[真人真事][校園][純愛]《兩個我加一個妳》: 第八十八章

第二日同Cyrus食完個早餐

就開始返學校拎cert

Cyrus:「警告你 」

我:「你警告我做乜呀

揸咗手你重警告我 」




嗰排我地好鍾意扮巴士阿叔

所以週不時講佢啲濕鳩對白

Cyrus:「屌唔係扮巴士阿叔呀 」

我:「戇鳩我以為你係添 」

Cyrus:「我都未撚講完你就咁快接 」



我:「咁你原本想講咩 」

Cyrus:「警告你唔好唔合格

咁撚易都唔合格可以撼頭埋牆 」

我:「你唔好肥呀屌你 」

Cyrus:「痴線點會 」



返到去學校就上去班房先，

我見到全部同學震過貓王

而且籠罩住一股緊張嘅氣氛

出奇地冇人吹水

我:「唔係講笑真係有啲驚 」

Cyrus:「屌我都係 」

嗰陣個心開始噗噗噗噗咁樣跳



唔係講笑真係咁

你會feel到自己嘅心跳，

好似做緊運動咁樣

嗰陣開始知道係咩回事

跟住聽到班主任叫我出去拎嗰陣，

大髀重撞到枱角

但係仍然冇放鬆到

咁你就知嗰陣係咩心情



拎完返嚟梗係等Cyrus條蛋散一齊開啦

我:「不如交換

制唔制 」

Cyrus:「好

殺你 」

跟住一開，

就見到佢合格



我:「唉

見唔到我想見嘅野添 」

Cyrus:「係囉我諗住可以睇你跪地嗰個樣架嘛 」

我:「戇鳩

又話唔溫書，溫書正傻仔

屌你拎個2字頭返嚟 」

Cyrus:「你唔撚係2字頭 」

Cyrus拎23分



我就得22

不過唔緊要啦

已經好大機會可以原校升讀

因為早幾日同學校班人踢波嗰陣聽到

考14分其實唔一定可以原校升讀

加埋過2字頭就穩入

之前講咗嗰啲乜撚野學校要求好低原來係鳩吹

理論上18，19都有把握

但係講到要穩陣就2字頭

跟住終於放下心頭大石

冷靜完就梗係出去班房搵芊靈啦。

跟住就去佢嗰班門口

點知喺出面搵嚟搵去都見唔到佢

跟住望一望樓梯遠處

就見到佢拎住包野上嚟

行近啲嗰陣先見到係檸檬茶

我:「喂 」

芊靈:「你又喺度嘅 」

我:「諗住行過嚟搵你丫嘛 」

芊靈:「點呀你考成點呀 」

我:「你講先 」

跟住佢就喺個公文袋入面拎張cert出嚟

芊靈:「登登

你自己睇 」

原來佢有成25分

中國文學重見到有個b

我:「好撚勁 」

芊靈:「你幾多呀 」

我:「22咋屌

盡情恥笑啦 」

芊靈:「傻嘅我似啲咁嘅人咩

俾你飮呀傻仔 」

我:「嫌我重唔夠澀咩

重檸檬茶 」

芊靈:「唔飲就俾返我

慳返 」

我:「放心你買我一定飲

頭先等攞卷嗰陣真係勁緊張 」

芊靈:「以為你唔驚添 」

我:「我都以為我唔驚

但係去到臨場唔係講笑真係淆底 」

芊靈:「你依家落去搞學位嗰啲野 」

我:「係呀

一齊 」

芊靈:「唔得呀我有個friend肥咗

Michelle同埋另外幾個friend依家安慰緊佢 」

我:「咁點解你又喺度嘅 」

芊靈:「點解點解

你依家揸住啲乜飲緊啲乜呀

唔通佢自己識行上嚟 」

我:「真係感人

竟然無啦啦落去買俾我

好撚感動 」

芊靈:「鬼叫有人尋晚陪我講咗咁耐無聊野咩

唔緊要當係酬勞 」

我:「好呀好呀話知你當乜 」

芊靈:「一陣再搵你

拜拜 」

我:「拜拜 」

跟住我就同Cyrus落去搞學位嗰啲野

芊靈就返到去睇佢個friend

依家先講俾你地知丫，

其實放榜有一晚我喺度諗，

會唔會真係唔可以原校升讀

咁就被迫要同芊靈分開，

好彩依家總算過咗第一關

我嗰陣覺得下一個難關就係A-Level

起碼重有年幾兩年先至再面對挑戰，

當時我係咁樣諗。