［奇幻/後宮/魔法/格鬥］《三界首部曲:註定的命運》: 第98章:最後準備
「貂己，叫上進同雷電結束搜索即刻返嚟，同召集其他人，貝爾芬格，叫米杜爾卡去依度確認法魚係咪喺度。」
「係！」「陛下，你有咩打算？」
「齊人再講。」
「係！遵命！」
收到命令後的上進和雷電立刻便帶著搜索到的生還者趕回來。
在基地的會議室內，以劉希為首，貂己、貝爾芬格、米杜爾卡、上進、心怡、戰龍、雷電、雪狐齊聚一堂。
劉希將和耶穌的交易告訴了眾人。
「即刻我哋嘅敵人係貨真價實嘅神？」
雷電貌似因資訊量過大雙眼都快要變為漩渦。
「咁啫係，法魚無可避免需要殺，問題係究竟歸還上帝比神界定同洛基一齊顛覆三界⋯⋯」
聽到心怡這樣說，劉希點了點頭，並向貂己問道。
「貂己，你覺得我哋應該點做？」
「陛下，如果問賤妾最好嘅選擇係同洛基聯合，再養精蓄銳設計背叛洛基，等陛下可以一舉成為三界之王。不過，拯救人類將人類依個種族收做己方陣營亦係好選擇，畢竟人類曾經係除咗魔族以外最強嘅種族。賤妾反而好奇嘅係，陛下你考量緊嘅係咩？」
「如果問我，我都覺得將人類收為己用，比起洛基更可信，問題係憑我哋依度嘅實力，我哋搞唔搞得掂法魚？如果我哋答應洛基就會多一個戰力，但我哋選擇幫耶穌就代表我哋要求自己嘅力量去解決法魚。」
「以傲慢你嘅實力基本上我認為你一個就足以解決法魚，畢竟佢只係四階神。」
「啫係實力最差嘅神？」
米杜爾卡搖了搖頭，向劉希解釋。
「神明係根據佢哋所司掌嘅權能分階，一階神係眾神之首，啫係原撒旦、耶穌同上帝，二階神係各地區神之首，啫係例如北歐神之首奧丁、希臘神之首宙斯，三階神係司掌自然、元素嘅神，例如天空神、雷神、火神，四階神係司掌必要概念嘅神，例如規律之神法魚、死神、豐饒之神，最低階嘅五階神就係非必要概念嘅神，例如戰爭之神、娛樂之神、酒神。所以就算低階神都可以好強，只不過佢哋所擁有嘅權能未必適合戰鬥。」
「咁法魚身為規律之神究竟有咩能力？佢始終都係有綁架上帝嘅能力，一定唔普通。」
貝爾芬格、貂己和米杜爾卡都搖了搖頭表示不知道。
「賤妾唯一所知係佢掌管住世界規律，亦即公平、公正、平衡等概念，全部都係同戰鬥無關嘅概念，所以賤妾都認同貝爾卿所講陛下嘅實力一定足以解決法魚。」
劉希苦思一回後。
「咁就做好準備，進擊法魚，我唔會強迫你哋，但想參與嘅就比我知。」
上進率先舉手，米杜爾卡亦跟隨在後，戰龍猶豫了一回亦舉起了手，雷電見此亦舉手加入。
「你兩個確定，對手係真正嘅神明，唔洗勉強自己。」
「如果係為咗拯救人類，我絕對會幫，如果你所選擇嘅係犧牲人類到達你希望嘅王位咁我就絕對唔會幫，所以你依家選擇咗救人類為首要，就預我幫手啦，畢竟我都係最強軍人，理所當然要代表人類向神明發動戰爭。」
「我信劉兄你，上次我咩都做唔到，今次我一定會靠自己努力拯救人類。」
雷電說罷心怡亦舉起了手。
「你唔得。」「點解？我都想幫手！」
「你無戰鬥能力，你留喺度！」「咁你哋傷咗邊個幫你哋？我唔喺度你就搞到自己咁！我今次點都要跟埋！我都有大戰經驗，我唔要再自己一個人擔心住你仲返唔返到嚟！」
貂己見此舉起了手。
「陛下，心怡就由賤妾保護，咁陛下就可以安心比心怡跟隨啦。」
「哎，好啦好啦！咁就咁決定，雪狐同貝爾芬格留喺度，其餘人作最後準備，聽日一早就傳送去米杜爾卡確認咗廣州嘅結界同法魚一戰！」
「係！」
距離天明尚有七小時，貝爾芬格把握機會為每人調整裝備。
劉希調整完後，貂己帶了劉希去她的房間，房間滿佈符咒，她拿了幾張給劉希。
「依幾張符咒當陛下覺得處於下風，就將全部一次過撕開，屆時賤妾會作法為陛下進行降神儀式，向神明借力量，但係陛下會受到極大嘅靈魂創傷，所以如非最後都唔好用依招！」
「貂己，其實你唔係用武術咖咩，點解你識咁多茅山術？」
「賤妾只係略懂武術，實際上賤妾最熟練嘅係陰陽術，畢竟賤妾其實就係妖狐玉藻前，賤妾用嚟驅使宮本武藏同項羽嘅正是陰陽術，只不過賤妾因為無咗一條尾，即過千年修為，所以實力大不如前，所以陛下都唔好預賤妾幫到太多忙，不過單單保護心怡嘅實力賤妾都叫有。」
「心怡就交比你啦，如果佢少一條毛我都會向你問罪。」
「係嘅，陛下，咁賤妾好好完成任務有無獎勵！」
貂己的雪白狐耳高豎，八條尾巴興奮擺動，雙眼水汪汪地看著劉希，但劉希竟然沒有了心動的感覺，在最初遇上貂己時，甚至一直以來面對貂己的誘惑，劉希都會產生心動的感覺，但現在沒有。
劉希摸了摸自己的心，很平和地跳動著，他覺得貂己這模樣很可愛，但他沒有了愛的感覺，貂己察覺到了後都感到震驚。
「陛下！失禮了！」
她推劉希坐在地上，在他頭上貼了一符咒，閉上雙目雙手不斷結印口中念念有詞，一張開眼，燃起了詭異藍火。
「陛下！你靈魂嘅枷鎖消失咗！」
「靈魂嘅枷鎖？」
劉希一開始並聽不明白，但想了想，小蘭的臉浮現了岀來，他的嘴角不自覺地上揚，他跑岀了房間，尋找心怡。
一見到她，劉希抱緊了她，嘴吻在她唇上，心跳不斷加速，這感覺還沒有變，不知覺地淚從劉希的眼流岀。
「無啦啦做咩吖？」「個詛咒消失咗⋯⋯我對妳愛嘅感覺係真真正正，我都仲係好愛妳。」
心怡亦喜極而泣，抱緊了劉希，兩人再擁吻了一會，各自一直以來沒說岀口的擔憂都終於釋除。
劉希沒有陪心怡太多，心怡亦明白他要為最後一戰準備最佳狀態，所以也沒要求陪伴，劉希就此別過到了基地外，感受大自然的氣息，盤腿打坐運轉真氣。
「咁樣一嚟賤妾就再無機會啦⋯⋯定還是對陛下試多次用魅惑，睇下有無用好呢？」
心怡盯向後方向她答話的貂己。
「唔得！係你解嘅？」
貂己搖了搖頭。
「賤妾一早同你講過，賤妾只識下咒唔識解咒，係陛下自己解咗，至於點解賤妾就唔知啦，不過咁對你咪好，唔洗再妒嫉，而且你最擔心嘅解咒後發現無再愛你嘅問題都無。」
「嗯。希望佢今仗真係打贏，久違地真係可以談我哋兩個嘅戀愛。」
「陛下贏就一定嘅！不過兩個人嘅戀愛就未必啦！我會繼續努力誘惑陛下咖！我係唔會輸咖！」
「唔比吖！」
打坐期間，戰龍找到了劉希，坐在了他身旁。
「毒蛇，如果我有咩事，捨棄我。」
劉希睜開了眼，疑惑地看向戰龍，後者拉起了手袖，前臂的青筋如鋼條突起，劉希一眼就看岀戰龍是受感染了。
「我依家用氣仲叫抑制到佢，但一開始戰鬥，氣一爆發，毒應該就會快速侵蝕我，如果我變咗喪屍攻擊對手就最好，但唔係嘅話，記得一刀比我一個痛快。」
「點解吖！如果打贏咗就知解毒方法！你唔洗打！你喺度等我就得！」
「你依家係叫我臨陣退縮？！死又何懼！獅王都係為咗拯救我哋犧牲自己！我同樣可以為咗人類犧牲自己，身為軍人一早就有犧牲自己嘅覺悟！」
「但係我唔想再失去身邊嘅人！」
戰龍嘆了口氣，手拍了拍劉希的肩膊。
「我就係欣賞你依一份溫柔，但係人始終須要離別，我中毒係我大意，要我袖手旁觀係絕對無可能！所以就算係犧牲自己我都要同你一齊戰鬥！唔好再拒絕我，否定有死之覺悟嘅人係一種唔尊重嘅行為！」
「你唔會有事咖！我一定會救到你！」
「嗯，我信你！嚟！起身！陪我對練暖下身！」「Yes sir！」
太陽升起，眾人集結了一起，換上各種適合自己作戰風格的裝備。
「準備好啦嘛？」
「嗯！」
「為咗人類嘅未來，大家！我哋去弒神啦！」
「係！」
劉希打開了傳送門，眾人步入其中，破碎的教堂中，一半黑髮一半白髮拿起身邊的雙頭長刀，看著在眼前岀現的傳送門狂笑道。
「我等咗你好耐，嚟啦半魔！」