[真人真事][校園][純愛]《兩個我加一個妳》: 第十五章

跟住我地兩個就喺度捉波子棋

其他同學就玩其他野

原來呢一個學會得三個係中四生

我，芊靈，重有一個毒撚

其他都係中一中二中三



既然大家唔係好啱嘴形咪分開玩

我:「有自信係一件好事

不過荷包受罪喎 」

芊靈:「傻嘅

你請咪唔受罪囉 」



我:「小弟瞇埋眼都識玩波子棋

你竟然行埋嚟挑機

都唔知話你咩好 」

芊靈:「嗱壹仔，

不如你真係試下瞇埋眼捉一次



捉到十分鐘當我輸又點話 」

我:「其實我都係講笑啫 」

芊靈:「吹水怪成日喺度亂咁噏 」

我:「唔係講笑

我真係覺得自己玩波子棋好有魅力

最衰學校冇搞比賽

如果唔係一定溝死女 」

芊靈:「好野喎咁都唔面紅 」



我:「講事實點解會面紅

唔通你唔覺得咩 」

芊靈:「得罪講句，

唔覺呀哈哈 」

我:「唉細路女真係唔識野

你靚就幾靚不過眼光唔係好好 」

其實我都係想借啲意讚佢靚啫，



的而且確呢個係我最真心嘅諗法

芊靈:「硬係要踩一踩人

你邊個月出世呀dee dee 」

我:「不如你講先

又係你問嘅 」

芊靈:「你講先啦

真係唔呃你，

你講完我就講 」



我:「你講先啦

真係唔呃你，

你講完我就講 」

芊靈:「人講你又跟住講

冇品冇品冇品 」

我:「快啲講啦妹妹仔 」

芊靈:「哼講咪講



三月呀 」

我:「我都係三月喎 」

芊靈:「咁你一定細過我

我三月二呀dee dee 」

我:「你死火喇我真係大過你 」

芊靈:「唔信邊有可能咁啱係三月一 」

我:「如果我話係呢 」

芊靈:「拎本手冊嚟我就信 」

事關我地本手冊係有寫出生日期，

我:「人與人之間係要多啲信任

成日咁樣猜疑唔係辦法 」

芊靈:「即係唔係啦哈哈 」

我:「唔信就算啦 」

芊靈:「喂到你講喇

唔好走數呀 」

我:「其實我係六月五 」

芊靈:「唓頭先又呃人

你好呀dee dee 」

就係咁，

誤打誤撞之下就知道芊靈幾時生日

你知有啲男仔好無聊架啦

明明自己生日都要屋企人或者朋友提先至醒起，

係喎原來我就嚟生日咁樣，

但係對於某啲人嘅生日就好著緊

反而係自己幫佢倒數重有幾耐

而最重要就係其實已經唔關你事，

都仍然係莫名其妙地著緊，

呢啲人真係太傻。



之後我同佢就喺度玩波子棋

講起上嚟原來芊靈真係幾勁

睇得出唔係亂咁跳

不過我點講都係由細玩到大

又點會輸俾一個女仔

所以第一鋪我贏咗

我:「搞掂喇 」

芊靈:「點解你咁勁架 」

我:「其實你都好叻架喇

對手太勁啫

唔係你問題嚟嘅

多謝你杯野飲 」

芊靈:「等陣先呀 」

我:「做咩呀 」

芊靈:「三盤兩勝喎 」

我:「你條友咁賤格

依家先嚟講 」

芊靈:「頭先有講呀

你聽唔到咋嘛 」

我:「頂你用埋啲狗招

好就聽你講，

睇下你輸多鋪有咩藉口 」

芊靈:「你真係好人啫 」

結果第二鋪都係我贏啦

芊靈:「搞錯呀唔讓人嘅 」

我:「讓下讓下就讓埋杯野飲

同埋其實我有讓架喇

都重係有啲啲差距 」

芊靈:「好願賭服輸

話咗請你飲就請你飲 」

我:「多謝喎芊靈姐 」

芊靈:「唔好咁串下次實贏返你

呢杯野飮俾你袋住先咋 」

我:「不如咁啦，

既然你叫我袋住先

最多呢杯買完返嚟我唔飲

擺喺度一個禮拜，

跟住俾返你好冇

講明先我係唔會雪 」

芊靈:「唔要呀

一定唔好飲嘅 」

我:「又係你話袋住先 」

芊靈:「我地逢禮拜二禮拜四都會喺度，

後日再玩過咪得

行啦無聊鬼 」

我:「嗯 」