[真人真事][校園][純愛]《兩個我加一個妳》: 第一百章

去到六點幾接近七點嗰陣我地就走咗

都玩咗一日有啲肚餓

話說當日自己有啲閒錢

諗住好撚型咁樣請佢食飯

點知佢話唔制



我:「去打邊爐

我請 」

芊靈:「無啦啦做乜你請 」

我:「戇鳩我嗰日買咗六合彩

中咗錢咪拎出嚟請食飯囉



幾撚型呀 」

芊靈:「你夠歲數買咩 」

我:「傻嘅

我俾心水老豆老母買丫嘛

難得買中咗梗係叫佢地分啲嚟 」



芊靈:「實係咁啦六合彩都有心水 」

我:「挑

唔信就算 」

芊靈:「有錢自己keep住先啦

咁樣嘅話中幾多都唔夠用呀 」

我:「我諗住周圍曬駱駝我中咗六合彩丫嘛

咪諗住好豪咁樣請你食飯 」

芊靈:「唔要呀我又唔係冇錢



無啦啦做乜請啫

又唔係大時大節 」

我:「你真係衰

連我想型都唔俾我型

最慘係你有份得益 」

芊靈:「型唔型呢啲有咩所謂

咪又係得我睇



儲下錢好過啦

遲啲交換聖誕禮物你想慳都冇得慳呀 」

我:「理財之道 」

芊靈:「任何年紀都要理財架啦

乜唔係咩 」

我:「係你啱你啱 」

芊靈:「咁我地都可以打邊爐

不過自己俾自己囉 」



我:「幾驚你話唔撚打

唔係講笑打邊爐真係冇得輸 」

芊靈:「你知啦我咁好人

有人想食一定陪佢食嘅

係咪先

不過你好鍾意打邊爐咩 」

我:「梗係啦



唔係講笑打邊爐真係唔會厭

真係好撚正 」

跟住我地walk in入去

等咗一陣就有位，

有位之後當然就打邊爐啦

芊靈:「你想食咩湯底呀 」

我:「我就好撚廢唔食辣嘅

亦都唔鍾意藥膳嗰陣味

唔好揀呢兩樣就得 」

芊靈:「沙嗲嗰種辣得唔得呀

唔得可以再轉 」

我:「沙嗲得

麻辣就唔好喇屌 」

打邊爐嚟嚟去去都係咁冇乜特別

咁就費事講咁多

係打到後段嗰陣我同佢掛住講，

咁我就停咗手

話說呢個係小弟嘅習慣

咁多年都係咁樣

即係其實重可以再食嘅，

不過懶得滯唔想再郁隻手咁解啫

芊靈:「你唔食喇

重有啲丸喎 」

我:「唔食喇夠喇 」

芊靈:「死懶鬼 」

跟住佢就幫我𢳂啲丸落嚟我個碗度

我:「唔該晒 」

芊靈:「知你啦懶蟲 」

我:「嘩咁你都知

我同你講過 」

芊靈:「係呀唔係點會知 」

我:「好野連自己都唔撚記得咗 」

芊靈:「講咗俾你聽我好好記性

唔似你呀

成日當人講野耳邊風 」

我:「唔好又扭我耳仔 」

芊靈:「成日都左耳入右耳出

懲罰你 」

我:「痴線痛呀痛呀唔好呀 」

芊靈:「唔阻你食野喇

出到去先扭 」

我:「屌 」

出到去佢話想行一陣消化先喎

咁我冇所謂咪由佢囉佢話事啦

行行下佢見到有間賣裝飾嗰啲野就已經好興奮

芊靈:「Kurumi呀Kurumi呀 」

我:「邊個係 」

芊靈:「搞錯呀咁都唔知

黑色嗰隻呀 」

跟住我拎上手睇

佢係嗰啲直立硬身公仔嚟嘅

唔係好大隻應該都係預你擺喺電腦枱嗰啲位咁嘅啫

隔離重有隻紫色嘅蛋散

都唔知乜撚嚟

我:「ok啦還可以啦 」

芊靈:「搞錯呀咁hea架 」

我:「嘩真係好撚得意喎 」

跟住佢就喺度笑

芊靈:「講得好衰呀 」

我:「交晒戲又話講得衰

想點 」

芊靈:「你唔覺好靚嘅咩 」

我:「大隻啲嗰隻靚啲 」

芊靈:「邊度大隻呀個個公仔都差唔多 」

我:「呢隻囉 」

之後唔使講梗係指住佢

芊靈:「好煩呀唔睬你 」

我:「讚你都話煩 」

芊靈:「用我同公仔去比重話讚我 」

我:「咁真心你靚啲喎 」

芊靈:「唔知呀唔識呀 」

我:「唔好行咁快啦 」

最後都追返佢，

一齊搭巴士返屋企