She's out of my life (真人真事!): 9
雖然真係好難過同埋好唔想paco番黎,但時間唔經唔覺已經到左6月23號
係呢一日以我所知就係paco比erica早番黎香港,所以paco一定會去接erica機
雖然我就諗過去機場搵erica,不過都係算,廢事有咩事會發生
又以我估計,erica大概會係下午機番到香港,咁我真係頂唔順,由4點幾開始就3個字3個字咁打去一次
睇下可唔可以係paco見到佢之後同佢講幾句,到左6點
終於打得通比佢,而佢都聽左,但用把好冷淡ge聲覆我佢去緊廁所,然後就無覆過我
之後我係電話/sms搵佢都無人理,好似仲熄埋電話
果陣我又諗住佢去韓國之前果d樣果d對話,仲話買手信比我,又話番黎再出街玩
結果一番到黎又好似唔同左人咁,都係果句,又sad都仆街
不過開始諗番d野安慰自己,erica 6月24就要gradin,所以我諗佢都會拉住paco買裙比佢
大概等到8點幾啦,我真係忍唔住勒,結果就隻身走去馬灣果頭等佢
我記得我9點幾入到去啦,就開始買啤酒飲...一路飲...一路等佢消息...
結果去到11點都無回音,再飲
直到我見到佢屋企著左燈,然後我電話無幾耐都響
:你係邊阿? 
:我........我係東灘. :你又飲左幾多阿
,身體唔好你就唔好飲啦!好叻咩? :你咁惡做乜 :咁你今晚諗住上黎? :唔得? :一陣先答你,等陣 呢個時候其實我已經行到去樓下,係呢個時候我見到個差唔多年紀ge男仔係我則邊行過,而且都有d面善
:番黎,你仲飲緊?你飲左幾多 :我飲左12罐500ml勒,12罐叫一打阿何? hahaha :你係唔係想死阿你 :你岩岩同佢傾電話? :嗯 :你唔好同我講佢係你樓下等緊車掛 :你見到佢? 果下我諗我真係飲大左,我不斷向住paco咁行埋去,而且佢係樓上都望到
:喂,你痴左線咩,唔準再行 :你驚我打佢阿? :你去我後面個公園坐下先 結果我就聽佢講去坐
後來我等左成個鐘都無人理,再打過去,都無人聽
咁我就去左佢門口出面條樓梯坐係到邊飲邊等佢..........結果...........
係erica出完黎之後,更然無即刻山門...
後面竟然仲有另一個人.........唔係佢屋企人,係paco
我即刻真係心諗:_ _ _ ,搞咩無啦啦會3個人係同一個地方出現?
我真係唔記得我當時做乜,可能真係飲大左,我一見到佢地2個一齊出黎,我第一個反應竟然係驚
話晒都做左忍者咁耐,無啦啦比人發現真係荒到爆
然後我就無啦啦起身諗住急急腳跑走,係呢個時候erica就捉住我
但我就同佢鬥大力,佢就梗係唔會夠我大力
結果一鬆手,我就碌左成層樓梯
我好記得我係成個人打側身右膊店地咁飛落去,
結果我成隻右手都係血,件衫又係白色,滲到後面半件衫紅色
然後erica就跑落樓梯
:你係咪傻左阿,你流好多血阿,不如叫白車啦 :到底做乜佢都會係到 :叫白車先啦 :唔洗 然後我企番起身,我記得我果時手腳已經好唔協調,所以起一次仆一次,
然後我起身之後又不斷向前鳩跑,唔記得去到邊我跑到累就訓左係條街LU.............
當我訓到咁上下,突然有個路人拍醒我
路人:先生,你成身血,無事阿麻?洗唔洗幫你叫白車?
:喔,唔洗勒,唔該 然後我就搵佢地2個係邊,原來只係係我前面無幾遠,我聽到erica喊得好大聲
但就唔知點解見到paco安慰緊erica
咁我就行過去
=erica =我 =paco :你醒左勒? :做乜事喊到咁大聲,搞乜 :我已經同erica分左手 下?唔係阿話,我諗住黎搵一搵erica,點解會搞到咁大件事,erica唔會直話直說掛
雖然我真係好愛erica,不過我真係無諗過要搞到佢地分手
難得有個咁好條件ge男仔咁愛佢,而且佢地又成3年感情,唔會咁就GG掛
:下?唔係掛?唔好咁啦,我應承你我以後唔搵erica勒,你唔好唔要佢啦 果下我都唔知自己做乜鳩,罪惡感超大(雖然我成日做埋好多衰野,但呢下罪惡感真係唔講得笑)
都唔知點解做第三者竟然係到幫佢地2個復合
:晒氣啦,佢有得一次,就會有第二次,我已經唔會再相信佢 : :佢喊成咁你忍心架勒?我求下你唔好咁啦.我會消失架勒 :你地以後ge事我都唔想再理,都夜,我走先 然後paco就自己行去車站等車,當然我地2個都隨後跟上
:你點先會原諒erica,我咩都會做 :我再重新講多次,呢個係我地2個之間ge問題,唔關你事 :佢就黎喊到死,你點可以咁狠心,我求下你 然後我做左件我都覺得好戇鳩,好不可理喻ge事
我竟然跪左係地下求paco唔好唔要erica
可惜架車一黎paco就野都無講咁上車走左去
然後個車站就得番我同erica,,,,
:唉,到底做乜會變成咁,你到底點處理 :我見你飲咁多,我好驚你有事,本身佢係我間房,然後我係咁去廁所打比你又無人聽,我好擔心, 所以就一五一十咩都同佢講晒,然後就帶埋佢落黎求你囉
:下?唔係阿話?,你連我係你果到住,仲有XX埋,你都講晒? :係阿 ,依家點算阿 :唔好喊啦,你快d番上去訓先啦,我會諗辨法同佢傾下 :你唔上黎阿?你傷成咁,行路又行唔穩,上黎啦 :咁唯有聽日再算啦 然後我就上左erica屋企了...........
其實上到erica屋企之後都唔知點咁
我眼見佢成個人就呆晒,好似死左一樣,我又傷晒,手腳都唔多聽話
所以唯有就訓係張床上面睇住佢,佢今晚同平時完全唔同
平時佢訓之前真係要用個幾兩個鐘去茶呢樣果樣,每日都一定要茶完先肯訓
今晚我見佢就咁坐係電腦台前面發呆,我都忍唔住起身叫佢過黎一齊訓
呢一晚我雖然wingwing地,不過真係好深刻,去到我要訓果下都唔敢相信係事實黎...
你要道我完全係無預過會發生咁大件事,早d話我知都可能諗到計過骨
係果個時候我醒番起阿威(前文提過ge一位兄弟)之前同我講過一句說話:
"唔好話唔我提你,你係醒ge,就唔該係件事穿煲之前,就由你爆出去先
如果到佢講呢個事實出黎先,你就一定會成為罪人"
諗落又好似比佢講中,其實佢成日叫我係大家感情好好果時話分手,咁先係最好機會
一黎erica實會唔捨得,二黎飛人實無比人飛咁痛
但感情好果時我又點會做得出阿......
果晚我不時捉住erica隻手黎訓,今晚佢隻手比我ge感覺實在好冰冷...
連我都想喊埋一份...
果時我就諗,到底我可以為erica做d咩
paco果邊我就實會搵佢傾下,但我總唔能夠就咁放低erica自己一個人
我真係怕佢會做咩傻事,所以就決定呢幾最少都tum下佢開心,
erica呢個時候無啦啦起番身
:你睇下,我今日買左呢條gradin裙 :係咼,你聽日就gradin...咁你同佢點算... :佢唔會去架勒,佢連fb都轉埋單身 :..............你快d訓....聽日玩得開心d啦 :我都唔去了 :下?gradin咼,一世人一次中7 gradin咼,呢次之後你地就各散東西架咼.. :我仲邊有心情去 :你怕唔知點面對同學? :嗯 :.........點都好...過黎訓教啦....... 佢過黎訓番之後就一句野都無講過,就係咁我地就訓左一晚
已經去到6月24號
呢一日我地訓到差唔多4,5點先起身
由於我酒仲味散,個頭都仲係痛到爆
不過一起身已經醒起erica要gradin,咁我就係咁叫佢起身
結果佢都係唔理我...死都唔肯去
突然間佢就彈起左,然後就打電話比paco
呢下我個心都唔知點好
平時佢知我唔鐘意佢同paco傾電話,就算傾都一定會行埋一二邊,
今次直頭係我隔離傾.........
平時erica對paco真係好惡,但呢次傾電話佢把聲真係好溫柔好好聽...
我個心真係好痛,大至上係問佢做緊咩,講幾句咁就收左線
然後erica就行去書台前面,拎好多信紙同筆出黎,原來佢諗住寫信比paco....
fu ck,我到底用咩心情去面對好,睇佢自己愛ge女人喊晒口寫信比另一個男仔
佢8點幾開始寫,我真係無眼睇+唔想睇,所以就再訓先
結果我12點醒佢都仲味寫完,哇...3個幾鐘,咩事.....
佢寫完又打比paco,我只係記得幾句
"我用左好耐時間寫左封信比你阿"
"你聽日得唔得閒出黎?"
"咁我去你樓下比你啦"
"唔緊要啦,你唔到我就放係你信箱啦"
唉....我開始心都死埋........不過算啦,我目前ge任務係要tum番erica笑
結果我tum一大論,佢終於笑番,真係好感動(我無咩叻,但把口就真係唔講得笑)
然後我同佢坐係張床到玩下nds同傾下計,又睇下佢去韓國買左d咩咼,
我記得佢買左超多零食,又買左好多化妝品,佢仲拎個相機比我睇佢影左咩相
我仲笑佢好毒,因為佢成日同成班人咁行果陣,自己行到超後一個人去影前面班人
個感覺真係好好笑,其間我地仲有講有笑,感覺好好
佢無啦啦去書台拎左個袋仔出黎,我起初以為係手信黎
結果佢竟然拎左一大堆貼紙相出黎,入面完部都係佢同paco d貼紙相.......
:唔知仲有無下一張呢.... :............你唔好再睇呢d野啦,我咁難得tum番你笑....唉.......我都唔知點面對好 :我想講個電話 shit,佢又打比paco,又講佢睇緊佢地以前有幾多貼紙相,仲話買左手信比佢
我可以點?唔通黑面咩,唯有等佢傾完繼續笑笑口,真係好撚辛苦
以前我對住erica真係展露晒自己最真果面
老實講我平時對住普通人,真係笑都唔笑,個樣真係好惡,成日比人話串話難接近
好勒,到識落我就會知我根本係超好傾,又低能,可惜我都仲係唔會太真心
但真係對住erica我會不其然有果句講果句,唔可以可以嗲下佢,唔洗好似平時成個大老咁黑晒面咁
但果晚我真係全程笑住,個心真係全程喊住.......
btw,佢果晚開始茶番塊面
我就多口問句你係唔係要出去
佢同我講話聽日想拎封信比佢,所以都叫我番一番去先........
我邊有得say no,而且我又傷晒,一定要番去搞搞佢,成身血都唔知點算
最後我地都一齊訓,都係一樣,野都唔多句講訓左.........