【王道】《我每晚都會發畀阿哥追殺嘅惡夢》: 第九章————血友病（Masako篇）

「停手呀，唔好打佢呀，我聽你地話啦！」Masako掩護著我。


 「Masako你...你行開啲。」 

我在地上撿起一顆石頭，擲向牙俊他們。

「我而家係你男朋友，我就有責任保護你！」






牙俊的額頭被石頭擊中流血， 

「你條廢柴呀！還拖？」 

換來是更猛烈的毆打。


旁邊的人因騷動而聚集過來，

 「咩事呀...」 





「又係啲感情糾紛？」

 「喂你唔好走呀，我報咗警話你打人架喇！」

一聽到有警察的出現，牙俊他們就紛紛逃離現場。


「你冇事吖嘛？」Masako問。






我被打得身體多處出血損傷，連眼角也在滲血，我捏著血在直流不止的鼻， 


「我點會有....」這句還未說完就昏迷在街上了。


再次打開眼時，我看見一遍白色天花，隨之而來是刺鼻的消毒藥水味，原來我在醫院的病床躺著。


「點解你咁渣架...你唔好咁快離開我呀，我地一齊咗都未夠４個鐘，點解個天咁殘忍。」Masako在床邊淚流滿面。


「我仲未死架....」我用僅餘的聲線說。






「你呀，啲血流極都唔停，想嚇死人咩？點解你唔講你有啲咁嘅病？」


「咁嘅....病...」對，我從出生起就有血友病這奇難雜症，但基本上只要不流血，對生活就沒有太大影響，所以我不會選擇提起。


頭腦還是迷迷糊糊，看來是因為失血太多，還未回復過來，身上到處都是紗布繃帶，不說真以為是被車撞飛了...


「你覺得你自己有幾多分？」Masako問。


「咩幾多分？」






「做男朋友有幾多分。」


「um….０分掛，都畀人打到爆哂江，仲入埋廠。」


「傻仔，你係滿分呀。」


「點解...？」


「因為你...盡全力去保護你嘅愛人。」






留院一晚，止血後沒有大礙就出院，父母也只是責備一下我胡亂跟人打架，還好他們不是怪獸家長，要不然事情就大條了。


「嘩，你叫雞唔畀錢呀？傷成咁嘅。」是熟悉的Gary式賤嘴。


我黏著一身的紗布去上學，引來不少目光注視。


「Peter，估唔到你咁英勇，我大慨估到發生咩事嚟。」Hugo果然是才子，省去我解釋的口水。


「都係你最聰明...」我沒力地說。






「係呢，不如今日一齊食晏？我有啲嘢想問你。」


「吓，好啊....」被Hugo約去吃飯，比給女生約去吃飯還來得意外，難道是有甚麼關於夢的新線索？


午飯時間，我和Hugo去了一間日式快餐店，各自選了一盒便當就坐了下來。


「係喎，我地有個whatsapp群係用嚟調查關於夢嘅事，我a啲啲埋你入去啦。」我說。


「好，咁樣都方便大家溝通。」

 Hugo把他的電話號碼給我， 

「其實上次有樣嘢我唔記得同你講。」


「唔記得講咩？」


「我嗰日入完夢之後，黑衣人首先喺一個好多道門嘅地方帶住我行。」


「好多道門...？」


「係，佢當時指住一道紅色大門，話「你穿過紅色大門就會見到佢」。」


「紅色大門...！我呀哥就係喺嗰道門出嚟殺我。」


「所以我大膽假設係會有一個類似伺服器嘅物體。」 

Hugo指著自己的腦袋， 

「係用嚟連接住所有人嘅夢境。」


「即係話個黑衣人掌握住夢境伺服器....」說起上來除了哥哥和Hugo，的確沒有親眼看過其他人是如何進夢，我則是昏迷狀態進夢....不愧是Hugo，馬上就推理出新線索。


「不過我想問嘅係第二樣嘢。」Hugo說。


「仲有其他嘢？」


「我想請教下你係點樣追女仔！」


「吓？！你都會鍾意女仔架咩？」


「.......我緊係會啦，我又唔係gay....」


「但，但我都唔識架喎。」我說。


「你唔好咁自私唔教我啦，明明見你拖住個靚女，仲要英雄救美！」


「其實件事....」

 我靈機一閃，說不定可以知道Hugo甚麼把柄，

 「咳咳，咁你都要講你鍾意邊個先得架？」


「個女仔....係隔離學校嘅...」


「隔離學校.....？！佢係個點嘅女仔？！」不會是Marla吧。


「佢係個笑起上嚟好陽光，好吸引嘅運動型女仔。」


「喔....」

 我鬆了一口氣， 

「咁你知唔知佢叫咩名？」


「唔知啊....一見到佢就唔敢講嘢.... 」


「我諗你知道多啲佢嘅底細會易入手啲...？」


「係喎！我會查下佢嘅資料架喇！唔該哂你！」


「唔使客氣....」想不到那個絕頂聰明的Hugo在戀愛問題上居然如此遲鈍....


「我試下搵一搵佢ig先....」

Hugo在所有有參與運動的朋友中都仔細搜查一遍， 

「今日場波好精彩！＃係開心既　＃下次再打　＃搏盡無悔　＃精神」 他在一張排球比賽的相片中找到她。


「Stephyyy_0728….」


想不到Hugo會喜歡這種類型，與文質杉杉的他完全相反...呃....奇怪，相中有個熟悉的臉孔，是Marla！！！她和那女孩是朋友？甚至是同校？


「相入面有個女仔...係我嘅對象。」我說。


「唔係掛，我唔會讓佢畀你架！」


「唔係呀，佢同你鍾意嗰個女仔係同校朋友。」我指著Marla的樣子。


「呢個女仔？咁琴日同你拖手個女仔係？」


我用最精簡的句子向Hugo解釋，他馬上就明白事件的來龍去脈。


「咁我地而加即係同一陣線....」Hugo說。


「冇錯，我試下幫你問Marla關於個女仔嘅事啦！」


「你同佢咁熟架咩？」


「緊係熟啦，佢就喺啱啱加你入去嘅whatsapp群到。」我自豪地說。


「都話你識追女仔架啦...」


這是我出生以來，第一樣比才子優越的事情。


今天放學要去 coffee shop 打工，也即是說我又有與Marla見面的機會。


叮鈴～ 


我打開店門，Marla和Masako已經開始工作，


「Peter你做咩成身紗布繃帶架？冇事吖嘛？」Marla緊張的問。


「係囉，係咪生得太醜樣畀人打？」Masako裝不知情，還借機揶揄我一番。


「係呀係呀，樣衰都唔係罪啫？」


「你傷成咁就係屋企休息下啦！」Marla替我擔心，真是個溫柔的女孩....


休息時間，我和Marla時坐在更衣室閒聊，


 「係呢，Marla你知唔知邊個係Stephy？」 我試著幫Hugo打探情報。


「Stephy？我有個同班朋友係呢個名。」


「你同佢好熟架？」


「都幾fd嘅。」


「係咁嘅，我有個同學佢好鍾意排球，就知個女仔係排球隊，想話同佢交流切磋下。」


「點解係佢？咁多人都識打排球。」


「呃..... 呃....呢層...」我一時之間編不下去。