返到去屋企時,呀爸呀媽都入曬房大教訓,我就入房拎衫準備沖涼喇。係拎底褲果一下,我又諗返起Ada講過既要搵下有冇M巾淨,因為趁我未黎M睇下屋企有冇多,有就參考返買返果一隻牌子。之後我就打算係房度周圍搵下,想搵時我就諗起,其實做左呀潔幾日,都未認真睇下佢間房放左D咩。
 
諗諗下,其實都夜,都係沖左涼先搵。咁我就拎左衫入去廁所,除左衫既時候,唔知點解覺得我心口果兩團肉好似有D脹脹地咁既?應該冇野掛?其實依幾日都係咁。算啦沖涼先,沖完問下Ada啦。之後我就開水慢慢沖,沖沖下我都唔知自己沖左幾耐,覺得沖夠先出返去,抹抹頭,吹埋個頭就都唔早。我就Whatsapp問下Ada點解心口果兩團肉會脹脹地先。問完見Ada冇覆我,咁我都由佢啦。
 
咁跟住我就睇下屋企有D咩啦,我行出廳,其實真係冇咩分別,我廳有一個櫃,櫃中間就放左電視,而兩個本身放左模型既位,都係放左其他擺設。我再望下電視下面個櫃,都同係醫院返黎果日一樣,本身放PS3既位都係放左部播碟機。然後再周圍望下,其實真係除左模型同PS3冇左,其他所有野,連傢俬擺位都係一樣。
 
跟住我就返返入房,我間房唔算大,床單都係多啦A夢床單。床底都係有小櫃,櫃入面都係放少量既內衣褲。
 
咁我又有小小好奇想睇下,雖然著左幾日女裝既底褲,但又冇認真睇過。咁我拎左幾條出黎睇,仔細望下其實同男既都似,除左前面冇左個可以拎條J出黎既位,其他都好似差唔多。而且我覺得佢既款式都幾多元化,有花邊,有公仔等等,做女真係好,有咁多靚衫著。
 


跟住我再拎左幾個Bra出黎睇,發覺呀潔佢揀既色都好young,都係淺色為主,而且唔會好似呀婆Bra咁大大排扣。但睇返自己買既功能內衣就……
 
我睇完之後就放返落櫃入面,睇後就行去大衣櫃,本身全部都係男裝既櫃,依加全部都係女裝,而櫃入面有三個小櫃。原先我係放一D唔見得光既野既櫃,依加係放……M巾?!化妝綿?Mask?化妝護膚品?指甲鉗指甲油?全部都係女仔既野。
 
跟住我拎左包M巾出黎,望望……Kxxxx,原來呀潔用開依隻牌子,我心諗……. 聽聞D女仔其實會隨身帶定一兩塊,於是我就拎左兩塊就放左落去個袋度。然後就坐左係張電腦枱上面,見到早幾日睇過既日記…….跟住我再望望櫃筒,於就拉開左個櫃筒望,耳環?手鐲?相簿?頸鏈?
 
最吸引我既都係本相簿,於是我就拎左出黎睇。原來係呀潔同Patrick既相,相入面既呀潔真係笑得好甜好開心,我諗佢影既時候都唔會估到Patrick係個咁既人……於是我拎左一張係呀潔同Patrick著住波衫既相出黎睇,然後我翻轉一望
 
中四學界後與他的一照
 


原來張相後面係有寫左野,然後我放返好再望望其他相,唔知點解愈望,我個心好似就愈痛,視線都開始模糊起來……
 
「嗚……」於是我就伏係張枱度喊,我都唔知點解我個心好痛,就好似冇左樣好重要既野,點都拎唔返返黎咁。
 
無耐我心情平伏返D,之後放返好本相簿,然後就訓落床度望住個天花板,拎起手機播住一首歌──好心好報
 
https://www.youtube.com/watch?v=arukbutl0c8
 
落力為你好 得不到分數 你決定要跟他日後同步
他不懂愛惜你 我樂意操勞


還看著你 看你在懸崖走路 他卻放下你 只照顧自己
我這片苦心無人讚美 還不敢開口 不能妒忌

對你好 無人稀罕我好 無人欣賞我好 原來你習慣他一套
從來沒有愛我 看得清楚 我知道
不必得到 不妨陪襯 但願為你好

好 明明比他更好 旁人都知我好
為何你又與他擁抱 來磨練我
我信 有好心得好報
好人 似我問誰做到

是受罪也好 聽聽你哭訴 你說難過總比分手更好
你說幾多的女主角 也受過煎熬



情況壞到 你信任來年一日 他答應做到 統統都做到
我也似你的無從勸告 寧願犧牲都不願卻步

對你好 無人稀罕我好 無人欣賞我好 原來你習慣他一套
從來沒有愛我 看得清楚 我知道
不必得到 不妨陪襯 但願為你好

好 明明比他更好 旁人都知我好
為何你又與他擁抱 來磨練我
我信 有好心得好報
雖然 這秒時辰未到

我太好 無人珍惜我好 無人喜歡我好 原來要學會他一套
從來沒有吻過 記得清楚 我知道
不必得到 不妨陪襯 但願為你好



好 明明比他更好 旁人都知我好 無人愛慕我忍得到
仍然相信 我會有天終於等到 可能 你有日會知道
 
無人欣賞我好,原來你習慣他一套……唔知點解我個心依刻真係好空虛,好寂寞,然後再開左手機入面既相睇……好多都係呀潔以前同佢男朋友既合照。而有小部份就係呀潔佢既自拍,其實呀潔真係好靚,又有氣質又有仙氣,點解會咁鐘情於依個賤男?
 
係床上面諗諗下,聽聽下……我就訓著左
 
……
 
……
 
……
 
「Patrick…..Patrick!」我係度叫


 
然後Patrick就突然出現係我眼前,跟住佢就伸手埋我度,好似想捉住我隻手,但當我伸出手時,佢繞過我隻手去我背脊。然後佢好似捉住左D野,佢一拉……就有野係我身後撞趺我,我就趺低左,趺左入個好似暖水池咁既地方,我就好絕望咁望向前面叫
 
「唔好走呀!有咩我做得唔夠佢好呀?!」
 
眼金金望住佢地愈走愈遠,突然眼前一紅。
 
「夏……夏……夏……」我索曬氣咁彈左起身,原來係發夢……心諗又發埋D咁既夢既。
 
然後諗住起身刷牙,一揭起張被…………….What the………
 
無錯,我黎M呀!!!!
 
跟手我就即刻係袋度拎一包M巾出黎衝入廁所用啦,好彩前一晚有教學,唔係真係乸手唔成勢,雖然唔熟,但總好過零知識咁嘛。然後我再望望條底褲同褲……唔講真係以為比人捅左一刀咁,唉,唔知洗唔洗得甩添……我放低左塊M巾,返返入房拎返D乾淨既衫褲入黎,之後開左盆凍水就咁放左條染滿左血既褲落去浸下先。
 


我見都係,順便沖埋個涼啦。搞掂曬之後就痴好塊M巾係底褲度,就著返好佢,換埋套衫就出返去。發覺做女仔都真係幾煩……仲要出去買返D M巾添……

 
已有 0 人追稿