【王道】《我每晚都會發畀阿哥追殺嘅惡夢》: 第二十章————金色向日葵（極樂篇）

Peter一聲慘叫，抱著頭在地上一癲一癇，痛苦地抽搐，頭痛欲裂，像是被人用顆大石頭瘋狂猛烈敲打。


「好痛呢？你現實個腦仲有一陣就完成分解，你可以永遠都留係呢到。」

崔翼望輕藐著在地上抽搐的Peter，

「都唔知點解，偏偏你呢條契弟就係夢世界嘅伺服器。」






碰！


牆身猛然破了一個大洞，一道光線穿透了原本黑暗的劇院中庭。


崔翼望用手摭擋刺眼的光芒，隱約看見幾個人影，其中一人身形龐大，心中猜想他是阿蓮。


「搞咁耐架！而家先搞掂啲細路，我講過除咗Peter，其他都可以隨便殺！」崔翼望一來就破口大罵。






「乜你以為我地已經畀人搞掂哂啦咩？」Hugo站在了Peter前面。


「竟然係你！？」

崔翼望突然瞄到了阿蓮，便問，

「阿淵同皮皮呢？佢地死哂去邊！點解你會同班細路一齊？」






「佢地已經全軍覆沒，我決定要幫呢幾個細路。」阿蓮回答。


「你個反骨仔！你唔記得係邊個幫你！邊個話畀你知有呢個夢？！」崔翼望氣急敗壞地斥訓阿蓮。


「我知係你，但去到呢一刻，你覺得自己仲係做得啱咩？」阿蓮用一個同情的眼神看著他。


「你老味！」崔翼望想衝上前對他下記號。


「停手！」Hugo把椅子改成可以拆下來的構造，擋住了他。






「走開，你地呢班二打六，我要收哂你地皮！」崔翼望充滿憤怒。


在計一再而三地被打亂，他已經失去平日的冷靜處事態度，失了控地追著他們。


Hugo、阿蓮、Marla，三人成功引崔翼望走出劇院。


「咁呢到就交畀你，我去準備我嘅能力。」阿蓮語畢就跑向另一頭無人的地方。


「又想走，你個仆街二五仔！」崔翼望想追上他。






「你對手而家係我！」Hugo把燈柱扔向了他。


就在剛剛三人趕路過來的時候，阿蓮就已經將自己和崔翼望的能力告知了Hugo。


阿蓮所擁有清醒之花的能力則需要時間發動，並不能受任何外界干擾，所以現在就交由Hugo和Marla兩人對付崔翼爭取時間。


「我記得個二五仔嘅能力係毀滅之花，食咗朵花就會戰鬥力大增，不過只要畀我掂到一下，落到記號，佢都係冇用！」


「咁係你以為啫，我地仲有大把時間同你慢慢玩。」Hugo當然心知毀滅之花是阿蓮欺騙崔翼望的能力。






「大把時間？哈，你地嘅好朋友Peter仲有唔夠１個鐘個腦就會永遠同身體分開！」


「你個衰人！」Marla讀取了他在入夢前安排人手去代替自己完成手術的畫面。


「Marla，唔好激動，幫我睇住Peter先！」Hugo擺出戰鬥姿勢。


「好！」Marla知道Hugo的意思，馬上奔去Peter的位置。


「你應該係佢地之中最聰明，只要打低你，其他人都唔會係我手腳。」語未，崔翼望快速跑近Hugo。






「邊有咁易打得低我.... 」Hugo把腳下的地改變成充滿彈性的結構，在跑動時利用彈跳力加快速度。


「你呢隻馬嬲，淨係識得走！」崔翼望只憑雙腿完全跟不上他。


「捉到我咪話你叻囉。」Hugo知道現在這樣爭取時間已經是唯一的辦法。


一路追逐，他們兩人來到了樂園的範圍。


「我聽阿淵講，話你想將現實世界所有植物人變成居民，我聽完真係得淡笑，你覺得佢地嘅親屬同政府會同意你咁做咩？同埋佢地點會信你呀傻仔！」Hugo邊跑邊說。


「我有我嘅人脈幫手，你唔需要理！」


「你所講嘅人脈就係靠嗰個叫皮皮嘅女記者？」


「你點解會知....」


「阿蓮變咗我地嘅同伴，你覺得佢會咩都唔講畀我地知咩？」

Hugo繼續挑釁崔翼望，

「連你上新聞單嘢都係靠佢幫你吹出嚟，唔係皮皮呢啲屋企有權力人士嘅人幫你，你根本咩都唔係！」


「你收聲！我係實至名歸，好多醫學界舉足輕重嘅大人物都認同我嘅醫學實驗！」


「醫學實驗？唔會係嗰啲所謂嘅分解技術同特製培養液？」


「冇錯。」


「你真係吹得就吹，呢個世界根本就未有呢種技術！你只係一個冇實力，一味靠吹嘅痴線醫生！」


崔翼望察覺到Hugo是在用激將法誘導他把真相說出，便馬上沉默住口。


「講中咗？咁又係，你只不過係區區一個醫生仔，偶爾發現到呢個夢就以為自己大哂，可以做皇帝，而家畀幾個細路仔搞衰咗，緊係惱羞成怒啦。」


「如果唔係為咗永遠得到伺服器，我先唔會咁麻煩捉走個細路。」


「伺服器....？」


「反正都係，唔怕話畀你知，你個好朋友Peter個腦就係構成整個夢世界嘅伺服器！」


「原來件事真係咁，唔怪得你係都要捉走佢...」


「仲有，分解技術係真，我冇必要呃你。」崔翼望漸漸走近Hugo。


Hugo臉色沉了下來，希望阿蓮可以快點把能力發動完成。


「點呀？知道真相之後反而驚呀？」


崔翼望本來就已經籍著解釋慢慢接近Hugo，到了適當距離就以迅雷不及掩耳的速度碰到了他。


「弊！」被碰到的Hugo馬上拉開距離，但已經為時已晚。


「你知唔知我憤怒值越高，幸運值都會越高？」

崔翼望把左手拉下，拉出了７、７、７。

「呢個係最高嘅懲罰，只要拉到就會立即死亡，你玩完啦！」


「我一定會救到Peter...」話音未落，Hugo的身影已消失在夢中。


在劇院中庭，Peter正受頭痛之苦折磨。


「Peter....我地盡緊力去救你喇...你要撐住呀！」Marla讀取到Peter的腦中只有痛楚。


Marla不知如何是好，便把他的頭安放在自己跪下的腿上，造了一個膝枕，用手溫柔輕掃Peter的頭，安撫被崔翼望能力弄得死去活來的他。


「Marla….？」Peter嗅到了熟悉的橘子香味，原本痛得要炸開的頭稍微緩和了一點點。


「係呀，你仲係好痛......我嘅能力可能感受到你有幾痛。」

Marla把頭貼上Peter的頭，

「而且，仲感受到你係呢到嘅孤獨感。」


「.....你嚟咗....實在太好....」Peter勉強說出。


「我知你慣咗自已面對所有嘢，但我地嚟咗，你唔使再自己一個...」


Peter在劇痛中，露出一個淺淺微笑。


「終於都發動完成。」阿蓮連跑帶跳的趕回劇院。


「行得咁急去邊呀？」一隻手搭在了阿蓮的肩膀上。


「崔翼望！？」阿蓮瞬間後退幾步。


「你手上面嘅係....」

崔翼望瞧到他手上拿著些甚麼，

「呢朵就係毀滅之花？」


阿蓮手上的花散發著金黃色的光芒，是一朵正在盛放的向日葵。


「.....係咁又點...」阿蓮看到崔翼望在這裡出現，心中已知Hugo敗給了他，接下來每一步都要小心，不然就會全軍覆沒。


「交畀我，我頭先已經落咗記號係你到。」

崔翼望把左手舉高，

「見在你幫過我手，而家畀多次機會你，一係交畀我，一係受痛苦。」


「..........」阿蓮見狀，直接無視了他，二話不說高速跑走。


「係你自己揀架！」崔翼望把手拉下。


登、登、登。阿蓮頭上出現３個方格，腹、紅心、５。


「哈！紅心，睇下仲跑唔跑得郁！」崔翼望發狂大笑。


「.....！」阿蓮感到腹部猶如被刀剖開，他的把大腸小腸全給拉扯出來一樣，疼痛不已。「喝！！！！」


「你...！點會咁架，我嘅能力應該冇可能出錯！」


崔翼望看著阿蓮中了自己的能力之後，大喝一聲後竟然可以繼續跑動，感到非常託異。其實崔翼望的能力並沒有失效，只是阿蓮強忍著這陣劇烈痛楚，死命往Peter的方向跑去。


「唔可以係呢到敗陣，已經跑嚟到呢到就更唔應該倒下！」阿蓮距離劇院只剩下不遠的路程。


崔翼望緊緊跟上他的腳步，兩人都越來越接近，眼見劇院的入口就在面前。


「可以....救翻佢！」只差半步，崔翼望的能力也漸漸解除，阿蓮心中燃點起希望之火。


「我唔會畀你咁做！」崔翼望再發動能力，這次抽中的是，小腿、葵扇、５。


能力發動後阿蓮隨即倒下，抱住小腿痛得不能動彈。


「Marla！！！！！！」他用盡全身氣力呼喊Marla出來拿花。


「呢把聲！阿蓮！」Marla聽到後馬上來的門外。


Marla看見他們二人，還有掉在地上的清醒之花，她和崔翼望對視了一眼，兩人立即動身搶奪花朵。


「你咪使旨意！」阿蓮用還能動的上身擒抱住了崔翼望。


「放開我！！！！放手呀！！」崔翼望瘋狂掙扎，但始於掙脫不了阿蓮這壯漢的擒抱。


「你知唔知你當初邀請我已經係一個錯誤嘅決定，我嘅能力唔係毀滅之花，而係可以解除一切能力嘅清醒之花。」

阿蓮抱住他繼續說，

「我原本就已經決定咗事成之後就用能力趕走哂你地３個。」


「我話知你呀，放開我呀！！！」崔翼望氣得雙眼紅筋暴現，拼命扭動身體，已經失去理智。


Marla取到了清醒之花，及時跑到Peter的身旁。


「Peter你食咗佢啦，一切都可以完結啦。」Marla把花遞給了他。


「好。」Peter的痛楚已經解除，把花嚥下。