無啦啦講佢睇中咗嗰個公仔嘅事

之後就當然有下文啦

話說去到11月,

有日放學無啦啦佢同我講

芊靈:「我地交換聖誕禮物好唔好呀



我:「屌你係咪傻架

依家先11月中

交換乜野聖誕禮物呀

你知唔知聖誕係幾時呀

芊靈:「使唔使咁串嘴呀



我唔理呀要交換呀

我:「痴線而家先11月

咁早交換把撚咩

芊靈:「我地未試過交換聖誕禮物呀

我:「大把機會啦使唔使咁心急呀



跟住佢無啦啦停低咗,

我:「做咩停低

行啦

芊靈:「想停咪停囉係咪唔得

諗野又要話你知嘅

我:「得梗係得啦

芊靈:「依家交咗到時咪唔使囉

你知啦聖誕節買野咁鬼貴



依家益你呀

我:「冇份益你嘅

不過又唔係喎屌

你咁撚有錢真係冇乜所謂

芊靈:「放心我都會買野俾你

你唔好走數呀

我:「痴線點會



芊靈:「係喎你拎得你屋企嗰支柔順劑返嚟未

講講下又冇咗件事

我:「係喎真係唔記得咗

芊靈:「聽日帶返嚟呀唔該

好聲好氣今次記得喇

我:「講真你今晚再提我

我真係驚自己唔記得

芊靈:「搞錯呀咁冇記性



我:「係呀又唔係我話要

你話要就梗係你提啦

芊靈:「好

當我欠咗你

唔好掛住打機唔覆sms呀

唔係喎既然你打機應該msn搵你

我:「你知就好啦



咁樣要幾時交換呀

我都要就時間諗同埋買

費事你又唔鍾意又喺度扭我耳仔

芊靈:「下個禮拜五好唔好

我:「好

不如我用柔順劑當做禮物送俾你好冇

芊靈:「搞錯呀咁冇誠意架

我:「講笑啫

芊靈:「哈哈其實我諗住送米俾你

細細包嗰啲呢好易拎

又係你成日話鍾意生食米傻仔先至煲飯

我:「戇鳩

跟住諗咗好耐

究竟送乜撚俾佢好

我都唔記得有冇講過喇再講多次啦

我真係好唔鍾意自己諗一樣野送俾人

因為我好驚送咗一樣人地唔鍾意嘅野

跟住對方又因為唔好意思而唔敢推嗰個感覺

你話調返轉你叫我買乜咁就冇問題喎

因為肯定唔會出現以上嗰個情況先

所以今次佢嗌我送野俾佢

對我嚟講其實真係有啲難度

個幾日就喺度不停諗究竟送咩

我有問過Cyrus意見,

利申我絕對唔係曬駱駝

我真係冇辦法先問佢

點知佢話呢啲野我清楚過佢

問佢都冇撚用

諗諗下又真係有道理

等我喺度諗下有咩佢會鍾意先

頃刻間,

爆發靈感泉源,

唔係講笑嗰陣我覺得自己真係咁誇張

諗到佢嗰日話好鍾意嗰隻乜撚野kurumi

咁就二話不說出去買

真係即日就出去,

其實去返嗰間舖頭嗰陣,

我都唔記得係咩樣

淨係記得kurumi kurumi kurumi

入到去就問佢有冇kurumi

之後擺咗幾隻出嚟,

跟住我就好戇鳩咁樣揀咗隻最貴嘅

嗰陣諗野係咁架啦

諗住貴就一定好

再加上本身真係唔係好用錢,

叫做有啲閒錢淨

同埋依家都係貴多幾廿蚊

咪豪俾佢囉,

買完之後就跟住返屋企啦

佢話禮拜五先至交換

我睇死佢冇咁快買到

所以都係按照原定日子俾佢算

其實依家諗返起

嗰陣我細心少少的話,

應該會留意到一啲端倪

我依家咁樣講返出嚟,

好明顯嗰陣就係戇鳩鳩成碌竹咁樣啦