快到29歲的我: 幾靚既女同事

還有3個月,就已經到達29歲

係應該叫做"老啦", 定係重好後生? 我相信應該唔同人有唔同既睇法

和一齊左2年既女朋友分左手成個月,心情都係好....唔知點咁

覺得自己好似有小小..怕左再拍拖既感覺

今天是星期5，放工之後就係星期六日的兩日假期





內心係期待的，因為返左8年工，都無咩係輕鬆得過夜晚返到家,玩電話電腦玩到唔知幾多點，之後又可以訓到自然醒




公司既返工時間係8:40am去到5:30pm

由於公司系係工業村，所以有自己既canteen, 都幾大的，一次過可以坐到幾多既同事

咁公司都有不明文既食早餐時間,差不多所有同事都係一返到公司後,就會去Canteen食早餐





食到大約9:10-15am左右，先開始返自己禁電腦做嘢

由於我係自己揸車返工的，所以係對有揸車返工既同事比較深刻

所以邊位揸車返工既同事,係8:50am左右都未係canteen出現的話，就應該係遲到








我公司有樣文化係無工作關係OR唔同Team既，係會當大家唔識的，點頭講早晨都唔會做

咁係下一層係有一位幾靚既女同事，佢結左婚的，已經有一位3歲小朋友的媽咪

佢都係其中一位揸車返工的女同事,所以我對佢比較深刻, 佢好細粒和好瘦的,大約160cm高

咁我同佢係唔識既，只不過係E3年黎，大家只係大約知道有對方咁樣既然一個同公司同事存在




大約差唔多9:00am, 我就坐左係canteen到食早餐

先見到E位幾靚既女同事,好快步咁行入黎canteen去收銀到買嘢食





佢原來又有左, 睇落應該4,5個月了,由於佢好瘦好細粒

又著左白色大肚婆連身裙,所以佢個肚係睇落係特別大



我係E個時間口快快咁對住左坐係身邊自己Team既同事講:wow! 個肚咁大既!

同事望一望之後覆我:呀靚媽? 聽講佢老公都有錢，可以唔洗做，應該唔做嘢覺得悶先返工!

之後我就不知不覺口快快又講左:下! 無夢想架?無目標架?成世人自己無嘢想做架?悶到要返工?

同桌幾位同事聽完後都眼定定咁望一望我

可能大家都係要養家生活,未有咁既"資格"去諗E個問題再去覆我








講完之後我自己係到諗,如果6合彩8000萬比我中左，之後買幾層樓收租，應該都退得休

咁我又有咩想做呢? 有咩夢想呢?

去吃喝玩樂?買想要既嘢?環遊世界? 重有無呀? 男就玩女人?女就玩男人?

點解好次全部都係有錢就買到既..

咁我又有咩想做呢? 有咩夢想呢? 有咩目標呢? 難道...我都係會悶到要返工...







可能到時只會係同今晚一樣

玩電話電腦玩到唔知幾多點，之後訓到自然醒...

..........


我相信應該唔同人有唔同既睇法....

應該叫"老" 定係"重好後生"....

還有2個月29日....

就到達29歲的我.....