【王道】《我每晚都會發畀阿哥追殺嘅惡夢》: 第十一章————繩之於法（Masako篇）

Hugo和Marla都被我打傷，倒在地上。


「唔明嗰係你呀....」Marla發出虛弱的聲線。


「唔通咁樣就係你想要嘅結果咩？！」Hugo嘶聲大喊。


「咁樣....嘅結果....」






我回過神來，看著眼前這景象，向後退了幾步，我的朋友，我傾慕的對象，通通帶著痛苦的表情，受傷倒地。


他們明明是我最要好的朋友，為甚麼都變成這樣.....遍體鱗傷...為甚麼要因我而受這種苦.....這樣我豈不是成為了我最厭惡的那種人了嗎？成為那種恃強凌弱，自說自話的壞人.....


「我知架，發生咗咁嘅事大家都唔好受，我地一齊面對啦！」Marla眼泛淚光。






「今日都已經察覺到你好唔妥，又搵唔到Gary，同Marla量完就決定入夢搵你。」

 Hugo看著遍體鱗傷的Gary，

「唔好一個人獨自承受哂.....錯咗就錯咗，我地一齊去彌補返件事！」


我無言以對....乏力地跪在了地上，纏著Gary的樹藤也漸漸消失。






「對唔住...冇諗你會咁嬲，我只係講下笑...」Gary向著我和Hugo罕有地認真道歉。


「其實我都冇咩點嬲...你唔使介意。」Hugo說。


「........」

 我不敢看著他們， 

「應該....係我講對唔住先啱.....對唔住....對唔住大家....」


「你起返身先啦。」Marla溫柔地扶我起來。






「.....你仲痛唔痛...？」我問。


「我地都只係夢入面痛啫，我知你嘅為人係點，你係現實心裡面自責嘅痛，絕對比我地來得更加痛。」 

Marla直直看著我的雙眼，伸出她的尾指， 

「今次真係要應承我，唔好再喺夢入面殺人。」


「好，我應承你...絕對唔會。」我們把尾指勾著。






翌日，

我提出在午飯時間一起商量要如何把牙俊繩之於法，地點又回到那間初次會面的炸雞店。


最先到達的是我，選了一張四人桌坐下，接著Marla和Hugo都陸續到達，最後Gary才到出現。


「我仲以為你會唔嚟....」我說。


說完氣氛明顯變得僵硬起來，Marla和Hugo都沒有作聲。


「你估我好似你咁小器咩！」





 Gary擺出得意洋洋的表情， 

「唔理呀，今餐係入你數架啦！」


「咪講呢啲住，入返個whatsapp群先啦！」


是這種熟悉的對話....總有種破鏡重圓的感覺。


在這張四人桌中，

有一位是無論發生任何爭執，都能很快原諒彼此的人；





 有一位是無論有甚麼誤會，都能瞬間明白理解因由的人；

 還有一位是無論有甚麼事，都是最溫柔，最善解人意的人。

如果沒有他們一路上的扶持，我很可能會成為一個無法饒恕的罪人，步入一條通往成魔的不歸路。


  接著我們開始進入正題，如何把牙俊繩之於法。


我把事情複述一遍給Gary和Hugo聽，


「點解你地成日都遇到呢啲事.....」Hugo問。


「我地要負責搵佢地出嚟，之後就交畀警察...」Marla說。


「但茫茫人海，我地點搵佢地呀....」Gary說。


「呀！不如試下貼街招！尋人啟事！」我興奮地提議。


「都好喎！我負責Design！」Marla搶先回答。


「記得寫重酬！會有Gary哥親筆簽名限定街招！」Gary也和應。


「你地班友仔，係咪傻架....認真啲啦！」 

Hugo試著尋找頭緒， 

「不如試下同佢連夢之後質問佢？」


「其實我之前就試過同佢連夢，仲殺埋佢...手法極度殘忍...」我說。


「咁點解你唔問佢嘅下落呀？」Marla問。


「我當時冇諗到...只係一心想出氣復仇。」


「淨係呢樣嘢已經足夠！今晚再嚟多次！」Hugo提起精神，似乎想到些甚麼。


入夜，我記住Hugo今天教我引出牙俊的方法，再次與牙俊連夢。


 ..................

............................


「嘩屌！！！又係你呀？」牙俊明顯被我嚇得神色大變。


「係，我每日都會繼續折磨你個人渣！」我握著拳頭對準他。


「唔....唔好呀！」 

他抱著頭跪在地上，

 「放過我啦大佬！我唔想再嚟多次！嗰日已經嚇到我瞓醒瀨咗尿...仲要唔知點解全身冇哂力....」


當然....你的力量被我奪去了，不過這也是你活該的。


「你覺得我會放過你咩？」我撿起地上的一塊大石頭。


「緊.....緊，緊係啦！你要我做咩我都肯！」


「咁你講你而家係咩位置。」


「係床到瞓緊囉！」


「你試下再亂答？」我開始拉弓，準備把石頭擲向他。


「我我我唔講得架！」


「你寧願每日畀我咁殘忍咁折磨死你，定係講個答案出嚟？」


「.......咁....」牙俊說出了他的藏身地點。


「做得好呀Peter！」Hugo跑出來和我擊掌。


「吓？吓？！點解有其他人....」牙俊非常驚訝。


「Gary同Marla已經畀特登較好時間嘅鬧鐘叫醒咗，通知完警察應該會趕過去藏身地點。」Hugo說。


「果然同你講嘅一模一樣，「你上次咁殘忍咁殺佢，大家都知個夢有幾咁真實，佢一定會有陰影，可以借呢個機會用嚟威脅佢講出真相！」。」我回想今天Hugo的話。


「你係個夢到係冇咁快醒到，慢慢等警察到啦！」我對牙俊說。


「話時話，點解你之前識控制樹藤？」Hugo問。


「其實我都唔係好知...只係記住增加想像力就可以增加能力呢句嘢....」 

我握一握拳， 

「但而家清醒返反而就用唔到呢種力量。」


「想像力.....呢點可能會對我地喺夢入面有好大幫助。」Hugo說。


晨曦初照， 

「早前涉嫌性侵的疑犯和多名協助犯案成員， 　

　在知情人士的情報下在今早被揖拿歸案， 　

　被遣返警署等候審訊。」 

這樣的性侵事件在香港也算是罕見，新聞媒體都有在關注報道。


「終於都解決咗件事，將呢個衰人繩之於法。」


至於Masako，她已經返回日本休養，希望她能從傷痛走出來吧，以後有機會一定要親口向她道歉.....


「另一則報道， 　

　本港著名血液科醫生崔翼望研發出可以醫治大部份血液疾病的藥物， 　

　其中包括貧血，血友病等系統疾病......」


血友病......我的病有機會治癒？


回想起前一天，


我們還在炸雞店商討辦法，


「不如我地諗埋點安慰Masako….？」我始終無法安心。


「都好....佢應該好唔開心...」Marla說。


「一定會難過嘅，發生咗啲咁嘅事....」Hugo也表示同意。


我拿出電話，打開Masako的聯絡人畫面，

「你...你地有冇人夠膽打過去？」

我不敢按下通話的鍵。所有人都沒有撥電話給Masoko的膽量，場面像是被涷結了一樣。


「點呀？食飯時間就嚟.....」 

在我說到一半時，電話突然響起，

 「係....係，係，係Masako打過嚟！」


「又會咁橋？快啲聽啦。」他們都建議我快點接聽。


「喂....？」我接聽了電話，並打開擴音功能，用小心翼翼的語氣說話。


「喂.....唉，我嘅第一次竟然會係咁樣冇咗.....」Masako語氣陰沉...明顯是心情低落的狀態.....


「............」一來就是如此沉重的話題，我完全對不上嘴，腦袋有如被堵住了。


「你都唔識哄人嘅，交畀我啦。」Gary把電話拿上手。


也對，Gary好歹算是搞笑的人，可以把這重任交給他吧？


「喂？Masako小姐？聽講你係日本混血兒，我都好鍾意日本文化，成日睇動漫同日本片架，得閒可以一齊交流下！」


「你....係Peter嘅朋友？其實我都唔係成日睇動漫....」Masako回答。


「咁睇戲呢？你平時鍾唔鍾意睇戲架？有冇邊個導演你好欣賞？」


「呃...戲呀....我鍾意睇高達嘅戲。」


「高達？！我都好鍾意高達架！SEE啲啦UC啦，00我都有追架！」


「你講緊咩.....我係話法國導演尚盧・高達嘅戲喎。」


「........」Gary陷入尷尬之中。


我和Hugo對上一眼，發現大家都在抿嘴忍笑。


Gary這厹原來是想乘人之危。


「其實唔係處女都唔係咁重要啫，而家好多女仔都唔係架啦，一定仲會有人鍾意你架！就好似我咁，我完全唔介意，睇得好開。」Gary豁出去直接說重點。


「um…..多謝你先，我相信我男朋友都會好似你咁諗，一樣咁愛我。」


「男，男朋友？！被其他人搞到冇咗第一次都唔介意？！」Gary似乎被男朋友這一詞嚇倒。


「做咩講到我好似畀人強姦咗咁喎？」


「吓，乜你唔係...？！咁你又話冇咗第一次？我好亂呀！」


「算啦，你都係畀返Peter聽電話啦....」


「喂？Masako你冇事嘛...？」我接回電話。


「我都想冇事，嗰陣畀班衰人捉住我，我想反抗就打我，摑到我塊面好痛！」

 Masako繼續講回當晚的情況， 

「我係咁拖時間，嘗試逃走，但都冇用，佢地太多人，夾硬除我啲衫，趁我掙扎時候摸嚟摸去，最後佢仲想除褲.....我就一嘢咬咗落去！」


「咩話？！你咬咗落去邊到？！」我有點隱隱作痛。


「佢隻手囉，之後就有警車聲出現，牙俊班人驚到走夾唔抖。」


「即係你.....只係畀人打？」


「咩只係畀人打呀？你試下畀人除衫抽水吖？」

 Masako沉靜下來， 

「不過好彩有你同Marla最緊急關頭救返我....」


「但係你頭先講咩冇咗第一次....？」


「我玩手機game咁耐，啱啱第一次課金抽嘢就抽埋啲垃圾，咁就冇咗！」Masako灰沉地說。 


我心裡仍有些擔心Masako只是在逞強， 


「你真係冇事？只係畀人非禮？冇....畀人強姦到？」


「係呀頂你！咁想我畀人強姦咩？我由頭到尾都冇講過自己畀人強姦！唔信你就睇返cctv啦！」Masako有點生氣。


「咁就太好喇.....」我鬆了一口氣，看來我當時成功了。


「但我呢個電話嘅重點都唔係呢啲，我想同你仲有Marla講....」

 Masako深呼吸了一下，

 「我要返日本喇！希望換個環境休息下先......應該有段時間都唔會返香港，我唔打畀Marla係驚個傻妹會喊哂口話唔捨得我，我可能又會心軟。你之後再幫我同佢解釋返啦！」


我看一看Marla，果真她的淚珠已經在眼眶打轉，不過她忍著沒有作聲，可能是出於對Masako的關心吧，真是個善良又可愛的孩子....


「嗯，我明白喇，有時間一齊玩下手機game？以後一定有機會再見...」我說。


「好，冇問題。」

把電話掛上後，

 「雖然牙俊條友冇強姦到Masako，但闖入人地舖頭非禮同打人都係罪無可恕。」我說。


「今晚就係捉住佢嘅好機會。」Hugo說。


那時候，我們更加齊心，


要把牙俊繩之於法。