食完之後

大約八點零九點鐘左右啦

我地就準備去尖沙咀喇

行行下嗰陣,

芊靈:「不如買杯野飲一路行一路飲咯



我:「啱啱先飲完又飲

芊靈:「下

唔得嘅咩

我:「冇話唔得

不過你睇住呀



芊靈:「睇住咩

我:「因住第日變郵筒

點知佢又扭我隻耳仔

我:「痛呀痛呀

芊靈:「你唔出聲冇人話你啞



我:「我都係好心提下你啫

芊靈:「唔使你咁好心咁坦白

我:「講笑咋邊度肥丫你

芊靈:「我比今年五月嗰陣重咗2 kg呀

我:「咁咋話

係咪有人趁你磅嗰陣踩隻腳落去

芊靈:「低b

我:「講真嘅



我作為一位正常男性,

如果用審美角度嚟講你應該要再肥啲

芊靈:「你係咪呃我呀

肯定係想我變大肥婆啦

我:「唔係喎

我係講真喎

你諗下,



肥應該唔會淨係肥喺一度架嘛

應該係全方位

你有啲位應該要再肥啲哈哈

芊靈:「死啦你又喺度講啲咁嘅野

真係冇句好

死人頭死人頭死人頭

我:「我都冇講啲乜

停手呀唔好扭呀



芊靈:「一定要淨化你個腦先得

思想太污穢

我:「痴線乜都冇講

你會錯意喇

芊靈:「識咗你條友幾耐

講野成日都係隱隱晦晦咁樣

其實就擺晒地雷



死人頭

我:「放手放手

唔講唔講

你唔係話飲野咩

芊靈:「又係喎嘻嘻

冇記錯我地去咗仙跡岩呀

其實可能係另一間都未定

因為嗰陣直覺有得飲珍珠奶茶就係仙跡岩

所以乜都冇睇

見到賣台式飲品就行入去

你估以前好似依家咁咩

週街都係珍珠奶茶

唔係唔係依家叫黑糖鮮奶

我重記得兩三個月之前去銅鑼灣

諗住去珍煮丹買杯飲下

睇下係咪講到咁撚勁

屌你個閪

嗰條龍重長過我條撚

咁我見到唉算數唔飲

的而且確喺貢茶未嚟香港之前

仙跡岩一直都係主導珍珠奶茶市場

依家就連貢茶都收皮

唔知各位巴打絲打有冇經歷過呢個階段呢

後生一輩應該冇咁深,

我呢啲老餅就嚟三張就仍然好記得當日去仙跡岩飲台式飲品

通常啲老鬼都係咁樣

成日眷戀十幾年前嗰啲死人野,

以前細細個我覺得好奇怪

點解啲大人成日都諗返以前,

每次食飯就喺度想當年

又話呢樣又話嗰樣,

我坐喺度都唔知佢噏乜撚

估唔到廿幾年之後變返呢種大人喎

咁我地就去買野飲啦,

我買咗朱古力

唔記得係咖啡定嘅雪葩

總之我見到朱古力就鳩衝

因為小弟真係好鍾意朱古力

芊靈就飲芋頭奶茶(紫色嗰杯)

跟住佢又講佢成日講嗰句

芊靈:「如果有人可以分啲朱古力俾我試下就好喇

我:「諗都唔好諗

第二樣真係冇問題

朱古力真係唔得

芊靈:「一啖啦一啖啦

跟住我嚟手就飲咗啖

諗住實冇死啦

點知佢竟然唔理

就咁用返我飲過嗰支飲管飲

第一次同佢間接接吻

當然其實都唔係有咩特別

只係順帶一提啫

有冇暗爽

直情唔想扔支飲管啦哈哈

我:「你睇住喎我有病喎

芊靈:「咁好中氣又咁好體力點會有病

傻先信你

喂好好飲喎

我想話

傻先鍾意你

當然冇咁講啦

我:「知你想點喇

飮啦飮啦飮死佢

芊靈:「最多我嗰杯分啲俾你飲喇



結果我地一人飲咗大家半杯

可能有啲變態啦,

覺得佢飲過嗰啲特別好飲

我亦都唔會否認嘅哈哈