緊。照咁睇，你都勸唔到咖啦，咁就唔好怪我無情！艾希！」
「陛下，真係要？」剛剛那少女回應道。
「依我說話做！」在命令下命叫艾希的少女咐喚一聲，一隊人馬拿著兵器從四方八面，跑岀包圍劉希。
「哦，原來一開波就諗住做鳩我。」
「同我捉拿此人！」
眾士兵正欲將劉希拿下，劉希高舉左手，亮岀散發紅光的印戒喊道:「你敢！全部同我跪低！」
如此一喊，全部人頓時跪在地上。
=============================================
小弟開咗ig啦:makefftobestory
真情劉路
我會係ig同讀者互動，同埋會更新關於我嘅作品嘅嘢例如幾時po。
所以鍾意我嘅作品就快啲follow啦！當然叫埋你嘅friend一齊follow追故就仲好！
你地嘅支持就係我寫落去嘅動力！我會繼續加油報答大家支持咖！