香港殺入世界盃（尼馬故外傳）: 第七十九章

79）「兩閘上！」
「係！」

落後兩球，積甸拿克再無選擇，下令球員放手一搏。

「喝！ 」


一眾攻擊手如願以償接旨強攻，左翼衛史葛皮恩發揮速度運球推過中場，朝著峨眉月頂放出長傳，德仔使出洪荒之力，升高以心口控定皮球。






「冇咁易！」受命看管德仔的龍卡貝治馬上緊纏，誓不讓其轉身。
「發！」


龍卡貝治身型健碩，德仔猶如被金鐘罩鎖死一樣，無計可施之下向後撥給發仔。


「想偷我雞？？！」
「可惡……！」






劉尚發現身達陣，正自躊著下一步，歡喜冤家奧巴馬經已殺到。


「應該點做呢？護球再謀後著﹑定係繼續前進？」發仔思潮起伏，當此情景，實在難以細心思考。
「唔好諗咁多，起腳！」德仔大叫。
「起腳？？」
「冇錯，近來你腳風順，唔好再猶疑！」
「……好！！！」






眼見奧巴馬電光之間亦步亦趨，發仔再沒空間猶疑：
「死就死啦！」


嘭的一聲，發仔右腳怒射，卻是一記角度及力度均欠奉的射門。


啪噠！！


「KEEPER小心！！！」
「que？？？」






眼見完全不成威脅的攻門，冥冥中卻有股力量牽引。
 
眾人仍未看清皮球，卻見瑞典門將馬高斯貝治垂頭嘆氣，皮球突然在門框死角出現！


瑞典2－1香港


「yeah！！！ 」
「come on！！ 」


卻原來毫無角度的射門，無意中省中全場箝制著發仔的奧巴馬改變方向……失球後僅三分鐘，港隊意外地追成較接近紀錄！






「快呀！仲有時間！」


送上一球助攻的德仔立即從網窩拾回皮球，不斷激勵著隊友士氣。比起沉實穩重的李翰林，此刻他更有隊長風範。

幸運的入球，比賽只有一球差距！時間還剩十五分鐘！


－－－－－－


「各位，我地一齊起身，將力量送俾港隊！！！」
「係！！！！ 」






香港大球場繼續直播賽事，體委會主席郭嘉諾親自上台帶動球迷的情緒。

那邊廂，時代廣場的氣勢亦不遑多讓。





「仲有十五分鐘，我地仲未輸架，係咪呀！？」
「係！！」
「繼續一齊叫：香港勁揪！香港萬歲！」


入球將睇波廣場的氣氛推至高峰，球迷的叫聲響遍全港，場面動人。





這趟奇妙旅程，還有十五分鐘讓我們去拚！
 
 
噠噠……


「繼續上全力上！！」


波台痴線佬的聲勢震撼，天上隱隱出現雷聲。


「李文翰！李文翰！李文翰！」
「我要風之子落場！！！ 」


最後十分鐘，口號又改變了，球迷們高聲呼喚我的名字。


「落場！落場！ 」


噠噠……



要來的，終於要來。80分鐘，場邊的助教向我示意停止熱身。


－－－－－－


「大家好，我係體育世界駐阿根廷世界盃節目主持人－鍾女。今日好高興請到香港足球既風雲人物－風之子李文翰接受訪問。Gary你好！」
「香港球迷大家好。」
「首先要恭喜你地，終於取得世界盃第一場勝利。」
「多謝所有香港人既支持！呢三分，佢地都有份嗌返黎。」
「你認為乜野係港隊既致勝之道？」
「打不死既精神。不論球員定係球迷，無論咩時侯都唔肯認輸，即使係球賽第95分鐘，我地一樣會拚落去。」
「如今既香港隊，同十年前最大分別係邊度？」
「係信心。上到球場，一定要相信自己﹑相信隊友，nothing is impossible。」
「你認為世界盃既成功，會為香港足球帶來改變嗎？」
「妳意思係……」
「中港合併既傳聞塵囂甚上，港隊前途生死未，你認為世界盃可唔可以挽救球隊命運？」
「………」
「唔好意思，你亦曾經身受其害，呢個問題你可以唔答。」
「冇，我只係喺度諗，港隊今年所取得既成就，某大國一百零七年既足球歷史都從未有過！咁樣究竟算係『合併』定係『吞併』？點到好，作為一個香港人，一定唔希望香港呢兩個字消失於國際賽場。」
「2047愈步愈近，要保住香港足球之名，你樂觀嗎？」
「樂觀。有信心未必可以帶來勝利﹑但冇信心就一定失敗！政治層面上，運動員力量有限，但我地一樣會竭盡所能，正如之前既街頭運動一樣。」
「你指既係『世界盃革命』？」
「我地唔係搞革命，只係捍衛自己既尊嚴。香港足球歷史源遠流長，無論想要消滅還是吞併，都唔係咁容易。」
「Touchwood，有朝一日香港足球真係被除名既話，你會代表中國足球隊上陣嗎？」
「生於斯﹑長於斯。作為香港人，我只會代表香港上陣，永遠唔會變。」
「講得好！你既故事，的確陪伴住一班熱愛足球既年青人成長。香港隊如願殺入複賽，佢地下一個願望就係『風之子』可以披甲上陣，你有信心就係下一場嗎？」
「只要領隊信任我，有機會落場比賽既話，我一定會全力以卦報答球迷。」
「我地知道你一定會，『風之子』即使面對何等窘境，一樣打不死。」
「多謝妳。」
 
 
－－－－－－


「香港隊作出換人調動，由16號域陀入替14號大力士﹑10號李文翰入替6號李翰林。」



「嗚呀～～～！！！gary！！ 」
「風之子！！風之子！！ 」


終於，來到這一刻。

對於多年來無條件支持我的擁躉來說，這是一個特別的moment；但論內心激動，怎也不及身在其中的我。

成為足球員之前，我一直以登陸歐洲為人生的終極目標，到了這一分鐘，我才明白參加世界盃才是真正的夢想成真，即使你只有十分鐘的時間去享受。

不錯，十分鐘時間。十分鐘的世界盃時間，即使再多給我幾個歐聯或英超獎牌，我也決不相換。

能夠穿上香港球衣參加世界盃，此刻即使死在球場上，我亦無憾。


「大師兄，交俾你。」李翰林脫下他的隊長臂章，交到我手上。
「我地信任你。」
「嗯。」


這是我第一次，也是最後一次以隊長身份為香港隊上陣。