之後我同佢就一齊放學

終於唔使好似之前咁樣,

偷偷摸摸咁樣喺度望佢

依家係光明正大拍住佢一齊離開學校門口

芊靈:「你想飲咩呀



我:「七仔囉

芊靈:「我想飲珍珠奶茶嘻嘻

我:「咁你就唔好問我啦

芊靈:「諗住扮晒野問你想飲咩

費事你條氣又唔順



我:「幾時有唔順過

芊靈:「唔知呀求其啦哈哈

話說我地中學附近以前有一間野賣珍珠奶茶

嗰陣珍珠奶茶唔係依家咁樣開到周圍都係

依家大把啦,



老虎糖丶鹿角巷丶KOI丶天仁丶貢茶丶歇腳亭丶一芳等等等等,

要貴有貴要平有平

淨係數都數死

不過喺11年前就完全係另一回事,

最簡單一樣野,

價錢唔會咁貴先囉

依家閒閒地都要廿蚊一杯

大約係一賠價錢左右



行下行下終於到

芊靈:「你想飲咩呀

我:「珍珠奶茶囉就

芊靈:「好呀。」

跟住我聽到芊靈同嗰條友講,

芊靈:「一杯珍珠奶茶

一杯焦糖奶茶加布甸



跟住當佢想俾錢嗰陣,

我就好型咁樣俾十一蚊佢

其實都唔係好型哈哈

只不過想扮野讚返下自己啫

我:「唔使你請喇我自己嚟啦

芊靈:「唔使啦

話咗請就請

跟住佢就自己俾咗一張廿蚊紙再加啲散銀,



然後將十一蚊俾返我

落完單跟住就喺度等喇,

我:「要你靚女請野飲唔好意思嘅

係都我請你啦

芊靈:「講好咗丫嘛

費事到時你又周圍唱

話我呃你野飲,



跟住又喺度加鹽加醋屈我

我:「痴線我邊度係啲咁嘅人

芊靈:「都係以防萬一啫



大家都知啦,

巴士係唔可以飲野

偷雞就另計啦

但係我不嬲係良好市民

從來都奉公守法

所以我地買完野飲之後,

都諗住喺附近行一陣先至搭巴士返屋企

芊靈:「行商場好唔好

我:「室內地方實好架

芊靈:「有咩想睇呀

我:「冇乜野想睇喎

不如行去你想睇嗰啲

我真係冇乜所謂

芊靈:「其實我都冇呀哈哈

我:「咁就係咁咦打個白鴿轉囉

芊靈:「好呀

自此我同佢以後每一次行商場,

都係漫無目的咁樣行

除非真係有個別野好想睇,

否則都係上到最頂嗰層,

跟住慢慢行返落嚟

其實我諗大家都係志在吹水啫

芊靈:「搵啲野講下啦

兩個人一齊行唔講野點得架

我:「不如你話俾我聽你想講咩丫

芊靈:「乜傾計係咁嘅咩

下下都好似oral咁樣,

一早講定今日要講乜野

我:「你又傻唔得晒喎

芊靈:「你就傻

我:「有時我唔係唔想講

你知啦我同開cyrus傾嗰啲野,

同女仔傾點得架

芊靈:「唉估唔到你個腦淨係裝埋呢啲野

我:「你知我講邊啲野咩

芊靈:「男仔重會講邊啲丫

嚟嚟去去咪嗰幾樣

我:「咁即係邊幾樣

芊靈:「死人頭係都要人講到出口

你想講女,波,打機,

係咪丫

不過我估你平時都係講第一樣多啲

我:「係呀你又知嘅

我同佢日日講開你

話你真係好靚女

性格又好喎

聲線更加係甜美

芊靈:「我先唔信呀

我:「你睇下你笑到

重唔係暗爽緊

芊靈:「冇暗爽呀

我:「不過我都重未講完

芊靈:「咩呀

我:「身材唔係玲瓏浮凸囉哈哈

芊靈:「死人頭又講埋啲咁嘅野

乞人憎乞人憎

我:「講下笑啫唔好嬲啦

芊靈:「你都算大膽

喺女仔面前講啲咁嘅野

我:「直接啲唔好咩哈哈

芊靈:「重喺度講喎死人頭

我:「證明你聽野唔聽前面嗰句

明明我讚你人靚聲甜性格好

你就淨係記住最尾嗰句

唔係玲瓏浮凸有唔係玲瓏浮凸嘅好

你又諗到咁負面

芊靈冇講野淨係喺度偷笑

我:「偷笑

芊靈:「冇喎你睇錯喇

跟住我就係咁行佢前面望住佢個樣,

佢就係咁喺度擰左擰右唔俾我望

中學雞即係中學雞,

重喺度玩埋啲咁嘅白痴野

不過頭先我每一句都係講真

唔係玲瓏浮凸的而且確有佢嘅優點喺度,

最簡單一樣野,

起碼我鍾意先