【王道】《我每晚都會發畀阿哥追殺嘅惡夢》: 第四十二章————完敗（混戰篇）
另一邊廂，Peter朝著在空中的Hugo腿部發出子彈。
就在砰一聲，子彈極速穿過空氣後，Hugo卻完好無事地回到地面。
Peter和Marla都感到震驚，想不到Hugo在如此倉卒的時間內，居然把子彈結構改變。
「子彈都傷唔到佢...點搞呀....」Peter呆了站在原地。
「唔緊要，仲有我把激光劍！」Gary再追擊Hugo。
但在揮劍的剎那，Gary握著，用來伸出激光的短柄化作了一團綿花，激光頓時消失不見。
Hugo沒有絲毫鬆懈，一腳端在Gary的腹上，把他擊開，極速衝向Marla和Peter的方向。
再利用彈跳的衝擊力，把Marla狠狠撞開。
「多謝你畀我知道原來我嘅能力仲可以突破極限。」Hugo對Peter說：「或者喺夢入面根本就冇極限，只係我地想像力有限。」
語未，Hugo用地下的彈力給了Peter一記飛膝撞。
「雖然阿輝畀咗藍火蟻毒素我用嚟對付你地，但我唔會用，唔係靠自己贏就冇意思。」Hugo說。
「Hugo，阿輝已經冇監視你啦！做咩仲唔停手？」Marla傳遞聲音到Hugo和其餘二人的腦中。
回頭一看，小秋、楓、阿輝三人正在僵持不下，並沒有注意這邊的戰鬥。
「都係以防萬一。」Hugo說：「同埋，我都想同你地認真交一次手。」
Gary回復傷勢後，馬上跑來攻擊Hugo。
「佢又想跳起呀！」Marla呼喊。
「冇咁易！」Gary聽到後，馬上把Hugo的雙腿抓著。
Hugo如終是擺脫不了身體質素較弱這問題，硬生生被Gary拉扯不放。
「小心佢隻手，又想用地板對付你！」Marla繼續從旁讀取Hugo行動。
但Gary反應不及，被Hugo用地板砸在頭上。
趁Gary要回復的這段時間，Hugo率先攻擊Marla。
「目前最麻煩應該係你嘅讀心能力。」說罷，Hugo用長矛刺在了Marla身上，不過這一擊並沒有打中要害，但她也受了重傷無法移動。
「跟住就係你呢隻打唔死嘅曱甴。」Hugo奔向Gary處。
Gary已經沒有任何計謀對策，只是見步行步，強行與Hugo近身肉搏。
怎料此招卻產生奇效，一套盲拳便把書生弄得不可開交，亂打之間，一拳擊中了Hugo的要害，使他昏厥搖墜。
Gary沒有繼續追擊，反倒是趕去Marla方向。
原來在先前與阿藍一起訓練，Gary發現自己可以將能力分享給別人，簡單來說即是治療別人，但需要一段時間發動。
「Peter個死仔去咗邊，呢啲關頭玩失蹤！」Gary拔出長矛，著急地把雙手放Marla的太陽穴旁，開始發動能力。
Hugo的昏厥感已經開始舒緩，並逐步逼近二人。
「今次你地三個人都唔夠我打。」Hugo拿著長矛準備給他們最後一撃。
Gary唯有放棄發動能力，先用右臂硬接長矛，讓長矛留在體內，再拿起身旁的長矛反擊。
Hugo也沒有打算放水，把長矛結構改變。就在那一剎之間，槍聲響起，Hugo的腿部中槍。
一看去開槍的位置，只見Peter拿著狙擊槍的身影。
砰—！
「！？」Hugo中槍後還未反應過來，另一條腿又中一槍。
「終於捉到Hugo嘅空隙。」Peter放下槍，前去他們的位置。
「好遲呀你！」Gary邊說邊救回Marla。
「佢呢個能力雖然實用，但弱點都有唔少，戰鬥之中發現佢唔可以同一時間改變兩種嘢嘅結構。」Peter解釋：「幾難得先捕捉呢個機會！」
此時另一邊傳來怪獸的吼叫聲，驟眼看去，嗜血獸已經成長到至少十層樓高。
「大獲，快啲過去幫手！」 Gary說。
「咁....Hugo點？」Marla看著雙腿中槍，躺在地上的Hugo。
「..........」Peter似乎在思考著甚麼。
嗜血獸一發不可收拾，現在只靠阿藍加速和阿淵的軍火攻擊牠，拖延時間找出弱點。
露仁夾用斬擊解決掉阿淵的分身之後，繼續在防護罩上進行破壞。
「損毀70%、損毀73%、損毀76%......」阿淵似乎已經再無對策，雙手開始離開鍵盤...
「阿淵！頂住呀！」Peter等人趕到過來：「唔好放棄！」
露仁夾見對方有援軍前來，於是被逼撤退，專心指示嗜血獸行動。
「幫手！幫手搵隻怪獸嘅弱點！」阿淵再次燃起希望，擊打著鍵盤，全力修復防護罩。
阿藍見Peter等人來到，便講述情況：「呢隻嘢皮厚肉硬，點打都打唔郁佢！而且佢身上冇任何弱點。」
「身上冇任何弱點....」Peter靈光一閃：「因為弱點根本就唔係佢身上！去搵露仁夾出嚟！」
幾人聽到後恍然大悟，馬上動身去找露仁夾。
「我派分身去搵緊佢！」阿淵接著說：「佢用刀都幾勁，你地要小心啲。」
「你唔記得你整畀我嘅狙擊槍喇咩？」Peter說。
「如果我地係藍火蟻毒素喺手，就可以一次搞掂呢條仆街。」Gary說。
「啊！我知道邊到有藍火蟻毒素！」阿藍猛然想起七色極光身上的擁有。
「邊到呀？」Gary回話。
「喺七色極光到！我去攞過嚟！」話音一落，阿藍便馬上加速離開。
「呀，死啦，唔記得同佢阿輝身上都有，唔洗去咁遠....」Gary此時才想起。
阿藍的加速能力其實有次數限制的弱點，這晚不停奔波想必消耗不少。
「佢匿咗喺嗜血獸後面！」阿淵匯報露仁夾的位置。
Peter三人埋伏在一旁，預備好狙擊槍。
槍口對準了方向，只要露仁夾現身，就會馬上扣下板機，廢他雙腿。
「Peter....今次你就唔使守承諾...可以殺佢啦。」Marla知道Peter不會給露仁夾致命一擊。
「.......」Peter回話：「我唔想同佢地一樣...」
「唔一樣..佢地係出於利益殺人，我地只係自衛。」Marla勸告Peter：「如果你唔殺佢，隻怪獸就會破壞基地。」
「我...唔想喺現實影響任何人，傷害任何人....」Peter想起早前自己暴走的事，既愧疚又自卑。
「唔知點解，我覺得你一直畀啲嘢限制住自己。」Marla接著說：「你應該畀多啲信心自己！一直以嚟你都靠自己嘅計仔去贏，你得架！」
「我...我....」Peter不知如何回應。
從小到大，Peter都被哥哥才能的巨大身影遮擋，在哥哥「去世」後，更是一沉不起，每天活在陰霾之下。
無時無刻都是自我標籤著廢物、渣滓、沒有生存的價值。
如果......如果能活在自己幻想的世界是有多好。
所以對楓的經歷身同感受，被世界拒絕的感覺，也許是要同類人才能懂，欠缺信心就是Peter一直以來最大的敗點。
「損毀98%.....」嗜血獸沒有停止攻擊，防護罩的支撐也臨近邊緣。
「唔好等喇！」阿淵大喊：「就快頂唔順喇！」露仁夾的身影也出現在Peter的狙擊鏡之中，但意外的是，Peter居然對開槍猶豫不決，不斷在掙扎殺不殺他。
「屌！你搞乜撚呀！！」阿淵對Peter怒吼，馬上脫離基地範圍。
轟隆—！！
嗜血獸一爪猛地轟在阿淵的基地，最後一擊，基地的爆炸聲彷彿就是守護軍落敗宣告。
「啊呀呀呀—！」阿藍即時趕回來，用最後一次的加速鐮刀斬殺了露仁夾，嗜血獸也隨之消失。
雖然解決了怪獸，可是基地已被毀於一旦。
「點會咁....」阿藍無力地跪在地上。