玩完海盜船跟住再玩咗好多

過山車呀飛天韆鞦咁樣

原本想玩埋跳樓機

不過唔係講笑連芊靈都驚

所以就決定唔去玩



跟住就入去鬼屋啦

記得嗰陣都排咗一陣隊,

因為都真係幾多人玩

你依家問返我,

其實唔記得嗰陣發生咩事



我好記得入到去有九成時間都係瞇埋隻眼

我都知道真係好撚廢

各位唔好笑我啦屌

芊靈:「使唔使咁驚呀

我:「睇下我幾俾面你



驚到咁樣都陪你玩

芊靈:「冇野喇冇野喇

痴線原來你真係咁驚

我:「一早講咗啦係你唔撚信

以後唔會再嚟

芊靈:「係喇係喇

喂不如再玩多次

我:「死啦你去



我唔會再陪你癲

芊靈:「講下笑咋

我似咁冇人性 。」

我:「似

芊靈:「唔好黑化我囉好冇

玩返啲冇咁驚嘅野喇

我:「梗係要啦屌



最後我地去左玩摩天輪

我:「追!追!趕!趕!高!高!低!低!。」

芊靈:「人地邊係唱到咁樣架

唱到一個字一個字彈出嚟

我:「戇鳩

人地係陳奕迅我唔係

沿途就算意外脫軌

多得你 陪我搖曳」



芊靈:「咁樣唱咪幾好聽

多啲多啲多啲

我:「上到去先啦

依家唱晒一陣重唱乜野呀

芊靈:「係喎你又啱喎。」

我:「死火俾職員見到我唱歌添

芊靈:「邊個呀



我:「嗰邊嗰個呀

芊靈:「係喎佢望住我地笑喎

我:「不如對返住佢笑

哈哈哈哈哈咁樣

重唔笑撚死佢

芊靈:「痴線玩啲咁嘅野

警告你唔好呀

我:「你都傻嘅我一陣就喺佢面前笑

芊靈:「你會搞到我笑埋呀

我:「話知你丫

當然我呢啲毒撚去到最後都係吹水啦

不嬲都係得個講字

去到最後梗係佢恥笑我而唔係我恥笑佢

我淨係可以頭耷耷咁樣行入去摩天輪嗰度

芊靈:「又話對住人笑嘅

我:「費事搞到全部人都笑啦

影衰你就唔好啦係咪先

芊靈:「傻仔

入去坐啦

上到去之後,

老實講好彩我同佢熟

如果唔係真係好老尷

空間又唔係大得兩個人

你眼望我眼

淨係諗都知有幾尷尬

有啲如果想R話題嘅就重衰

「係喎摩天輪喎。」

「好高呀好高呀。」

「真係好靚呀。」

呢啲係人講嘅咩

所以我一定唔會同啲唔熟嘅人坐摩天輪

係肯撚定唔會

世界級老尷

可幸依家面對住嘅係芊靈

唔會出現我幻想嗰個情況

芊靈:「其實呢我細個嗰陣唔鍾意玩摩天輪

我:「點解

芊靈:「以前細個鐘意刺激啲丫嘛

覺得機動遊戲就係要刺

唔刺激玩嚟做乜

我:「你咁樣講即係依家唔係啦

芊靈:「原來依家覺得咁樣靜靜地坐喺度都唔錯

可以放鬆下

好正

我:「所以話你冇文化就冇文化

芊靈:「你又講咩呀

邊個冇文化呀下

我:「我知你想行過嚟扭我耳仔

坐定定喺度呀唔好郁呀

依家唔係喺地下

因住行過嚟太重承受唔到,

我同你就係咁大

芊靈:「痴線唔好亂講啦

我:「講下笑啫邊會咁易應驗

次次開口中呀冇人做野啦

個個重唔喺度買六合彩買波買馬

芊靈:「哈哈唔驚死咩你

重喺度講

我:「講真丫

有邊個唔會死

驚咁多把撚咩

芊靈:「有咩你係驚架

我:「好多喎

芊靈:「都唔知係咪

我:「最驚就係冇咗你

芊靈:「好浪漫呀真係

聽到我好感動

我:「今次交到戲喎

芊靈:「梗係啦跟得你多

影相影相影相

我:「好

跟住就喺度影咗幾張相,

正當諗住再影嗰陣

點知佢部相機冇電

我:「啲電係咪虧

影咗唔夠半日就冇

芊靈:「係囉好似真係好快冇電咁樣

咁難得上到嚟諗住影多幾張

我:「痴線咩難得呀

驚死冇得嚟咩下次

芊靈:「咁真係唔係成日嚟丫嘛

我:「下次再影過咪得

你驚海洋公園會拆咗個摩天輪咩

芊靈:「嗯,

唯有下次啦

我都勉強講中咗一半

十年之後摩天輪仍然係屹立不倒

不過我同佢喺摩天輪嘅影嘅相就冇多到,

都重係當日嗰幾張

證明我啲眼光真係好撚屎

想中嗰樣就唔中,

下次如果係理所當然咁就好,

可惜唔係,

以前我會抱怨部相機啲電點解咁虧,

淨係影得嗰幾張

依家我會慶幸部相機唔係完全冇電,

至少影咗呢幾張

如果唔係咁嘅話,

真係連少少證據都冇,

到時我會以為自己喺度ff緊,

瞓啦柒頭邊度有女同你嚟海洋公園啫