[真人真事][校園][純愛]《兩個我加一個妳》: 第六十六章

跟住我地就行返去栢麗嗰邊

經尖東去最後一站紅磡

事關小弟就好撚蠢

如果唔係成日行嘅話

淨係識由一個地方去另一個地方



就好似今次咁樣

其實我係唔知點樣喺海港城去尖東嗰邊

淨係識喺由栢麗行去

所以我要返轉頭行

好彩芊靈都冇乜意見



咁就還好

有啲唔俾意見但係一味屌真係好撚黑人憎

呢樣唔得嗰樣唔得但係又唔知邊樣得，

返去含撚啦

大約半個鐘到我地就去到尖東噴水池嗰邊



我:「其實紅磡有咩行 」

芊靈:「唔知呀哈哈

搭唔搭小巴去黃埔 」

我:「黃埔冇車喎 」

芊靈:「咁又係 」

事關嗰陣黃埔係冇地鐵站

唔似依家可以搭返出去極度方便

咁冇理由搭小巴落去行一陣就上返嚟走人



所以決定去紅磡打一轉卡就走人

去完紅磡準備出返去搭車嗰陣

芊靈:「聖誕快樂呀 」

我:「咁快過咗十二點呢咩 」

芊靈:「你自己睇錶啦傻人 」

我:「睇唔到喎

眼殘 」



跟住佢遞佢隻錶過嚟

咁我自然伸長個人去睇，

我:「12:22

真係過咗喎 」

事關當日始終都係深夜

如果我唔伸埋啲，

真係睇唔到個時間

咁我睇完佢隻錶之後自然就將個人向後返啦



就喺我縮後嗰陣，

我個頭就擦到佢個頭

我都講過我唔係高佢好多

擦完之後佢都望一望我

嗰陣大家距離可能真係五厘米

四目交投一言不發

個世界好似靜止咁樣



原來我都係第一次咁全神貫注望佢個輪廓

嗰陣應該係初次領略到，

眼前呢個女仔有咩過人之處

當然其他野就要遲啲先領略到啦哈哈

大概五六秒之後我地就分開咗

我都睇唔到佢有冇面紅，

因為真係太黑

我淨係知我望完之後

芊靈:「死人頭……望邊度呀 」

佢講呢句嗰陣特登擰側個頭

好少見佢咁嘅樣

我:「邊度靚咪望邊度囉 」

芊靈:「唔理你呀死人頭

玩人 」

我:「唔好行咁快啦 」

芊靈:「追我唔到追我唔到 」

跟住我就即刻行去佢面前

我:「追到喇 」

芊靈:「跑步嘅出茅招 」

我:「對住你唔出茅招點得呀

引人犯罪嘅 」

芊靈:「死變態佬

上車啦 」

原來我地已經去到巴士站

上到車都係坐返佢坐開嗰個位

上層右手邊由頭數落去第六個位，

出奇地架巴士又唔係好多人坐

同埋嗰陣我地上車嗰個站都算係比較前

所以就幾多位揀

照例佢坐埋邊啦，

芊靈:「好攰呀行咗成日 」

我:「冇人叫你出嚟喎

喺屋企咪幾好 」

芊靈:「哦

即係你覺得今日出嚟唔好玩啦 」

我:「其實係架 」

芊靈:「好啦咁下次我唔阻你喇

唔好意思喎 」

我:「我都未講完

同第二個行就唔好玩啫，

有你咪好玩囉 」

芊靈:「口花花你就最叻 」

我:「我講真架

咩口花花

第二個叫我真係唔出 」

芊靈:「咁我咪好榮幸囉 」

我:「我榮幸啲

可以同你出嚟

xx (我地學校名) 女神x芊靈喎 」

芊靈:「唔好喺度吹奏啦 」

我:「講事實又點算係吹奏呢 」

芊靈:「今日係咪你話行 」

我:「做咩 」

芊靈:「咁你就要負責 」

我:「負責乜撚 」

芊靈:「借個膊頭俾我 」

講完之後即刻瞓落嚟

芊靈:「舒服呀 」

我:「你試下講日文 」

芊靈:「講咩呀 」

我:「冇野喇都係 」

芊靈:「你笑到咁即係唔慌好野啦 」

我:「咁你都睇到我點樣笑 」

芊靈:「聽聲聽到啦

試咗你幾耐呀 」

我:「你起一起身先

我要縮返隻右手上嚟

你咁樣瞓住喺度我隻右手郁唔到 」

芊靈:「好 」

我拎返隻右手上嚟佢就即刻瞓返，

我:「你可以流口水不過唔好流咁多 」

芊靈:「我未必瞓

只係有膊頭挨下啫 」

我:「即係搵我笨柒 」

芊靈:「你俾唔俾丫 」

我:「俾 」

芊靈:「講咁多 」

我:「好串嘴喎 」

跟住我隻右手就梗係搞佢嗰頂冷帽啦

芊靈:「唔好整呀 」

我:「摸下得唔得呀

我鍾意毛毛

唔怕講埋我每晚瞓覺都要攬住條毛巾

我條毛巾就好似呢啲質地 」

芊靈:「真係架 」

我:「你唔覺好舒服嘅咩 」

芊靈:「ok啦 」

我:「屌

你都唔識嘅 」

芊靈:「唔好整爛呀 」

我:「得喇 」

結果我成程就係摸佢頂冷帽

佢就挨我個膊頭挨咗一程

估唔到我呢啲毒撚都可以好似電視劇咁樣

將個膊頭借俾女仔用，

唔係講笑真係唔係成日有機會

雖然有女仔挨住的而且確唔算好方便，

唔可以大力郁同埋點講都會有啲攰

但原來個對象係芊靈，

乜都抵返晒啦