嗰男人係腰間攞左支手槍出嚟,將槍口指向阿權,阿權即刻匿埋係枱底,我同Joyce 就入左細房鎖上門,而阿志同阿權就係出面同個男人搏殺。      
「呯!呯!呯」門外傳出多陣槍聲,Joyce 露出一個擔心嘅表情,因為阿志佢地仲係外面。
             
「死啦,阿…阿志佢會唔會有事㗎?阿志千祈唔好死啊…」Joyce 嘅眼淚沿住面
頰流到下巴,然後滴到地上。

「放心啦,佢地唔會有事㗎…」雖然我知道以外面嘅情況,無人傷亡根本係天方夜譚,但有時候善意嘅謊言可以令一個人無咁容易受傷害。

「你班仆街,知唔知道阻住我做嘢有咩後果?就係死呀!」個男人慢慢行向阿權
嘅方向,拉起板機,將準星指向阿權嘅位置。





「小心呀!!」係另一方向嘅阿志大聲提醒阿權,阿權起身將枱上面嘅一把解剖用嘅刀扔向個男人。個男人可能因年紀比較大,反應亦比較慢,被刀打中額頭,鮮紅嘅血液隨即噴出,但因為傷口唔算深,對個男人嘅傷害比較小。

「啊啊啊啊啊啊!!!!」個男人用手㩒住額頭嘅傷口止血,血將個男人嘅手染成紅色,訓左係地下。

「阿志!係機會啦!」阿志攞起沾滿血嘅棒球棍,慢慢行向個受左傷嘅男人到,準備一棍打落下去之際,個男人強行爬左起身,額頭嘅傷對佢好似已經麻木,對傷口嘅痛楚已經置之不理。個男人避開左阿志嘅攻擊,一個大腳踢開阿志,阿志直飛後面嘅一排木櫃,一頭撞落櫃門,令阿志感到暈眩。

「哈哈哈哈…唔通…唔通呢個就係身為大司祭嘅能力?我等全能嘅大神,吾等將以大司祭之名,將袮眼中視為敵人嘅人消滅,哈哈哈哈…」個男人開始講起一啲奇怪嘅語言,口音有啲似中東地區嘅語言夾雜一啲英文。

個男人準備舉起手槍,將槍口對準阿志,阿志頭上嘅冷汗直流滴到地上。呢個




時候,阿權攞起另一把刀飛向個男人,刀片直插後腦以上嘅位置,個男人應聲
倒地,血流不止,但佢仲未死。

「我…我係…臨死之前…都要殺死…你,龍志成!!」個男人用盡最後一口氣
向阿志開左一槍。

「呯!」

「阿志…阿志!!!」Joyce 聽到槍聲之後衝左出去,跑到阿志身邊。阿志左胸位置中槍,呢個位即使唔中心臟都好大機會死。





「阿志啊!!志!!唔好死…唔好死啊!醒啊!你話過以後要娶我過門㗎!!你話會照顧我一生一世㗎!!」Joyce 捉住阿志尚有餘溫嘅手,喊到痛不欲生。

「阿志!阿志!」阿權不斷係實驗室裏面搵急救用品,希望可以挽回阿志一線生機。

「搵到啦,Joyce 妳有讀Bio,又係紅十字,妳幫下手啦!」

「但係…我…驚我做唔嚟…」呢個時候,阿志開聲叫左我個名。

「華仔…我諗我都過唔到好耐啦…咳…你地要生存到最後,Joyce 就拜託你啦…
咳…要好好照顧佢,知唔知…咳咳咳…」阿志一路講嘴邊一路吐出鮮血,佢講完之後就斷左氣,再無同我地講過任何一樣嘢。

「志呀!!」Joyce 抱住阿志嘅屍體喊到收唔到聲,佢相信阿志只係訓著左。
「我地唔可以辜負阿志對我地嘅期望,我地要努力生存到最後,Joyce妳都想幫阿志㗎嘛,係咪?」我扮無事,其實眼淚已經填滿眼窩。

「無錯」Joyce 抹去面上嘅淚水,壓低聲線,從佢嘅眼神睇得出,佢充滿住復仇嘅怒火。





「如果我唔生存到最後,阿志嘅死就無任何意義,我唔可以比佢白死,我一定要親手殺死個仆街校長,如果唔係我個心永遠都唔會安樂。」

「Joyce 我撐你!」阿權將阿志嘅棒球棍交比Joyce 「妳要承繼阿志,做我地嘅領袖,知唔知?」

「我同阿權會無限量幫妳手。」

下午6點正,我經歷人生中最傷心欲絕嘅一個下午,我地將阿志嘅屍體放置係一個隱蔽嘅地方,令其他人搵唔到佢。

「行啦,就快到夜晚啦,要快啲搵到補給先得。」係Joyce 嘅背影,我見到當時勇敢帶領我地隊長阿志,Joyce 有著阿志嘅志向,亦不缺阿志嘅勇氣。突然中央咪播放一首音樂,旋律帶有悲傷嘅感覺,同我地剛才嘅心情相當吻合,聽到後嘅悲傷感大增。

「呢首歌…我聽過…」阿權用一個嚴肅嘅表情同我地講。            
已有 0 人追稿