[真人真事][校園][純愛]《兩個我加一個妳》: 第七十九章

所謂嘅好橋

就係我決定扮基佬

我再講多次係扮唔係真係呀

唔該各位唔好睇啲唔睇啲

再講多次係扮



我一隻手掂住個肥仔個手臂

重要chok樣同埋chok聲

我:「做咩啫你 」

肥仔:「嘩屌你做乜撚野呀

行撚開啦死基佬 」



我:「唔係囉我係雙性戀囉

唔該唔好話我係基佬 」

肥仔:「仆你個街咁都重話唔係基佬

戇鳩架都 」

單邊眼:「屌你個閪咁都撞到基佬



走呀走呀 」

跟住佢兩個就走咗

事後我都唔知自己點解會諗到用呢招

講多次各位真係唔好誤會

我係為咗趕走佢地先至扮基佬

重申多一次係扮

亦都好好彩嗰兩條蛋散都係充大頭鬼嗰類

見到撩唔到女同埋一個基佬喺度就即刻走



冇喺度窮追猛打

入到去朗豪坊

知道後面冇人喇，

芊靈就喺度笑

我:「笑咩呀 」

芊靈:「原來你係同性戀者

早啲講丫嘛 」



我:「痴線

唔係咁樣點趕走佢地 」

芊靈:「依家呢個時代接受能力好高

起碼我自己唔會介意先

唔怕認喎 」

我:「講多次我性取向係正常嘅

唔該你豎高隻耳仔聽住 」

芊靈:「好啦好啦你話係就係啦 」



我:「你咁樣講即係唔信啦屌 」

芊靈:「我信你喎邊個話唔信呀 」

跟住我地就上到最頂

慢慢行返落嚟，

基本上我地成日都係咁樣

我:「係喎話時話我份禮物呢 」

芊靈:「咩禮物呀 」



我:「大佬點講都好今日都係我生日丫 」

芊靈:「出嚟同你睇戲食飯重唔夠呀 」

我:「痴線

我出嚟同你睇戲好似係你嘅生日禮物咋喎

我雖然成日唔記得野不過唔好諗住恰我

我個腦勉強嚟講都係攞嚟用 」

芊靈:「係咩唔知喎 」

我:「不過講真

其實有時唔送真係好過送 」

芊靈:「點解咁講 」

我:「老實講有時有啲野真係唔鍾意

你老母又唔可以當面拒絕喎

唔通同佢講唔撚要咁樣咩係咪先

但係最慘又真係用唔著

要又唔係唔要又唔係真係煩 」

芊靈:「咁樣都係一返心意啫

如果係唔重視你就唔會送禮物俾你啦

啱唔啱先 」

我:「我知

但係有時真係好麻煩

屌我最記得有一次

有條撚樣送咗對籃球手帶俾我

大佬我踢開波

你俾個籃球手帶我做乜撚

最慘又唔可以當面屌柒佢 」

芊靈:「咁樣都係因為嗰個人送啲唔啱嘅野俾你啫嘻嘻 」

我:「做乜無啦啦又喺度笑 」

芊靈:「下有咩點解我唔知嘅 」

我:「又喺度扮丫 」

芊靈:「當然我都試過呢個情況

的而且確我都明白係好難拒絕

人地一份心意唔通你一下就話唔要咩 」

我:「所以有時真係寧願唔好送 」

芊靈:「又未必嘅

要睇下送禮物嗰個人平時有冇留意你咁囉 」

我:「世事係咁完美就好

咁就唔使周圍鬧人 」

芊靈:「你咪又係得把口 」

我:「屌唔好踢爆啦 」

芊靈:「點呀今日生日過成點呀

使唔使食蛋糕 」

我:「真係唔使

飽呀

況且有位天使落嚟人間陪我呢個凡人慶祝生日

乜都夠啦 」

芊靈:「痴線喺度講埋啲乜野 」

我:「根本你就知

扮蟹 」

芊靈:「咁

多謝你咁讚我囉 」

我:「第一日識你嗰陣已經咁講

依家先嚟讚我有冇搞撚錯 」

芊靈:「見你生日俾面你咋

嘈嘈閉 」

我:「天使咁依家搭車未呀 」

芊靈:「估唔到天使都要搭巴士

唔識飛過去 」

我:「戇鳩 」

當然我都係好唔爭氣咁樣笑咗