[真人真事][校園][純愛]《兩個我加一個妳》: 第六十二章

我:「攰唔攰呀

搭地鐵好冇 」

芊靈:「唔攰呀

你攰呀 」

我:「你都傻嘅



大把力呀 」

芊靈:「聽住先啦 」

我:「依家去太子

行呢邊呀 」

芊靈:「嗯 」



轉眼間去到始創

發覺入面啲野唔啱行就去新世紀

係呀嗰陣唔係叫moko

當然啦直至依家都係改唔到口

新世紀新世紀咁樣叫



都唔知有冇比00後笑鳩我呢啲傻閪

改咗名喇柒頭

哈哈都係講笑啫

講真嘅，

嗰陣我行咗啲乜其實都唔係好記得

因為其實都係陪芊靈為主啫

佢話想睇衫呀嘛

芊靈:「死人頭幫下眼 」



我:「唔得喎 」

芊靈:「點解呀 」

我:「大佬你著邊件就邊件靚

唔通叫你買晒 」

芊靈:「死人頭認真呀 」

我:「你依家覺得我唔認真咩 」

芊靈:「唔覺囉 」



我:「所以話你真係要驗眼甚至要驗埋腦

咁都感覺唔到 」

芊靈:「入嚟先啦講講講 」

我:「不過你今日好彩喇

我最唔怕人地試衫

你可以慢慢試 」

芊靈:「真係呀

講真喎我試唔試冇所謂 」



我:「真係講真，

你唔覺一個人戇鳩鳩喺度行好爽嘅咩。」

芊靈:「莫非你係一隻狗仔

成日行 」

我:「我係狗都冇問題

不過要抱抱 」

芊靈:「點抱呀 」



我:「快啲試啦 」

芊靈:「咁就麻煩你等我一陣喇 」

講真嘅我真係唔係氹佢

我知道有啲人好怕女仔試衫

萬一試十幾廿件就奶袋底都唔得掂

但係我反而冇乜呢啲問題

佢一路試我都可以一路喺附近行

可能我真係好鍾意寧靜嘅空間啦

結果嗰次起碼試咗七八個字

講真件件我都話好睇

因為真係丫嘛

不過我記得有一件真係覺得特別靚

淺棕色褸

所以佢問我呢件點嗰陣都特別講多啲野

芊靈:「真係靚呀 」

我:「講真呢件真係靚

冇呃你 」

芊靈:「下次買啦咁我就 」

我:「點解唔依家買 」

芊靈:「冇理由帶住佢周圍行丫嘛

一陣又食野 」

我:「懶鬼 」

芊靈:「俾你話懶鬼真係好唔服囉 」

我:「勤力嗰陣你見唔到啫 」

芊靈:「係喇係喇

走啦 」

我地卜咗七點三食

但係嗰陣重有半個鐘

所以就去新之城行多陣先

戇鳩新之城六點幾已經大把人

講開又講，

上個禮拜我都有去新之城，

發覺真係多咗好多國內嘅同胞

印象中十幾年前真係少好多

唔知係咪我錯覺呢

當然迫就一定迫架喇

講返當時先

自從嗰次有變態佬想影芊靈裙底之後

每一次同佢搭電梯，

我都係行佢後面

我知你地班友又想屈我

係咪我想睇所以先行後面

大佬佢今日著legging呀

認真講句，

有邊個男人唔鹹濕

啱唔啱先

但係呢啲野我分得好開

我係唔會對鍾意緊嘅人有幻想，

咁耐以嚟我嘅價值觀都係咁樣

即使係小學雞時期都係咁樣，

我有需要要打丁

夜晚我會搵步姐，Rio，愛田由

總之我對暗戀緊嘅女仔係同性分開

可能毒撚性格啦

你講乜都唔會否認

我:「你放心啦依家冇人影你 」

芊靈:「就算俾人影都有你喺度丫嘛

你會好似嗰次咁嘅 」

我:「可能唔會呀

你唔好以為老馮呀 」

芊靈:「講反話你就最叻 」

聽到佢咁講，

我真係好傻咁樣好開心

明明只係獲得些少嘅信任

就已經喺度暗爽

總之對住佢我就變咗個細路仔，

少少野都放到好大

真係好奇怪

正當我地準備離開新之城嗰陣，

突然之間就見到一個人

xx:「hello 」