快到29歲的我: 食燒夜

差不多夜晚11點幾

剛剛同識左十幾年既老友食完燒夜，係一個坐街邊可以食煙既串燒鋪頭

大家都不知不覺講起大約E8年黎, 返左工既事

和講下大家就黎29歲有D咩做可以令自己生命更富足


覺得好似... 有D迷茫





應該係只係為錢看....

定係，去做D自己想做既事或想做既工作

做人應該對自己好D，定係為錢而放棄所有光陰...








我老友佢自己本身無咩特別個人興趣

只不過係細細個時想做警察，到今日又做左8年

平時都係中意遊車河，但一早已經覺得遊到唔知可以再去邊到遊

佢行街睇戲食新嘢去旅行真係一年都無一次,想買咩都係淘寶

係平時食下煙再去7仔買下酒飲下





簡單講就係一位陽光男孩樣既悶人

所以。。都係無女朋友中

上一位女朋友係位成日要收到貴重禮物的香港女孩

所以1年左右都無就分左手

佢同我講：不如都係為錢看算la

返正到左今時今日，自己想要咩，都係有錢就買到

當然，有老婆之後再有小朋友，係一定完完全全第二個世界和下一階段既追求

但今日未有住就遲下先諗la





佢一講完就令我諗返8年前我問過唔同人既一個問題

之後我就問下佢:


李嘉誠E家就企左係你身邊

佢話你只要答到佢一個問題

就會送4樣嘢比係你

4樣嘢係:
1.售價高達$2.8億,尖沙咀名鑄, 5,260平方呎複式單位, 全屋所有窗都係對住維多利亞港煙花海景





2.私人飛機，私人游艇, 法拉利，勞斯萊斯

3.一年豪華環遊世界包豪華吃喝玩樂

4.環遊世界完返到香港之後重有10億港幣




比少少想像力, 你E家就係5,260呎複式單位既名鑄入面

坐左係張"唔知價值幾多萬"既真皮梳化上面

下午3點幾,





微微既陽光射入黎，清涼既自然風令到你好放鬆

李嘉誠E家就企左係你身邊



只要答到佢一個問題,就會送4樣嘢比你




問題係3個字: 又如何?








e4樣嘢好可能係好多人身上, 都係無咩可能同時間出現


但係


又有幾多人，唔係用上一生既時間，黎換e4樣返黎呢?

只係買D無咁貴羅




之後老友覆我話

唉。。。其實人既慾望係無窮無盡架啦

最重要係分得到咩係想要, 咩係需要架姐

好似每日都有好多香港人講想自己和家人生活過得好D架

咁問題係,有幾多人真係每日3餐食唔飽呢?

每日無足夠既水飲?

無書你讀? 無高床軟枕你訓?

係冇足夠既需要， 定係冇無限既想要呀?




我聽完就笑了一笑




只要答到佢一個問題,就會送4樣嘢比你

你又會點答E個問題

問題係3個字: 又如何?