[真人真事][校園][純愛]《兩個我加一個妳》: 第八十七章

講真

其實我嗰陣對放榜唔係真係咁大恐懼

考嗰陣識定唔識自己心中有數啦

扮乜野丫

點解無啦啦講起呢樣



因為有一晚我同芊靈食飯嗰陣，

佢就係講呢個話題

芊靈:「唔夠一個禮拜就放榜喇 」

我:「係喎

咁你想點 」



芊靈:「你唔驚嘅咩 」

我:「有咩好驚 」

芊靈:「驚唔夠分囉 」

我:「痴線你考嗰陣其實多數都知架啦

同埋依家擔心有咩用



都已經考完

塵埃落定嘅時候先嚟擔心 」

芊靈:「好有信心喎 」

我:「戇鳩

我目標只係原校升讀咋嘛屌

你又唔係唔知幾低要求 」

芊靈:「都係嘅 」

我:「老實講你邊度使擔心



肯定高分過我 」

芊靈:「叻過你少少咁啦 」

我:「巴閉啦 」

芊靈:「不過唔好話硬係有少少驚

老實講我都有諗埋萬一咁唔好彩失手

之後應該要點做 」

我:「你都啱嘅



六合彩都有人中啦

乜野都有機會係咪先 」

芊靈:「死人頭即係喺度咒我啦

好唔想見到我係咪 」

我:「痴線

我唔想見到你當初就唔會特登嚟呢度讀 」

芊靈:「下

你講真架 」



呢個時候我特登去佢耳仔邊講

我:「梗係假啦 」

芊靈:「死人頭又玩人

乞人憎 」

我:「嗰陣都未識你 」

芊靈:「唔睬你呀 」

我:「唔好咁啦靚女 」



芊靈:「唔睬 」

我:「芊靈bb豬 」

芊靈:「唔

打冷震 」

我:「應咗我喇 」

芊靈:「咩呀

我有話應你咩 」

我:「呢句你咪認咗囉 」

芊靈:「唔同你講呀

走喇食飽呀 」

我:「等埋呀喂 」

當然啦，

去到臨放榜嗰晚

講真其實有少少緊張嘅

點會完全冇丫係咪先

記得嗰晚我照例同緊Cyrus打機

Cyrus:「老老實實淆唔淆 」

我:「講真其實一路都唔係好淆

係今晚有少少囉 」

Cyrus:「警告你咪撚唔合格 」

我:「大家咁話啦屌

不過你有冇把握原校升讀 」

Cyrus:「照計全科合格唔係好難

點會冇把握

戇鳩

你唔好同我講你驚唔夠分呀」

我:「痴線點會

高分就難啫

合格容乜易丫屌 」

Cyrus:「最好係咁

今晚打通宵 」

我:「唔啦

好唔鍾意日夜顛倒

一定發爛渣 」

Cyrus:「咁好啦

聽日食早餐 」

我:「去茶記囉 」

Cyrus:「嗯

喂俾人打到埋嚟屌 」

我:「打佢老母 」

打完機就瞓覺啦

正當上床嗰陣就見到芊靈sms

芊靈:「瞓咗未

定係又掛住打機 」

我:「熄咗電腦喇

唔係你我都唔覆

一早瞓當睇唔到算 」

芊靈:「咁我多謝你俾面喎 」

我:「搵我做咩呀 」

芊靈:「冇呀

聽講好多人都話瞓唔著

咪諗住問下你 」

我:「究竟好多人瞓唔著丫

定係你瞓唔著呀 」

芊靈:「哈哈一樣啫 」

我:「唔同喎 」

芊靈:「有咩唔同 」

我:「如果係其他人我就話知佢

叫佢早抖

但如果係你的話，

勉強都有啲啲時間拎出嚟同你傾計嘅 」

芊靈:「其實呢你有時真係好醒 」

我:「想講咩呀

要講就快啲

眼瞓呀 」

芊靈:「破壞死光 」

我:「十萬伏特 」

芊靈:「噴射火焰 」

我:「十萬伏特 」

芊靈:「重複咗呀唔算再講過 」

大家可能睇到呢度唔係好明

不過我同佢個傾計模式係咁

就係好鍾意無啦啦講啲野出嚟

大家唔好以為佢係靚女，

就唔會做啲白痴野

其實佢有時好鍾意鳩噏

可能你地會覺得奇怪啦

不過唔好話你，

初初我都覺得好奇怪

一個靚女竟然會鳩噏

淨係諗個畫面都知道好唔夾

點解會咁架

不過的而且確真係，

有次真係俾佢激死

嗰日佢無啦啦問我

芊靈:「知唔知邊個人可以承受失戀嘅後果 」

我:「係咪iq題 」

芊靈:「係呀 」

我:「小明

因為佢跑得快過火車 」

芊靈:「唔係 」

我:「重唔係守門員 」

芊靈:「梗係唔係啦 」

我:「唔撚知快啲開估 」

芊靈:「答案係例如 」

我:「下 」

芊靈:「因為例如學會 承受失戀 」

嗰陣我真係樹熊咁嘅樣

重有好多嘅不過呢個最深刻

返返嚟先，

結果我地嗰晚用sms傾咗個幾鐘寵物小精靈啲招式

芊靈:「我好少睇卡通呀

所以淨係識咁多 」

我:「戇鳩都唔知點解會陪你啲癲 」

芊靈:「唔該晒

有啲眼瞓喇開始 」

我:「瞓啦瞓啦我都攰 」

芊靈:「聽日返到去請你飲檸檬茶 」

我:「好唔好走數呀 」

芊靈:「點會走數

拜拜 」