[新手][愛情][排球]那天我成為女之後 我的人生不再一樣: 26.朋友
返到去果一晚，都比頭先球場既事煩緊，之後電話震一震
Desmond：我係會做好自己，等你接受我
Antonia：呀潔，聽日星期日，我地會去猜下波，你得既都過黎啦，都係老地方。
然後我覆左Antonia黎到之後，就攤係床上面，成晚都諗住球場件事令我冇教好訓。第二朝起身都係好似冇點訓過咁，但我又唔想留係屋企亂諗，於是我就早小小出去行陣，兜左個圈，去食埋野就去練下波。
一如以往，都係打波又吹下水，佢地都好似睇得出我今日有心事咁，但我都話今日好似唔太舒服咁，佢地都問我係唔係Ｍ痛咁，我話唔係，只係有Ｄ攰咁。本身都想話係，但我知Ada知我黎完Ｍ，所以費事一陣比Ada追問啦。
打完返去時，Ada就問我琴日發生左咩事，咁我都話去左大學問下關於我既事，但就暫時都未知咩事咁，Ada就冇再追問落去，叫我唔好咁擔心。
返到去都係沖涼食飯就訓，迎接星期一既來臨喇。咁今個星期放學時我地女排都加緊左練習，係到星期五先放左我地抖一抖，Miss話操得太多會適得其反，要比身體抖一抖，所以星期五我地都好早返屋企，以最佳既狀態迎接聽日既八強淘汰賽。
電話係度震……Desmond……
然後我拎起左黎聽
我：喂？
Desmond：Hello，你……訓未呀？
我：未呀，做咩呀？
Desmond：冇，因為聽日都有Info Day，想問下你仲會唔會想去咁？
我：Sorry，我聽日有Ｄ野做，聽日去唔到架喇。
Desmond：咁…..聽晚你會唔會得閒？我搵左間café，應該都幾好食，有冇興趣試下？
我：聽晚未知得唔得閒呀，或者再覆你啦。
Desmond：咁好啦，我聽日等你電話
我：嗯
Desmond：好啦，咁我唔阻你喇。
我：嗯……唔阻呀，你係唔係有咩想講
Desmond：咁你都知既？
我：講啦
Desmond：想問下你對我既感覺係點？
我：下？
Desmond：冇……都係想問下你覺得我點。
我：不如再講啦，我聽日要早起身，我想訓喇
Desmond：咁…咁好啦，早抖
我：早抖
咁我就收左線，我放低電話係度諗，其實如果我仲係男既話，當遇到覺得岩既人，會唔會好似佢咁勇敢，但同時又諗返起果晚我比人差Ｄ女女女，又覺得男人真係好……好……好嘔心，為左合體可以去到幾盡？諗到依度我又不自覺咁打左個冷震。算啦，唔諗喇，去訓喇。想訓時，電話又震一震，心諗唔會又係Desmond掛？一望，原來係Ada
Ada：聽朝不如食早餐？
我：好呀
Ada：咁聽朝九點樓下大快活等啦。
一教訓到去第二朝，好快咁起左身洗面刷牙，之後就快快換衫，紮好頭髮就落去。為左唔影響表現，我今日個頭係紮左做髻，因為Ｄ頭髮可以唔洗fing下fing下，唔會影響發揮。
咁我就快快落到樓下，去到大快活既時候，發現成隊女排都黎到，咁當然除左Eva啦。Ada一見到我就係咁係度揮手叫我過去。
「大家，早晨呀。」我講
「早晨呀，呀潔。」大家講
「係唔係好驚喜呢？」Antonia問
「點解你地會係曬度既？」我問
「因為我地都知你因為Patrick唔開心，星期日打波果時你都乸口乸面咁，所以我地咪傾好話黎比個驚喜你囉，冇男朋友，仲有我地依班好朋友嘛，呀潔。」Antonia講
「大家……」我愈講，視線同聲線都開始變得模糊
「唔洗多謝我地架喇，今日打好場波啦。」大家講
「多謝你地呀。」最後我都係忍唔住咁，將係眼框入面浪下浪下既眼淚，一次過釋放出黎
然後Ada就行左上黎攬住左我，係咁輕拍我背脊，細細聲講話「變左女仔，你眼都變淺左喎。」
我聽到依句之後就抹返乾Ｄ眼淚，然後輕輕一拍佢既右手上臂，嘟起嘴，鼓起泡腮咁講「咁女仔係咁架啦」
然後Ada作狀咁掩住比我打既手，係咁話「呀呀呀！斷喇斷喇，呀潔既左cue真係好猛呀！」
然後全場係度大笑，連我都忍唔住笑埋一份，最後Bianca同Carrie都行上黎，攬住我，係度同我講「過去既野唔好再諗喇，你依加有我地依班朋友嘛。」
最後同佢地都唔知攬左幾耐，係其他隊友問我地「攬飽得啦，唔洗食架喇」，我地先放開，然後再去買野食。
我地食飽左之後，就慢慢行去搭車，搭去大興體育館，預備我地既八強賽事。
咁我地坐車去到銀圍落車，慢慢行過去體育館，發覺路人不時都會望下我地，可能因為我地一大班人，而且都多靚女呢，嘻嘻。然後一大班人咁行入去體育館個主場度，發覺對面隊既人都黎左幾個，係度猜緊波喇，而我地一班人咁入去，在場既人都忍唔住，望住我地浩浩蕩蕩咁行入去，果種既覇氣都咪話唔嚇人。
然後我地就行去Miss度，Miss話十一點半到我地開波，叫我地做下熱身預備，一陣再講返下Ｄ戰術咁，我地就行左埋走一邊做熱身，不時場內既男都會係咁望住我地，果種感覺都幾自豪，仲有時見到佢地係度細細聲講，睇佢地個樣咪又係講邊個靚，邊個大波，想溝邊個，想屌邊個咁咩，做過男既我，曾幾何時唔係又好似坐上既佢地咁，對住靚女只可以ＦＦ？
做完熱身之後，場入面都打完，第一隊晉身四強既隊已經誕生，都係傳統屯門區既頭四名既隊，睇黎下一場都會係硬仗。
之後我地就行去Miss身邊，開始講下戰術，無耐Antonia就行左返埋黎，今場係對面開波先。然後猜下波，開下波同殺左兩球左右，哨子聲一響，我地就再埋返去Miss身邊，Miss就講左首發陣容，就係同上星期Friendly一樣……要同Eva夾……之後Miss叫我地唔好理咩，最緊要好好合作，再提我地小心對面既攻擊手都強，打到八強既隊唔會太差咁，哨子聲又再響，我地就行左落場，企好之後，球證就碌左個波比對面既開波球員，然後我地就坐一坐低，望住對方開波既球員。
咇～～～～！