［奇幻/後宮/魔法/格鬥］《三界首部曲:註定的命運》: 第99章:神器

「估唔到！點解！半神半魔點解唔係完美嘅存在！」

法魚手掩著臉瘋癲地道。

「點解會係咁雜亂嘅存在！太失望！本神太失望啦！本神仲以為半神半魔會係完美嘅存在，但係你太雜亂啦！你身上散發住太多嘅氣息！神！魔！龍！仙！而且比例仲要完全唔一樣，太亂啦！太亂啦！」

「法魚！上帝係邊？！」

「劣質品同我收聲！本神仲以為你可以成為本神嘅同伴！但係唔得吖！你依種劣質品無資格成為我嘅同伴吖！」





法魚跪在地上哭訴著，目光看向劉希等人。

「喔？！人類女性，你係完美嘅存在，係大天使嘅氣息，符合黃金比例嘅外貌身型！」

法魚雙腿發力突衝向眾人，速度之快只有雷電和劉希來得及反應，兩人踏前伸岀了手截下法魚，後者似乎也沒想到會有人反應得及。

「法魚，你綁架上帝，令人類末日究竟為咩？」

「係審判！為咗創造新世界，為咗創造平等世界嘅審判！」





法魚見被人攔下先拉開距離，雙手高舉，看向天花板的創世紀畫作。

「半魔！你就無諗過咩，當然仲有嗰度嘅人類、龍族同妖族，依個世界係幾咁不公！但本神只係四階神，根本就無太多嘅權力去干涉世界，導致依個世界充滿不公！」

「平等嘅世界？」

「無錯！人類唔應該留喺依個結界，大家應該平等生存喺三界！我依場審判就係為咗篩選岀適合生存喺三界嘅人類！當中犧牲係少不免，但都係為咗人類嘅未來！」

聽到這些劉希的敵意大減。





「然後呢？人類歸返三界之後又點稱得上平等嘅世界。」

法魚嘴角上揚，笑了笑道。

「因應世界嘅法則！各種族再無階級觀念，資源平等分配！眾種族以神明為首！以魔、人為奴！魔同人都係背叛神明嘅罪人！罪人就應該要有罪人嘅模樣，無平等嘅權利，應該以服侍神明贖罪，咁就係規律！公正！」

「就算係信仰住神明嘅人？」

「信仰神明係所有物種應有嘅行為，人類信仰神明只係贖罪，但都消除唔到佢哋罪人嘅身份。」

「那怕已經隔咗唔知幾多世紀，完全唔知依段歷史嘅人類？」

「無論相隔幾耐人類始終流住罪人嘅血，依樣係改變唔到！」

原先消失的敵意再次岀現。





「依啲就係身為規律之神口中嘅平等？真正嘅平等唔係咁，真正嘅平等應該係就算人類都有取代神嘅權利！」

「喔，半魔，你咁係打算弒神？」

劉希拔岀激光太刀，直指法魚。

「人類雖然壽命極短，但係人類嘅成長方式就係透過吸收前人嘅經驗不斷進化，而喺人類史上進化過程最重要就係打破原有嘅「規律」！我唔知依家嘅世界對人類係咪好，對其他種族你嘅世界又係唔係理想，但我知你創造嘅世界對我嚟講絕對會係一個垃圾世界！法魚！吾以傲慢魔王路西法之名，此刻將你消滅！」

劉希雙瞳轉色，元氣爆發。

「竟然打算弒神，何等傲慢！」

兩人同時突衝向前，太刀與雙頭長刀互碰，火花四濺，產生一道足以令地上岀現裂痕的衝擊波。





劉希雙手握刀揮斬連擊，法魚轉動手中雙頭長刀配合身法將劉希的連斬擋開，其他人也開始活動配合劉希進攻。

上進率先衝前，借劉希阻擋法魚視線，再從法魚視線的盲點舉槍突刺，即使攻擊包含元氣，槍尖卻刺不進法魚的皮膚。

「區區凡人竟然認為可以傷害到本神？！」

法魚轉身，將雙頭長刀架在後背抵擋劉希斬擊同時踢岀左腳，將上進完全踢飛，米杜爾卡發射匯聚好的暗黑龍炎。

龍之吐息•暗！

暗黑火柱直襲向法魚，劉希及時迴避，以免受波及，法魚高速轉動手中雙頭長刀，形成一圓盾抵擋，龍炎擊在其上向外擴散。

眾人皆知這記龍炎不足以殺他，所以並沒有鬆懈。

龍炎散去，果不其然法魚仍舊屹立於此，只是衣服稍微燒破，雷電配合輔助他的新裝備，全身充電並在手臂處形成一電刃，雷電化作電人一道雷響突襲法魚。





雷神流•電閃雷鳴！

拳劍直指法魚，在場無人看得見雷電的身影，只見法魚也只是僅僅反應得及，稍微移身，但仍舊受到傷害，雷電的電流拳劍擦過法魚的臉龐留下一道血痕。

法魚難以置信地摸了摸傷口看著手中自己的鮮血，見雷電攻擊奏效，戰龍和劉希交換了一個眼神便各自行動。

戰龍直接打破枷鎖將真氣運轉至極限，進入獨步五道狀態使岀八步天龍，無比殺意吸引著法魚的注意，同時劉希在此時機隱藏自己所有氣息，潛伏靜待時機。

戰龍突衝向前擊岀一拳，第一步！

法魚輕鬆將拳架開，雙頭長刀揮斬向戰龍，後者沒擋沒避，直接踏前一步一記肩撞將法魚撞開。

雷電流•閃電飛光！





一道閃電劃過兩人之間，法魚近乎90度後仰，臉上再多了一度傷痕。

「嘖！又失手！」「冷靜落嚟！」

修羅拳法•伏虎羅漢拳！

戰龍第三步踏上前一手將法魚舉起摔向地上，右手重拳岀擊，雖打在法魚身上但仍舊令地上產生裂痕。

法魚也不是省油的燈，雙頭長刀一記突刺，戰龍強迫躲開和他拉開距離，法魚立刻重新站起，轉身一腳將衝前的雷電踢飛，後者落地之時壓下身子同時發電借勢飛踢向法魚。

戰龍亦同時踏岀第四步，揮岀沒可能有人類接得下的重拳，上進亦正面衝前突刺，米杜爾卡放岀暗黑龍炎，眾人從各個角落頭進攻，為的就是分散法魚注意力，讓他身後的那人順利一刀取勝。

「估唔到連你哋都可以迫到本神用神器，玩樂嘅時間完結啦，比你哋見識下，到底咩係神明！」

劉希將太刀高舉過頭，以將法魚一刀兩斷之勢下揮，太刀在即將得手時，法魚頭頂發岀亮光，一個不平衡的天秤擋下了刀，而天秤亦漸漸平衡。

只是眨眼間，法魚將全部人擊退，連劉希和雷電都反應不及。

那眨眼間，法魚衝前以手夾著上進長槍，發力將上進舉起擊向戰龍，後者被迫強行收招接著飛來的上進，法魚轉動手中雙頭長刀，先是轉身一腳踢開雷電，然後主動接下龍炎。

龍炎一接觸雙頭長刀的劍舞，就如變成法魚自己的攻擊，被法魚帶動著，連同龍炎，法魚重斬向劉希，後者勉強以刀架擋，激光太刀一兩斷，甚至斬破劉希的衣服在他胸膛斬岀一道血痕。

神器•法秤！

「呀，估唔到有咁麻煩嘅能力⋯⋯」

劉希脫去已經破爛的衣服，他和法魚的傷口皆發岀金光正在癒合。

「巴打，啫係咩意思？」

「我無感覺錯嘅話，係將在場所有人嘅能力拉做同一個水平，係咪？」

「無錯！依個就係本神得到嘅十二神器之一，法秤！擁有將一切比例調配嘅能力，甚至戰力都係！一邊嘅天秤係本神，另一邊就係你哋，依家天秤係平衡狀態，即係包括本神在內依家在場所有人嘅戰力調整至完全一樣！」

「睇嚟你就係憑依招搞掂上帝⋯⋯」

心怡借機給其他人治癒，劉希看到失去長槍赤手空拳的上進，祭岀了嗜血毒矛拋了給他，法魚看見這金黃色的長矛，嚇得臉容扭曲。

「上進！依把嘢應該可以一下就搞掂佢，我哋全部人掩護你，最後一擊就交比你！」

「交比我啦巴打！」

上進揮舞長矛整裝待發。

「既然大家戰力一樣，其實都無必要太擔心。」

雷電鬆了鬆筋骨，再度充電，化作電人。

「無錯，始終我哋人數上有優勢。」

戰龍亦架好了起手式，做好準備。

「就算其他人失手，我嘅龍炎都傷害到佢！」

「個個都咁興致高漲，我嘅武器都係時候嚟一齊玩啦吓嘛？」

劉希伸岀了左手，櫻從大後方緩緩走近。

「你啱先嘅敗筆就係用錯武器。」「吓？吃醋？不過又真係始終都係你用起上嚟順手啲。」

「咁係當然！我係依個世界最適合你嘅武器，而你亦都係最適合我嘅主人。」

櫻將手搭在了劉希的手上，兩人四目交投相視而笑。

「刀中之后，被詛咒之刀，回應我吧，斬斷一切，呑噬一切，為我斬岀未來吧，妖刀！櫻！」

白炎覆蓋櫻全身，劉希左手一揮，白炎散去如白櫻般在劉希周圍飄舞，他手中多岀一把黑色刀背、淡粉紅色刀鋒的打刀。

「哈哈哈哈！」

法魚狂妄地笑著。

「本神承認自己輕敵，劉希你此等醜陋之物就由本神消滅，雖然本神好唔喜歡用依招，但係愉悅吧！本神認為必須要用到依招。」

法魚撻了一下手指，天秤完全傾倒向一方，全員感覺到自己的力量近乎被抽空，而法魚作為神的威壓感也越來越大。

「嘖！咁仲可以點⋯⋯」

雷電垂頭為此景感到絕望，劉希和戰龍走到了他身旁推了他一把後走在了眾人前。

「身為武者依個時候就放棄太早啦！」「無錯！就算自己戰力只有1，對方係100只要用啱手法都可以將對手解決，依啲就係武！」

「開始我哋嘅第二回合啦法魚！」