[真人真事][校園][純愛]《兩個我加一個妳》: 第八十章

上到巴士之後

芊靈:「一陣你喺總站先落車架可 」

我:「我地夜晚出街

有邊次唔係咁樣先 」

芊靈:「係喎哈哈 」



我:「乜你好驚一個人返屋企咩

無啦啦開口問 」

芊靈:「關你咩事 」

我:「問下啫唔使咁串嘴 」

芊靈:「哈哈到時你咪知囉 」



我:「奇奇怪怪唔知諗乜

肯定又係啲蠱惑野 」

芊靈:「真係冇囉你唔好咁心多 」

我:「望住我丫 」

芊靈:「痴線無啦啦做乜要我望住你 」



我:「睇下你有冇講大話囉 」

芊靈:「冇囉 」

我:「快啲講啦 」

芊靈:「唔制 」

我:「一定係身有屎唔敢望 」

芊靈:「真係冇 」

跟住我就坐喺個位度

係咁擰去佢嗰邊，



佢就係咁避

芊靈:「唔玩喇唔玩喇

好攰想休息 」

我:「得啦我知你想點喇 」

芊靈:「其實你真係幾醒

咁都俾你知道咗 」

我:「知道你籠野啦 」



芊靈:「嘻嘻 」

今次有少少唔同，

當佢挨咗落嚟我膊頭嗰陣，

我個頭都挨向佢嗰邊

的確真係有啲攰

睇嚟我都真係開始油盡燈枯

已經開始退化

出街一陣就已經攰



咁當然都係冇瞓

我都講過我係唔可以搭車瞓覺

因為如果依家瞓咗嘅話，

一陣返屋企就大撚鑊

肯定成晚數綿羊數天光

好快就落車

我:「大佬你就識嘆啦



用我個膊頭抖咗咁耐

我就周身骨痛 」

芊靈:「咁呀

唔好意思囉 」

我:「一啲誠意都冇 」

跟住佢條友即刻行去我後面

對住我個膊頭揼咗兩下

芊靈:「幫返你揼幾下喇

係咪好舒服呢 」

我:「屌

好撚大力喎你

係咪特登報復呀 」

芊靈:「所以話你唔識真係唔識

細細力揼邊度舒服架 」

我:「都唔知係咪鳩吹 」

芊靈:「信我啦

daddy媽咪都讚我好手勢

揼得好舒服 」

我:「唔係呀話你喺屋企竟然做埋啲咁嘅野

孝順女佩服佩服 」

芊靈:「揼幾下啫哈哈

細個嗰陣玩慣左

去到依家大個咗都重有玩 」

我:「玩咩 」

芊靈:「好記得以前細個想買玩具嗰陣，

我就會走去嗲daddy媽咪

係咁咦扮哂野揼幾下就扭到佢地買 」

我:「細細個就已經咁蠱惑 」

芊靈:「痴線我蠱惑嘅話咁你係咩

出自你把口真係冇乜說服力 」

我:「快啲醒多幾下 」

芊靈:「好喇好喇 」

我:「我咁英勇獻出膊頭

寧願自己辛苦啲，

為嘅只係令女神有一程車嘅舒服

冇理由打完齋唔要和尚丫 」

芊靈:「唔使講咁多

我依家咪揼緊

又冇話唔揼 」

之後佢由落車就幫我揼

揼到差唔多去到佢屋企

我:「原來呢份就係生日禮物

唔錯唔錯幾好手勢 」

芊靈:「今次你就錯喇

唔係喎 」

我:「下 」

芊靈:「你喺度等我一陣我好快落返嚟

記住千祈唔該唔好走開 」

我:「你講到咁樣咪唔走囉 」

芊靈:「真係好快呀 」

我:「咁你都要講低你上去做咩先得架

唔通你想玩我

要我企喺度成晚 」

跟住佢又扭我耳仔

我:「痛呀 」

芊靈:「你估個個好似你自己咁無聊咩

除咗你重有邊個成日想玩人

好明顯我就唔係啦 」

我:「點知你

咁你上去做乜先 」

芊靈:「一陣你咪知囉 」

我:「屌

你又有你嘅道理 」

跟住佢就頭也不回

快過小明咁樣返咗屋企。