81)最後一擊,所有港隊球員同時殺進禁區,包括門將謝家豪。

左路角球,德仔作勢傳中,卻輕輕將球撥給身旁的我。


「落後一球既香港隊,最後一個角球選擇開短! 」


我踩定皮球,引來一名瑞典守衛前來纏阻,馬上向橫一撥給連隨趕到的德仔,讓他引球至禁區外K角位。






「想走,冇咁容易!」龍卡貝治眼中只有德仔,立時上前阻止他繼續前進。
「德仔!」


另一下疊瓦式走位,我從德仔身旁掠過,千層疊浪式的撞牆順利將皮球帶往中路。


「去!去!去!去! 」






球迷殺聲震天,我們卻只能閉上耳朵。拿球進入十八碼範圍,禁區內腳步四散,另一名黃衫守衛殺到埋身。


「gary,呢度呀!」
「得令!」


身法猶如鬼魅的德仔,東拉西扯牽引著紅狼,第二度現身於我跟前。






「李文翰施展絕技『風神腿』抑過對手,一下短傳走位,皮球落喺師弟梁令德腳下。」
「梁令德﹑李文翰﹑梁令德﹑李文翰﹑梁令德……連環三下撞牆,兩人憑層層交叉走位,拉空瑞典防線!」
「不過,『紅狼』龍卡貝治誓不放棄,猶如厲鬼纏身咁跟住梁令德!」



噠!

禁區內眾人左右四散,拉空一片無人地帶,我將皮球交給德仔後,突然直奔該處地帶!


「仆街!」
「紅狼,走火呀,補位!!」
「啊……」







與我距離最近的,正是一直纏著德仔的龍卡貝治。眼見敵人成功入侵危險地帶,龍卡貝治別無選擇,只好離開德仔回頭補位。
 
這招意念來自獨孤九劍的「攻敵所不得不救」,乃以攻代守的妙策。


「好機會!」


期待已久的良機,回復自由身的德仔在十八碼位置踏順步韻,再次朝門框遠柱施展右腳內彎。


「嗟! 」整場賽事腳風不順,德仔孤注一擲,將運氣賭上。







啪……颺颺颺!

皮球旋轉飄向遠柱,積甸拿克領隊雙目緊閉,球迷氣也不敢喘一口。


「呀呀呀……」
「喝!」


馬高斯貝治伸盡手臂格擋,射門的路線卻非世界上任何門將所能挽救。






噹……啪!
 
 
皮球彈中內柱,破網而入。

瑞典22香港




「二比二﹑今次真係入波啦!!! 」
「手足,可以擘大眼啦!!!」
「嗚呀!德仔!」






有了之前「詐糊」的經驗,我們待見球證並無示意,方敢盡情慶祝!天上再次出現啤酒雪花﹑歡呼聲震耳欲聾﹑整個蒙特維多也在為港隊喝采。


「再一次史詩式絕地反擊,又係呢支亞洲小巨人!」
「補時階段梁令德遠射中鵠,香港二比二迫和瑞典,繼上輪之後再次創造奇蹟!」
「最終能否出線也好,呢支球隊所顯示出來既韌力﹑拚搏同埋團結,已經成為本屆既經典!」





「呼……」


嗶~嗶~嗶~~~

瑞典22香港AET



全場完,我們終能放下心頭大石,迎來另一個挑戰-加時。