【王道】《我每晚都會發畀阿哥追殺嘅惡夢》: 第十二章————臨床實驗（極樂篇）

思緒回到現在，我被飯桌上放著的一封信吸引住，那封信的信面印了一個單蛇杖的圖案，慢著，寄件人的性名.....是剛剛電視報道的那位醫生。


「 根據閣下的醫療記錄，

　符合進行最新血友病的治療法的條件，  

　基於藥物尚未100%完成階段，

　須要自願的病者進行臨床測試，  

　費用全免。  

　如有與趣參與測試，請到以下地址......」


我印象中血友病應該還未有根治的方法....這醫生是何方神聖？他引起了我的好奇心，打開電話便是對他的明察暗訪。


崔翼望 ，血液及血液腫瘤科醫生。






最主要也是想查探關於治療血友病的資料， 

「藥物臨床測試.....」

雖然不確定有甚麼風險存在，但可以解決這個麻煩的病而不用付上費用，的確吸引。


於是我決定缺課一天，到他的醫務所打探究竟。






醫務所是位於商業大廈的高樓層，升降機打開後，醫務所的裝橫簡單自然，看上來與一般的診所並無分別。


我推開門，


「先生你好，請問有冇預約？」一名櫃檯職員問我。


「我係收到呢封信....所以過嚟查詢下...」我把信交給職員，職員打了一通電話後便讓我進另一間房等候醫生。


房間井井有條，空間不大，只有一張純白圓桌，和兩張同樣純白的椅。






整齊潔白並不是壞事，這間房可白得令人有些許心寒，記得曾經在網絡上看過名為白色虐待的刑罰，在這裡就有點那令人窒息的感覺。


咚咚—


「你好，等咗好耐？」 


進門的是一位容貌年輕，身材高䠷，散發著陽光、自信氣息的人，要找東西去形容的話，那應該就是韓劇裡的男主角吧。


「你好，都係到咗冇耐啫。」我對他禮貌的微笑。






「咁就好，等我坐低慢慢講。」

 他申出了左手，擺出握手的姿勢，

 「我叫崔翼望，係呢到嘅主診醫生。」


「我叫Peter，係收到你封信所以過嚟。」


崔翼望，他的名字和他本人的形象非常貼切，而且握手力道強而有力，似乎是見慣世面，毫不怯場。






「即係你願意接受呢個臨床測試？」崔醫生單刀直入。


「我仲考慮緊....想問一問醫生意見。」我始終擔心會有風險。


「哈，你既然願意過嚟，就代表你個心已經接受我地開嘅條件，你唔須要擔心，測試過程風險係接近零。」 

崔醫生把一份文件放上桌上，

 「呢份係參與人同意書，只要你簽咗就可以即刻開始，絕唔浪費時間。」


果然是個老練的醫生，一眼就看穿我在憂心的事，他的氣場更是令我產生壓迫感。






不過醫生也是個專業的職業，可以放心信任吧？


「同意書內容大慨係同意接受療程，同埋如果過程發現有咩唔妥就會安排參與人留醫一晚，咁係為咗保障你地嘅健康同安全。」他拿起同意書和我講解一番。


「好.....」我把同意書的內容瞥了一眼，就把名字簽了下去。


「合作愉快，Peter。」崔醫生再次和我握手。


首先，崔醫生正常地對我進行抽血，查問等等的簡單身體檢查程序。


「需要測試嘅藥物就係呢啲，食完可能會出現副作用，不過唔會構成生命危險。」 他就從別處拿了不同的藥物進入房間。 


「跟住落嚟嘅日子只要定時食藥同返嚟檢查身體變化就可以。」


「將呢啲藥食哂佢就得？」我看著放滿一桌五顏六色的藥物。


「冇錯。」


「好....」儘管一試吧。


「咁你留係到觀察4個鐘，如果無大礙就可以離開。」


我坐在那房間中，等候時間過去。


軍師傳來一則新訊息，

對，

我把Hugo的名字設定了做軍師，人如其名。


「今晚試唔試下測試關於想像力嘅能力？ 下午4：53」


「ok，今晚叫埋其他人連夢見 下午4：54 」


Hugo回應了ok手勢的表情符號。


測試想像力，正好我也想知道更多此能力的事，還有Hugo這軍師一起，結果肯定事半功倍。


時間一分一秒流逝，我感到腦袋開始模糊不清，雙眼漸濛，只是維持坐姿也很吃力，意識變得越來越薄弱。


我馬上敲門找醫生幫助，

 「崔醫生，我好似有啲唔對路...」


「睇嚟副作用開始出現，你今日就留醫一晚繼續觀察啦。」他帶了我去一間有病床的房間，把我攙扶到床上躺好。


我隨著副作用的影響下逐漸入睡......


………….
…………………….. 


我猛然把眼掙開， 

「呼......入夢即刻變到唔暈真係有小小唔慣。」


我百無聊賴地打發著時間，這次的夢境是個大型遊樂場，也算是宏偉得我可以慢慢觀賞一番。


我大字形躺在地上， 

「咁早就瞓咗，等佢地入嚟都有排等.....」


一隻小手輕輕拍打我的額頭，還帶著熟悉橘子香味，

「原來你真係咁早就瞓咗～」Marla說。


「咁早入嚟就係到蛇王！」Gary也出現了。


「點解你地咁早入嚟嘅？」我有點驚喜。


「本身諗住問你幾點連夢，但你whatsapp又唔覆，電話又唔聽，就估你係咪瞓咗先囉。」Hugo把他的推斷說出來。


「好彩你夠醒...唔係我就快喺到就悶死.....」我說。


「咁我地開始關於想像力嘅測試啦。」Hugo說。


我回想那時如何使出幻想力力量，把眼睛合上，專注地幻想出樹藤在地面上伸出。


「點解完全冇反應....」我打開眼發現一切沒有變化。


「等我都試下。」Gary也開始嘗試。


他擺出一個紮馬的動作，再把手掩住右邊眼睛，

 「係我體內沉睡緊嘅神秘力量，我而家以Gary大人嘅名義將你喚醒！」

 他緩緩吸入一口氣，

 「喝——！！」

完全沒有任何變化。


「你鬼殺咁嘈有咩用.....」我們異口同聲的說。


「咁你地有咩提議先.....」Gary問。


「一係我地試下自己比較擅長嘅嘢？」Hugo提議。


自己擅長的東西.......應該就是投擲吧，試試想像自己能不能擲出火球！


我拿起地上一顆小石， 

「喝——！！」

 小石被擲出，再輕輕跌在地上，沒有變化。


「做咩學埋哂Gary d嘢....」


「到我試下啦。」Hugo說。


他撿起那顆小石，把它放在手心，一言不發觀看著小石，然後Hugo突然用力把小石丟回地上。


「Hugo做咩發脾氣呀？唔似佢喎。」我們都有點震驚。


小石.....小石竟然充滿彈力地回彈起來，


「嘩，Hugo你點做到架 ?成粒彈彈波咁嘅。」我被那顆小石嚇愣了。


「我只係想像住粒石嘅結構改變，就試下將佢扔落地。」 

Hugo邊玩小石邊回答， 

「我對科學方面嘅比較有興趣同認識，唔知係咪因為咁所以成功。」


「睇嚟真係要自己擅長同有興趣先做到.....」Gary說。


「但係我地都唔知咩先可以觸發到條件。」Marla皺著眉說。


「呢層唔緊要，我地仲可以慢慢試驗。」Hugo回答。


「好啦.....」


一段時間過去，我們繼續不斷嘗試方法，但都沒有任何變化，反而Hugo就開始掌握到幻想力的運用，果然才子去到哪裡都是才子......


「話時話，Peter你今日做咩唔返學？」Gary問。


「係喎，冇同你地講我今日去咗睇醫生。」


「吓，Peter你病咗咩？冇事吖嘛？」Marla有點驚訝。


「唔係病呀，我去做治療血友病嘅臨床實驗，不過有藥物產生副作用，而家係醫務所留醫緊。」我解釋。


「原來你有血友病？冇聽你講過。」Hugo也顯得有點意外。


「血友病？係咩病嚟架？」Gary和Marla似乎沒聽過這病。


「簡單啲講應該就係一流血就好難止血嘅病，因為平時只要唔流血都唔影響生活，所以我都好少提起....」我試著向他們講解。


「但係臨床實驗聽落好危險咁....會唔會有咩事？」Marla一如以往的替人擔心。


「我諗冇事，個醫生都話好安全，而且我都同阿爸阿媽交代咗件事。」 

我對他們說，

 「如果我有咩事，我信你地都會嚟幫我嘅！」


「咁都係，我地是但一個出咗事，我都信你都會盡全力救我地嘅。」Marla對我露出一個笑容。


「係架，值得保護嘅人都會出盡全力，係咪呀Hugo？」 

我對Hugo打了一個謎之眼色，

 「你同Stephy有冇咩進展先。」


「咩話！！Hugo同Stephy…..估唔到，原來你上次問我係有原因嘅！」Marla大吃一驚。


「係咪上次ig嗰個排球女仔？？」Gary跟著追問。


「咳咳，Peter你個死仔....」Hugo面紅耳赤，想不到才子也有這含羞答答的一面。


「但講開呢件事，我又發現到一樣奇怪嘢。」 

Hugo臉色馬上變得凝重，

 「我曾經嘗試過同Stephy連夢，但每次都係失敗收場，冇一晚成功連過夢。」


「唔係應該諗住對方就連到架咩？」我問。


「奇怪嘅地方就係呢到，我同其他人單獨連唔到夢。」

Hugo看著Gary和Marla， 

「甚至係佢地我都測試過係單獨連唔到，但只要諗埋你，就會成功一齊相連。」


「咁奇怪....？」我對此現象摸不著頭腦。


「所以我又作一個大膽嘅推測，Peter你，應該就有可能係令呢個夢發生嘅關鍵人物。」Hugo指著我。


「關鍵人物....？我.....？」


到底是？