「你做咩?」張天師指一指阿牛,百思不得其解地問。 「下,跟你去捉鬼囉!」阿牛R一R個頭,以一個好奇怪既眼神望住張天師,就好似奇怪緊愛因斯坦點解會問相對論係相對咁。 「屌,你都去埋捉鬼咁仲有邊個睇鋪呀!?」一旁既我沖口而出,一來我唔想有其他人插手,二來棺材鋪的確需要有人睇住。 「咩丫,隔離鋪既福伯同ELAINE姐答應左會幫我睇,所以我咪可以跟埋你地去捉鬼囉!」

哎...公利兩個一老一嫩真係好事多為,平時又唔見佢地咁幫我,今次真係好心做壞事...

我向張天師投一個求救既眼神,點知張天師竟然理都唔理下我,反而全程盯住阿牛。「你真係想跟黎?」張天師平靜地問。 阿牛報以一個堅毅既眼神,抱住必去不可既決心點頭。 「嗯,咁你黎啦。有公利既人幫你地睇住應該都無咩大問題既屌。個死老鬼本身都係玩撚埋哂啲陰野,無人敢搞佢,有佢照住就算你地打開門口唔撚落閘都無人敢偷野啦!」 我自然唔敢對張天師既決定有咩異議,唯有嘆一嘆氣,跟住張天師步出門口。 係一路行去火車站既途中,我曾經低聲問過張天師點解要帶上阿牛。 但係張天師只係好玄咁回我:「佢會幫到我地。」見張天師都唔想回答,我都無再追問落去,唯有靜靜地帶上我既耳機,準備上到深圳再轉長途車去湘西。 湘西,自古以黎就傳係趕屍既發源地,當地氣候特殊,經常都有瘟疫發生,所以死人無數。礙於地勢所限,好多偏遠既村落係連馬車都入唔到,所以要運呢啲死係村外既人返去落葬就唔能夠單憑正常既途徑了。就係因為咁,一種古怪而又神秘既職業—趕屍匠,就應運而生。

係以前既湘西,你唔難見到山路邊會有一間間又殘又舊既小客棧,當你想入去住既時候呢,咦!?好奇怪地個老細又會趕你走,唔比你住架喎!因為呢啲客棧唔係比生人住既客棧,而係比死人住既趕屍客棧黎架...仲有喎,如果有時你間唔中係半夜聽到一啲好奇怪既銅鑼聲,千其唔好諗住學元秋去鬧鬼人做乜三間半夜仲係到嘈之巴閉,因為死人趕路,生人迴避呀... 係架,湘西係全中國擁有最多禁忌既地方之一,所以我岩岩到埗個時都唔敢亂行亂走,張天師行去邊,我就行去邊,只有阿牛仲好興奮咁再摸右摸,又去食呢食路。 張天師一到就好似熟頭熟路,帶我地穿過大大小小,各有不同既橫街小巷,終於黎到一間殘舊既小屋前停低。 「來風客棧」
已有 0 人追稿