「哈哈哈!好,既然係咁我都無謂哂口水,橫掂你由細到大都係咁撚硬頸,勸你都無撚用架啦!得,我幫你! 」見到張天師哈哈大笑,一旁既我反而有種中計既感覺.... 「你先研究下你阿爺留底既個本野先啦!雖然本撚野係邪書,但係比起其他啲所謂濕鳩典籍,呢本野的確寫得更仔細清楚,你睇多幾次肯定學到野!嗯...應該都無咩野交帶漏...丫係,記住睇下張回鄉證有無過期,我地應該要返大陸一轉架!唉屌,講講下我都唔知張回鄉證收埋左係邊,屌都要巢返出黎先,唔講住啦咁!」 我原地目送張天師,等佢走左之後,我就開始讀本葬經。 我發現扎記經過咁多年,竟然都仲可以好似新既一樣,確實係有佢既獨特性係到。扎記既紙質十分奇特,我一開頭匆忙拎上手個時都唔為意,依家靜左落黎,先發覺紙上好似有一層蠟,摸上手係特別厚,但係一啲黏性都無,我諗作者係製作呢本扎記既時候加入左一啲特別既材料,或者用上一種特別既技巧去整,所以先可以保留到咁多年。 我係讀書個陣就曾經聽過古人有一種特別技術,先將紙同埋一啲不知名既材料放入蠟中浸泡,然後再經過三日既曬乾,咁改造出黎既新紙就會特別耐用,唔單止撕唔爛,扯唔斷,仲遇水不溶,甚至要用猛火去燒先可以溶化佢。我諗呢本扎記就係用左呢啲技術黎做。 我深吸一口氣,心驚膽跳地揭開第一頁。 第一頁以毛筆寫住葬經兩字。 當中無論一橫一豎都極有有氣勢,我眼球完全比個兩隻字所震懾住。 呢本扎記就好似有一股魔力咁,我揭完一版又一版,逐漸地,我終於被拉入呢個充滿住神與鬼既陰暗世界...
已有 0 人追稿