【王道】《我每晚都會發畀阿哥追殺嘅惡夢》: 第十五章————拯救—１（極樂篇）

夢境方面———


「仲要等幾耐.... 」Peter無聊地坐著。


「你唔使等啦，可以同我地一齊返去。」


跟Peter說話的是一名皮膚黝黑，高大的男性，他的氣勢就如同他那結實、凹凸有致的肌肉一樣，磅礡逼人，就憑他那兇悍的外表，絕對能把小孩嚇哭。






「阿蓮，你咁惡會唔會嚇死個細路架？」另一個全身穿著不同潮牌衣物的年輕男性站在肌肉男的背後說話。


「阿淵你專心搞好建築構成嘅事就得，唔使跟埋嚟。」崔翼望也一同出現。


「崔翼望....！點解你會搵到我。」Peter震驚地說。






「仲記唔記得你個單杖蛇記號？呢個係我想像力嘅能力，可以隨時都搵到你喺邊。」崔翼望指著Peter的手臂。


「翼望哥真係幾時都咁叻，可唔可以都畀個記號皮皮呀？等你隨時都搵到皮皮<3」皮皮強行挽著崔翼望的手，用嬌嗲的聲線說。


「你地係咩人.....利用呢個夢嚟創造世界究竟有咩好處 ?」Peter問。






「夢？皮皮話呢到係現實。」皮皮直直看著Peter的雙眼。


「點解....你地可以毫不猶疑咁講出呢句嘢.....」Peter開始思考一直以來這個如此真實的夢，真的是夢嗎？


「起行啦。」


阿蓮用他強壯的臂彎捉住Peter，與其餘三人，並肩走回「極樂」遊樂場。


入夜，Hugo三人如同計劃般一起連夢。






「Peter佢....去咗邊？」Marla在與Peter分別的地方不知所措。


「冇理由，連夢唔係會喺佢附近出現架咩？」Gary問。


「有可能因為某啲嘢阻礙我地嘅連接。」

Hugo指向遠處的巨型遊樂場，

「Peter有機會入返去嗰到。」


「唧係我地要闖入去....？」Marla問。






「冇錯，我已經諗到入去嘅辦法。」Hugo說。


他們三人步近樂園的外牆位置，


「嘩，道牆咁高我地點入去呀？你估我地係蜘蛛俠咩。」Gary苦惱地說。


「你唔記得我地有想像力呢個武器喇咩？上面入唔到，咁咪中間入囉。」


語未，Hugo把手放在外牆，靜待了一會，再把看似堅固無比的混凝土輕鬆挖穿。






「嘩，你咁快就咁純熟運用到想像力。」Marla對著牆上的洞目定口呆。


「道牆變到咁脆弱，好似威化餅咁...」

Gary一馬當先，興奮地衝向牆的洞，

「等我做先鋒睇下咩境環先！」


「喂，唔好咁大力呀！」Hugo想喝住他。


殊不知那道牆受不住Gary衝擊的力勁，裂縫越漸擴張，開始瓦解。






「今次仆街喇。」三人一同愣怔在原地。


轟隆———！


他們眼前的大片圍牆崩盤倒塌，本應是驚惶失措的三人，眼前的光景卻令他們注意力馬上轉移。


圍牆內的高處有一場館，在地面通住場館的長樓梯上站著崔翼望和他的黨羽，但實際吸引三人的是被抓住了的Peter。


雙方在此刻對上了眼，Hugo三人死盯著Peter不放，欲動又止，有上前的衝動，崔翼望等人則用居高臨下，藐視弱者的眼神回敬，兩邊就這樣死死的對峙著。


「你地負責解決呢幾個麻煩細路，我仲有嘢同佢傾。」崔翼望帶著被綑綁的Peter繼續前行。


「你仲想帶Peter去邊到！」三人按捺不住，準備一擁而上。


「唉，你地一人揀一個帶走啦，我唔想用想像力嘅時候牽涉埋你地。」皮皮說。


「我揀個女仔。」阿蓮說。


「你個大隻佬都識揀架啵，揀個嫩口嘅嚟玩！」

阿淵思考數秒，馬上決定，

「咁我揀著到成個磨碌咁嘅四眼仔啦，要好好咁調教下佢啲時尚觸覺。」


「你兩條友....留返個咁醜樣嘅畀我，不過唔緊要，我個心已經係屬於翼望哥，就算畀個靚仔我都冇用！」皮皮又開始沉醉。


話音未落，阿蓮三人便開始行動，


咻——


「唔好尖叫，耳仔會痛。」阿蓮跑到Marla面前，用純熟的手法把她捉住，一把放上他雄厚的肩上。


「Marla！！」Hugo想上前制止。


咔啪—！


一個鐵制陷阱發動，把Hugo的腳給上鎖了，而鎖頭連接著一條長鐵鏈，鏈的另一頭是輛在半空高架橋中行駛中的樂園火車，


噠噠噠噠，


剎那，鐵鏈開始被回收，Hugo擋不住力道，整個人隨鏈被拋至空中，一直與火車的車卡收窄距離，直到撞上，並滾進車廂內。


「磨碌，你嘅對手係我。」阿淵安然地坐在車廂的座位上，玩著他的掌上遊戲機。


「你.....！」Hugo擺出應對戰鬥的姿態。


「死火啦，佢兩個都畀人捉走哂。」Gary臉色慘白。


「乜你好驚咩？」皮皮出現在他的背後。


「嘩，你想點呀，雖然喺夢世界，但我都係對大過我嘅女人冇興趣架！」Gary馬上退後幾步。


「發生咗咁多事，你仲覺得呢到係夢咩？皮皮話呢到係現實。」

皮皮直看他的雙眼，

「你一直所認知嘅現實先至係夢境。」


「現實.....？」Gary心中產生動搖，質疑他一直所認知的感覺。


地點到來一個倘大的黑暗空間，


崔翼望和Peter相鄰而坐，漆黑的環境中滲透著絲絲光線，未至於伸手不見五指，Peter沒有像以往般極力反抗，倒是安分守紀的坐好，心中則迷惘著發生一切的真實性。


「等我地一齊欣賞下精彩嘅表演。」崔翼望話音一落，所有的燈光用力打在這個本來黑漆的空間。


透過光線，終於能清楚看見所在場地，是一個倘大的劇院，數以千計的座位，蔽日穿雲的天花和接近廣闊無邊的舞台。


咻咻咻咻———舞台的簾布緩緩拉開，一眾演員早已在精心佈置的場景下準備就緒。


「佢地....係到做咩？」Peter終於開口發出疑問。


「話畀我地知現實生活有幾咁美好。」崔翼望看著舞台，露出滿意笑容。


舞台的場景是安排在一個房屋面前，演員在發揮他們精湛的演技，

「噢！唔記得由邊日開始，我係被困住係一個醒唔到嘅惡夢！」

劇情大慨就是圍繞著他們如何從一個自己變成植物人的惡夢，被崔翼望拯救回到現實，每一個人的演出都感覺是由心而發，絕無半點虛假。


「如果真係發呢種惡夢....都幾痛苦....」Peter眉頭深鎖，看著演員們。


「你唔係一直都發緊呢啲惡夢咩？唔同嘅挫敗，痛苦難捱嘅生活，對未來更加係一片迷惘，完全睇唔到人生有咩出路。」

崔翼望對Peter勸誘 ，

「而家你咪可以解脫，同咁多人一齊生活喺呢個美好世界到囉！」


「我.....」


Peter想起以往的點滴，孤苦伶仃的日子，來自學業、家庭的壓力，甚至是哥哥的離世，一切一切都是看不到一點光芒。


「你知唔知你手臂上單杖蛇標誌有咩意思？有冇聽過醫療之神亞希彼斯？」崔翼望繼續解釋，「蛇嘅脫皮一直以嚟都被認為係恢復同更新嘅過程，而木棒代表著人體嘅脊椎骨，佢每次醫人就係攞住呢支有靈蛇纏繞嘅木棒，我都一樣，會將需要拯救嘅人都加上單杖蛇標誌。」


「所以你就係大家嘅亞希彼斯....？將所有人都拯救....？」Peter開始接受崔翼望的說話。


「係....我就係世界嘅醫生，世界嘅救世主！」崔翼望難以抑制內心的亢奮，仰天大笑，因為他知道，皮皮的能力已經發動完成。回到Gary和皮皮對峙的地方—－－


「你唔信？」皮皮帶著輕挑語氣問Gary。


「有咩證明到呢到係現實....」Gary問。


「咁又有咩證明到呢到係夢境？」皮皮反問。


「哈，咁就簡單啦！」

啪！Gary給了自己一記耳光，

「好痛....」


「..........你係到做乜？」皮皮似乎一直都是接觸正常人為多，許久沒碰上過傻子，被他的行為嚇愣了。


「唉屌我都唔知，是但啦，我淨係想救返Peter咋！」Gary說。


「唔同你玩咁耐，速戰速決啦。」

皮皮接著提高說話音量，

「大家過一過嚟呢邊！」


說罷，本來在不遠處的居民都開始聚集過來。


「原來呢到咁多人架咩？」Gary對人群出現而驚訝。


「皮皮話佢就係敵人。」皮皮指住Gary。


人群聽到這句後就像中邪般對Gary產生敵意，逐步衝向Gary，眼神充滿憤怒，猶如喪屍向他展開攻擊。


「你地想做咩呀！」人群追著Gary拳打腳踢，Gary一邊抵抗一邊逃跑。


「我想快啲解決佢，去見翼望哥....但呢條友成隻老鼠咁四圍逃走，睇到人都炆。」

皮皮感到不耐煩，對著Gary說，

「皮皮話你前面有牆。」


碰！


Gary在跑時前面突然出現一道高牆，令整個人向後摔倒，


「點解無啦啦會有道牆.....」


人群看準機會，撲上去繼續瘋狂攻擊。 


Gary掩護著身體，在密集的人群之中找縫隙逃脫，


「嗄，嗄.....你地仲要追到我幾時，我好人嚟架！」他跑得氣喘吁吁。


「皮皮話你踩住膠水。」皮皮再對Gary說。


「膠水？」

Gary腳下忽然出現一沱強力膠水，黏著他無法逃跑，

「點解會咁！」


眼見人群即將衝到面前，情急之下Gary把鞋脫掉，急速逃跑。


「你真係好麻煩！！！！！」

皮皮氣急敗壞，生氣踏地，

「皮皮話你左右不分！」

「好奇怪，好奇怪，好奇怪！究竟係咩事？！」 Gary的方向感覺變得錯亂，不分左右地開始亂跑。


「皮皮話你踩到地雷。」皮皮繼續對Gary說。


轟————！


一道強光從地上洩出，Gary腳下發生強烈爆炸！


另一方面，


隆隆隆隆—架在高空的樂園火車車廂中，兩人瀰漫著僵持氣氛。


霎時間，列車剎停。


「我地到啦。」

阿淵拿起藏在座位下的降落傘包，

「有冇玩過PUBG？反正我都想測試下呢到建構，就同你玩下啦。」


「你想做啲咩？」Hugo依然不敢鬆懈。


阿淵走到車門邊緣，背好降落傘包，

「順便一提，你打唔羸我嘅話，就冇可能離開呢到去救你朋友。」

語未，他便跳下火車。