【王道】《我每晚都會發畀阿哥追殺嘅惡夢》: 第八章————惡霸（Masako篇）
砰！ 天台門被打開，
「Peter，我搵咗陳sir解釋返架喇，上堂播av嗰個係我！你叫Hugo唔好跳啦！」
「後生仔睇呢啲好正常啫，不過唔好上堂睇就得架啦，你過返嚟先啦。」陳老師和Gary似乎都誤會了些甚麼。
「係囉係囉，咁大個人都正常嘅！哈哈！」我也參一腳去和應。
「你過返嚟我就畀條av嘅番號你啦！」Gary說。
Hugo沉默了一會。
「屌你老母臭閪，你班仆街冚家剷到底識唔撚識點勸人唔好跳樓架？」
他在老師面前也放肆地罵著髒話，也許是把一直以來對自己的枷鎖給解開了。
事後，
我試著追問Hugo有關於黑衣人的事，
「其實我本來以為你就係個黑衣人。」
「我點會做呢啲事，連入你個夢一次都覺得後悔。」
「咁你知唔知黑衣人嘅底細？」
「我其實都唔清楚佢係個咩人，但佢係特別強調要用原子筆插你左眼就可以係現實得到金錢，而且佢拎住本好奇怪嘅筆記簿。」
「又係指定嘅殺人方法....睇嚟唔同方法真係會有唔同效果。」
用束帶扯斷我的手會令我失去貨場的工作，用原子筆插我左眼就可以獲得金錢....這原理到底是甚麼....算了，反正這個夢本來就是不合理。
我拿出了那本記下規則的筆記本，再問問Hugo有甚麼是知道的。
「呢本筆記簿..... 同黑衣人用嘅係同一款！」他驚訝的指著。
「又會咁啱，本嘢我求其係屋企搵出嚟。」
「.... 其實你有冇諗過個黑衣人就係你嘅親人？」
「.........點解你會咁覺得？」我愣怔了。
「因為你散發住同一樣嘅氣場，講嘢方式都好接近，而且...都係想改變呢個唔公平嘅世界。」
「............」我陷入一陣沉思。
「哈，我都係假設下啫，唔使介意。」
「唔係....我諗緊會唔會係我呀哥...但冇可能呀，佢係５年前就已經過咗身。」
如果哥哥他真的還在世上，為甚麼不找回我們，為甚麼要這樣陷害於我，我發的奇怪夢又是甚麼？我對於真相的渴求越來越大。
「Hugo，可唔可以幫我手一齊搵個真相出嚟？如果有你嘅智慧，應該可以慳返唔少功夫。」
「可以，反正我最近都得閒。」
上次被老媽說完我和老爸當年的衣著一樣，心中就有條刺，是時候去買過些新衣服吧！
「先生，想要咩衫可以幫你攞。」
「我...我自己睇下就得架喇，唔該。」對於我這些毒男，買衣服時最怕就是店員的熱情推銷。
「傻仔，玩下你炸，連望人都唔敢望。」這是一把似曾相識的聲線。
「Masako？點解你會係到？」想不到會在這裡遇到她。
「啫係你可以行街，我唔可以行嘅？」Masako一如以往的牙尖嘴利。
「咁又唔係..... 」
「睇你個樣好似揀緊新衫咁喎，使唔使姐姐幫下你眼？」
「呃....唔...」
「嗱，試下呢件啦，斯斯文文幾襯你。」我還未來得及拒絕，她已經把衣服硬塞給我。
只好死死氣地去試身室。
我穿起那件衣服，效果還不錯，挺適合我的，日本人真是有點品味。
「點呀？冇介紹錯吖嘛？」Masako在試身室門外。
「咁你又真係有啲眼光嘅....」
我返回試身室換回我的衣服，正當我把上衣和褲子都脫掉時，Masako突然闖進我的試身室。
「喂你做咩呀，我仲未著返衫！」
「你唔好嘈住。」她用手把我的口掩著，全神貫注的觀察簾外。我下意識的向下彎曲了身體，用雙腿夾緊那不應該被看見的地方。
我把Masako的手稍為移開，
「其實發生咩事....」我靜悄悄地問她。
「我唔想畀個痴線佬見到我....」Masako轉過頭來，凝視著我的雙眼。
「痴線佬...？」
她慢慢貼近我，在試身室的狹窄空間下，能夠清楚感受彼此的氣息，她的肌膚，體溫和呼吸都是如此緊貼著只剩下內褲的我，在男性本能下，產生了生理反應......
正當我想把那裡擋著，拿起衣服時，
「Peter….你可唔可以幫下我.....」Masako把我的手抓住，我想擋著動作馬上被終止，此刻小Peter好奇地抬起了頭....
「求下你吖.... 」
「好好好！你想我幫你啲咩？」我想馬上脫離這困境。
「出面有個人，之前係舖頭已經騷擾過我同Marla...之後仲一直死纏爛打，你可唔可以扮我男朋友，同我一齊走？」
「當...當然可以啦！」我腦袋已經一遍空白。
「真係？太好喇！唔該哂你。」她越說越激動，細嫩的大腿不經意地磨擦著我，
小Peter，已經進化成完 全 體。
Masako向下看了一眼，察覺到了甚麼，我已經準備好受死的心，一定會被說成變態，捱幾巴掌更是少不免。
可是她卻沒有強烈反應，反而是蹲了下來....
「....？！咁突然？我地唔係好熟....」
「你快啲著返衫先啦。」她蹲下是幫我拿起衣服....
我們一起牽著手走出了服裝店，Masako的身高比我還要高少許，看起上來並不像情侶.... 不過可以和這種混血美女假裝戀愛，還是有些自豪感。
「如果呢個情景畀Marla見到.....你係咪驚緊呢樣嘢呢？」
「.....吓？我...」對，這情況被Marla碰見，必定惹來天大的誤會！
「咦，你咪係Peter？」一把聲音把我喊停，我把頭轉向後面....
「原來係Hugo....」我馬上鬆了一口氣，Hugo是我所有熟人中最明白事理的人。
「呢位係...？」Hugo看著Masako問。
「我係佢女朋友！」Masako搶先一步回答。
「原來係咁，唔阻你地了。」Hugo冷靜地離開。
這下子慘了，之後再和他解釋吧.....
「不如我地去噴水池廣場？趁而家教下你追女仔要去邊啦！等你同Marla出街用得著。」
「同Marla…...」我還未想完就被Masako拉了去附近的噴水池廣場。
那裡地方很大，令人心曠神怡，有人在那表演音樂，亦有小型古董市場，更多人是在自拍，爭相把照片上載到網絡，完全是文青的好去處。
我們坐在噴水池旁，四周的白鴿星羅棋佈，簡直像電影裡才會出現的場景。
「你地都幾恩愛呀！」
噗通，我被一股突如其來的力量推下了噴水池。
「係邊個？！」全身濕透的我站起來追問。
「我呀！我就叫牙俊，係咪唔撚鋸呀？」
說話的是一名頭髮染金，上下身黑色衣著，胸前掛著子彈包的小混混，身後還有幾個衣著類近的跟班。
「又係你地班衰人！煩夠我未呀！」Masako憤怒地說。
「就係呢班死mk搞住你？」我問。
「跟我，做我條女啦，呢到我睇哂，包你好食好住！」牙俊強行搭著Masako，想把她拉走。
「你條死mk仔，邊撚到俊呀？睇過？」我一拳揮向牙俊，直接命中他的腹部。
「哈，你幫我拗痕呀？」
顯然我的拳軟弱無力，對他毫無傷害。牙俊順勢把我的手捉住，向後一個過肩摔，
碰！
我整個人被擊在地上。
「咁弱雞學人溝女？仲要幫人出頭？呸！」牙俊和他的跟班圍著我拳打腳踢。