[穿越] 執房嗰時搵返部Sony Ericsson推蓋手機: 123.

我們看着手機屏幕，倒數三分鐘。

內心是久違了的平靜，相信着即使這次的見面有時限，我們還是可以迎來下一次相見，明天、後天、大後天，只要我們願意。

00:00。

「好喇，夠鐘喇，送你返去啦。」他站了起來，想把我拉起，我卻賴着不走，抬頭望着他。

「又話最後三分鐘，仲唔起身。」他摸摸我的頭，有點無奈。





「你，頭先驚唔驚？」

「驚咩啊？」他看我不肯起來，再次坐下，疑惑地望向我。

「有無一秒驚過，過咗呢三分鐘，我又會唔見咗？」

他有點意想不到我會這樣問出口，嘴巴微微張開出了神。我靜待他的回答，其實還是有那麼一刻，我是害怕的。

「一秒。」





「有驚過一秒？」

「唔止一秒，其實我好緊張。」

「對唔住啊...」

「傻嘅，你係咪好想知，嗰晚之後嘅事呢？」他的手臂環抱着我，讓我剛好靠在他肩上。我想知道後來的故事，而他總是懂得我。

「係有啲嘅，嘿嘿。」





「估到你喇，又借啲倚唔返去，又八卦，聽埋真係走㗎喇，你阿媽擔心㗎。」

「知道！我WhatsApp佢講聲咪得，哈哈。」

「唉，無你符啊。但其實之後都無咩事發生，點講呢...」

「啫係點？」

「你咪聽咗個電話嘅，然後突然就話好頭痛要返屋企。嗰時都唔覺有咩異樣，之後幾日都無咩特別，但總係有種疏離嘅感覺。後來我再睇下你個locker，比你嘅生日卡都仲喺到，我就知道，或者你已經走咗... 一直到而家。」

「原來係咁... 所以，最後我都無揾到張生日卡...」

「其實... 係我拎走咗。所以另一個你唔會揾到，不過，佢都唔會知呢張生日卡嘅存在。」

「唔怪得我喺屋企個櫃都揾唔到啦！年年都有你寫嘅卡，係差中四嗰一年！」





「你揾返出嚟睇晒？」

「係啊，我仲發現到當年我無發現嘅嘢！」

他輕輕一笑，待我把話說下去，看他樣子，似乎已經知道我所說的是甚麼。

「張便條上面寫，你要同我講嘅秘密，係咪你鍾意我呢？」

「你就係發現咗張便條咋？」

「仲有其他咩？」

他笑而不語，替我把被風吹亂的頭髮梳好。





「喂啊，仲有啲咩玄機！」

「話明玄機，緊係等你自己去發掘。好喇，謎底已經解開喇，係時候返屋企。」

「都未解開晒，唔制啊！」

我裝着小孩子鬧彆扭，他就笑得更開懷，一手把我拉起，強逼我跟着他走。

「我相信你，你會解得通。一係咁喇，如果你發現到，我就將當年嘅生日卡比返你好無？」

「明明本來就係比我嘅... 你哈我嘅...」

我扁嘴，他大笑，能看到這樣快樂的他，我又覺得沒所謂。

「仲唔到我哈返你轉頭？哈你一世。」





「哼，我一定會解到。」

我整個人被他摟緊，為我擋了不少風。

「嗯，我等你，唔差在等多你一等。」

「放心，今次好快，哈哈。」

我們相視而笑，腳步是輕快的，卻捨不得走太快。終於，街燈映照出緊貼着彼此的黑影，像是我從前做過的夢。

好幸福。

「到喇，快啲上去啦，今次我望住你走。」他催促着我，說是害怕讓我的母親留有壞印象，怎麼讓她的女兒夜歸之類。





「講起又係，次次都係我望住你走。點解以前走得咁急啊你？」

「因為，我唔想望住你走。」

「咁而家又唔怕？」

「因為你唔會再走，我想望多你幾眼。」

我甜蜜一笑，給他一個大大的擁抱。

「答得幾好，洗咩我train啊，肉麻鬼！」

「咩啊，我真心㗎。」他一秒變嚴肅，直視我的雙眼。

「嗯，我知道，我都想望多你幾眼。」

就這樣對望着，心跳無限加速。

然後，我快速地在他臉上親一下，轉身就跑走，直到進升降機後才回過頭來，看到他呆掉了的模樣，就覺得很滿足，我好像越來越喜歡捉弄他了。

回家後，我立刻收到他的WhatsApp。

卓行
在線上

做咩唔錫嘴？ 上午12:37




突然覺得，我的道行還不夠呢。