香港殺入世界盃（尼馬故外傳）: 第七十三章
73）從那天起，七月二日正式成為香港「國慶」。
「香港萬歲！ 」
港隊出線複賽，熾熱的氣氛足足持續了兩天。翌日市民回復迫巴士上班的日子，卻未能平伏心情，巴士﹑地鐵﹑火車車廂的螢幕播放著港隊世界盃贏波的消息，不少打工仔忍不住內心興奮，於公眾地方高歌起來。
「我地依家係布宜諾斯艾利斯，香港隊下榻既酒店門外……」體育世界新晉記者－鍾女，於阿根廷報導。
「門外集合左大批香港球迷，準備迎接佢地既『國家』英雄。呀……」
她心情過份興奮，不慎表露心聲。
「球員既旅遊巴到啦！」
旅遊巴中，我們從遠處已看到數千個香港球迷高舉橫額及煙花棒等待我們。在阿根廷已能感受到這份熱情，我不敢想像大軍回到香港那天，赤臘角機場會是何等盛況。
「德仔萬歲！！發哥萬歲！！！！ 」
「積sir！！呢邊呀！」
一下車，兩邊球迷不停高呼心儀球員的名字。成功出線心情大好，一眾球員自然樂意為球迷簽名。
「gary！呢邊呀！」
我壓軸下車，球迷一窩蜂上前向我索取簽名及合照，不少是支持了我多年的熟眼球迷。
「gary，陣間可以同你做個專訪嗎？」女記者鍾女走過來問。
「妳係體育世界主持？我好似冇見過妳。」
體育世界經常報導港隊新聞，因此該節目的主持人我都認識，卻不認得眼前此女。
「係呀！我係見習體育記者，岩岩加入體育世界兩個月，我叫鍾女。」
「鍾女……」
「gary？」
「好，個專訪妳想喺邊度做？」
一日之後，世界盃G組賽事完結，北歐強隊瑞典以首名晉級，將會是香港隊的下一個對手。
說到瑞典，球迷第一時間想到的自然是他們的領隊。
「撒旦先生，請問你點睇下一輪既對手香港隊？」
「想當年我曾經跟隨聖日耳門到訪過香港，個邊有好多我既信眾，係一個好地方。」撒旦先生道。
「只不過，老實講，我認為隨便一個瑞典球員，都足以一人之力摧毀佢地！」
「但香港隊尋日以『纏絲鎖陣』打敗洪都拉斯，你唔怕佢地重施故技？」
「洪都拉斯同瑞典，就好似凡人同我一樣，如何能相提並論？」
「只係善意提醒……洪都拉斯係上屆八強份子，而閣下既瑞典隊係被佢地淘汰出局。」
「閣下自以為足球知識豐富過我？」
「唔係，我既意思係……」
「唔係既話，你講咁多做咩？」
「……」
這就是積sir的下一個對手，綽號「呂布」的瑞典領隊Zlatan（撒旦）先生，球員時代是個叱吒風雲的大人物。
瑞典足球隊有「北歐坦克」的稱號，前線有著數位技術一流的攻擊手，港隊要跨過這一關，難度更高。然而，經過「七二奇蹟」，我們深信沒有不可能的事。
來到布宜諾斯艾利斯的FIGUEROA ALCORTA橋，在車輪水馬的大道上看日落，德仔覺得自己正身處於日本的動漫世界，有里香相伴在旁，更添浪漫。
「日本隊出局了。」里香憂憂的嘆了口氣。
「球隊今屆抽到好籤，全國人民都期待會大有作為，我地居然連輸兩場。」
本屆其中一個焦點，是被譽為史上最強的日本居然接連輸給安哥拉及烏克蘭，以0分包尾出局，大和第一射手太空翼的首屆世界盃夥粒無收。
「球場上爆冷乃兵家常事，何況弱隊球員為國而戰，往往打高一班波。」德仔道。
「唉……」里香嘆氣。
「我哥哥身負全日本國民既期望，出局之後傷心欲絕，即晚一個人離開左阿根廷話要去散心，連我都搵唔到佢。」
「黎到阿根廷之後都冇同田仲佢地聯絡過，唔知佢地心情點？」德仔道。
「出左局，心情點會好？」
「咁又係，我都係遲d先搵佢地。」
「就算你想都冇用啦！」里香嗔道。
「兩星期冇手機用……你地領隊太唔人道了！」
德仔搖頭：
「呢招叫破釜沉舟！正因為我地心無旁焉，先可以上下一心締造奇蹟。」
「係喎……都未恭喜你地，第一次踢世界盃就出線複賽。」里香道。
「當日睇住香港喺外圍賽輸俾日本，估唔到最後你地走得仲遠。」
「領隊話距離複賽仲有六日時間，俾我地放一日假。」德仔道。
「即係話下次同你見面，又要等多一星期？」
「冇錯，呢個星期我地會進行另一輪特訓，恐怕唔會有私人時間。」
「好吧，等我又學下你地領隊，俾d鼓勵你。」里香笑道。
「如果你下場比賽入到一球，我就……」
「就咩？」
「我就……俾個『咩都得』你？」
「『咩都得』？」
「冇錯，即係你叫我做咩我都唔可以拒絕，唔知呢個算唔算係動力呢？」
望著笑語盈盈的里香，德仔不知為何臉上一紅，不敢再想下去。
「仲有六日時間，你可以攝高枕頭諗下。」里香續道。
「我相信你做得到的，對你有信心。」
－－－－－－
這邊廂的香港，一眾啟業邨街坊這日聚集於屋邨的士站，為德仔媽媽送行。
「德仔媽媽，祝你一路順風！」
「多謝你地，德仔一定唔會讓你地失望。」
德仔媽媽登上的士前往機場，準備人生第一次衝出亞洲，親身到阿根廷支持兒子。
經過啟德走廊，遙遠望向維港另一方，石屎森林紛紛掛著香港足球隊的大型海報，她感受到足球為這個城市帶來的改變，為這個充斥角力的城市帶來短暫的昇平，人民可以暫且忘卻前景憂慮。
港隊出線世界盃複賽的「大奇蹟日」，亦接連帶動香港股市飆升，政府亦樂見其成，再將七月八日定為特別公假，方便港人睇波。
七月八日，香港時間凌晨四時半，港隊將會移師烏拉圭首都蒙特維多出戰瑞典。