She's out of my life (真人真事!): 10
之後點就聽日再打
不過補充番小小
佢真係有買手信比我,係隻熊仔黎,但點解會有3隻?
原來一隻我,一隻paco,一隻erica, damn!點解手信都要一樣仲要一齊買
又9up下先
我記得之前有次同erica又係因為paco番黎而變到感情差果時
我都好唔開心,結果有次同fd去海邊飲酒吹水
吹完水之後我地去機鋪打機,
咁我就玩gvgn啦,我見人地2個就落去挑,咁打開ge朋友都知應該係1打1,死左就佢另一個
結果果2個pk仔用2部rx-78一人一下儲A咁射埋黎,結果我用死神竟然差少少就打贏佢地
果下真係好撚紋,點解可以咁矛2打1,仲要打埋我部電腦(我較回避)
果下即刻生平第一次推機
結果有個mk踩住部機望落黎,然後我都feel到有d野
結果佢拎住張膠登衝過黎,我心諗,仆街你出拳我都可能避到擋到,咁大張登我點擋
佢行到我面前竟然大大力................放番低張登
然後一拳打埋黎,咁我真係好唔開心又好紋,我簡左還手
起初都叫一打一,然後佢個pk竟然捉住我d頭髮,禁低我個頭係咁用波羅蓋撞我個頭
我真係完全還唔到手,不過我比佢踢左幾下之後一拳打落佢個肚到佢先鬆左開,
然後我一拳打落佢塊面到,佢成副眼鏡飛左落去,我即刻就去踩爛佢
佢後面d fd都開始幫埋佢,我只好成個顛老咁fing黎fing去唔比佢地埋身
我d 朋友驚到企晒係到呆晒,結果最後1打4-5左右啦
開始都有路人拉開我地,職員都話再唔走就要報警
事後我同d fd就一齊走...佢地怕我會比人追擊
然後我一路行一路呻,最後竟然係條街,係fd面前大喊左出黎...平時惡形惡相,今次竟然大聲喊出黎
番去照番鏡先知原來我唔修傷好多,係右邊面同個鼻損晒......
無記錯應該去到6月25號
呢一日我地一樣訓到好遲先起身,大概都係2,3點果d時候
我記得就係erica lunch叫外賣,大概去到3點幾啦,佢就叫我走定先,廢事佢細老番黎難走
我都無得say no,不過我會一路諗我一走佢一定會勁搵paco
其實我都唔知咁係好定唔好,可能佢搵paco講多幾句就無事,
但佢同paco好番我到時又會比佢掉去回收筒
個d感覺好矛盾,老實講果一年我成日都係咁諗
搞到自己好辛苦,真係人都顛顛地
咁我番到屋企之後,我阿媽就當然嚇到痴線,而我都同細妹講過下
所以佢都買左支消毒藥糕同膠布比我,仲幫我貼埋
然後我d朋友知我番左黎港島呢邊,都約左我出去吹水,講下近況發展成點
係同佢地行黎行去果段時間,我個心都係放唔低erica,因為佢病左,又成日唔食野
所以就問佢依家點,比左佢味
:你點樣阿?依家係邊 
:我係佢屋企樓下等緊佢 :......你唔係8到就到左勒咩....依家成930勒咼.... :唔緊要啦,我又唔急ge :你唔好咁傻啦好無,你放低就走啦,佢做乜唔落黎 :佢同屋企人出左去睇波阿 :我頂阿,你唔係同佢講定話你會比封信佢ge咩?佢竟然出去睇波? :唔緊要啦,我等下就得架勒 :你顧下自己好無,你成差唔多2日無食野,又病埋,你放低再叫佢睇就得啦,你快d番去休息好無 :無所謂啦,你唔洗擔心我咼,佢果邊有個車站有得睇電視架!,我睇緊談情說案阿,勁好睇咼 :你kai架?你病到shot左?快d同我番去 :我應承你10點都無人我就走啦好無? :咁我10點再打比你唔覺唔覺又到10點半......
:你唔好同我講你仲係到睇緊電視 :係阿,你咁醒ge? :.........你當我放屁阿?你等左3個鐘都黎緊,你係唔係要我過黎捉你番去 :得勒,我依家走勒 :頂我真係要搵佢講兩句 :下.唔好啦 然後我已經cut左erica線,and then我sd左個msg比paco,內容大至上係
你好快d番去拎erica封信,佢病左又無食野身子好弱,我唔想佢出咩事,我諗你都唔會想
然後無幾耐erica就打番比我
:你開心啦 :做乜,你咩態度 :佢依家話唔睇我封信勒 :下?做乜 :佢話你叫佢睇,所以佢心情唔好唔睇勒 :佢洗唔洗咁都拋個波比我 :唉,我依家番去勒,byebye 之後佢就cut左我線,果下我個心真係就爆咁濟,頂,咁都要賴我
然後我真係心情好差,結果d fd又陪我去海邊飲酒吹水
我開始同fd呻,然後我不斷諗erica黎緊幾日一定會好慘
點解?佢過多幾日30號就AL放榜.....佢實考得超差
到時無人係身邊安慰佢點算?呢d大日子paco番左香港都無陪住erica
佢屋企人一定會煩erica咩事,到時erica實會崩潰咁濟,
我就只可以擔心,由於仲係無人知我係邊個,所以我都唔可以企出黎做d咩
然後大概咁上下我就打去問erica番到去味
:有無買d野食下,你唔可以唔食野架勒 :得啦,唔好成日煩我呢樣野啦 :我都係擔心你,你洗唔洗呢d態度 :唔係你我就唔會分手,唔係你佢就唔會唔要我,唔睇我封信 :你講野之前有無諗過我感受 :........... :佢個心到底諗乜鳩,我依家就打過去問清楚 :喔,你鐘意啦咁係同fd吹水途中
佢都話paco咁樣做係想令erica更憎我,分化我地2個,
想將所有責任推晒比我,等我死左都無野好講
老實講雖然我同paco係敵對關係,但我心目中此終覺得佢係個好男仔
而且佢又同erica 3年感情,我諗我低聲下氣d認錯同佢傾,死心d離開,應該會幫得番erica
此終我都係覺得erica最重要...
咁我就膽粗粗咁打比paco
:喂,請問你係唔係paco? 
:係,你係邊個? :我係果個男仔 :(把聲即刻沉晒,開始串串地)喔,你搵我有乜事 :即係咁,其實erica都就黎AL放榜,到時佢成續差又無人係身邊支持同幫佢,佢實會好無助,佢屋企人又實 會提起你,到時佢又可以點回應,我唔敢求你即刻原諒佢,不過至少都陪佢放埋榜,解決晒所有問題先好
無?佢琴晚寫封信比你用左成5個鐘都有,不如你細心睇下,其實如果你覺得只要我一日仲係到,個問題
都會係到ge話,你一開聲我大可以自動消失
:我再重新講多次,呢個係我同佢之間ge問題,一d都唔關你事,亦唔到你去理 我同佢已經係朋友關係,我洗乜去理咁多,你地兩個點發展落去我亦唔會過問
你鐘意搵佢就搵佢,你關心埋我果份我都唔會理,係咁(即刻cut線)
=x-smallFU CK!
我對住個海邊大大聲咁叫左出黎,可能飲完酒自制能力真係差d
我d朋友以為我想跳海,即刻起黎拉我埋去登到坐
點解?點解3年感情都可以咁絕?你估我想求你架?我係唔忍心睇住erica咁樣,我又無能力出面去幫先搵你
結果你一大舊屎咁比我食,過唔過分左d?
然後我都打比erica講左陣
:我打左比佢,佢態度好差 :喔,係咩,你地講左d咩 :(我講番一次) :佢點講? :佢話我點搵你佢已經唔care,咁我就放心去支持你,你亦唔好拒絕我,我唔會比你自己一個人去面對 :唉..... :唔好再諗,早d訓,你病緊架.......我聽朝會買早餐入黎比你食,我唔會比你再日日唔食野,你都無得say no :......你都快d番屋企 就算收完線,我心情都仲係平伏唔到,黎搵我ge朋友都愈黎愈多,不過最後得番阿聰陪到我最後
我亦唔知點解咁應境,個天無啦啦落大雨,我真係on99到走出去淋下雨,不過都知自己唔多店
又醉,又凍,又濕身,實病都似
最後阿聰幫我節左架的士比我番屋企....
講起阿聰呢位朋友,我真係十萬個感激佢
記得我中二,三一唔開心,佢一定會幾夜都出黎陪我吹水打機,
呢次佢直頭比左$500,佢話我黎緊幾日一定會有要用錢ge地方,所以比住我先
唔好睇到咁膚淺,佢真係出錢又出力,知我又唔方便問屋企拎,我無開聲都咁支持我
去到後面佢都陪左我行一段好難涯ge日子
咁果晚我番到屋企之後,基本上訓都唔敢訓,因為我怕自己訓過龍
會醒唔起要買早餐入去比erica...咁我就訓係張床上面諗好多野
係到諗到底最後會變成點?我過到去又講咩好做咩好?
我係唔係應該幫佢地復合番,定難得襯呢個機會乘虛而入
但到佢放榜果日我又要點面對佢?
(係呢到提一提點解我會諗到呢點,如果大家仲記得,erica為左tum我陪我,將自己成個study leave比左我,
咁我記得大概係佢考完alevel之後有一晚我地攬住訓,佢無啦啦講起佢本身想做醫生,然後講講下喊左出黎
喊得好大聲咁同我講,佢今次考成咁,無得讀醫科,做唔成醫生,喊得好大聲,我睇到咁完全唔知可以比咩反應
我亦覺得好心痛,果下感覺我真係唔太識形容出黎
) 結果諗諗下都天光,我去沖個涼,就起行去佢果邊
初頭諗過特登去澳牛買個早餐比佢,因為佢好鐘意食炒蛋(我亦因此苦練炒蛋.可惜...)
但諗落又應該無咁早開,就算係去到都會凍晒,咁我就決定去青衣城果邊買個大家樂入去算
大概9點幾啦,我就打erica,好出奇地,佢把聲話比我知佢醒左一段時間,照計平時佢一定
仲訓緊,
:你醒左好耐阿? :唔係阿,岩岩醒 :.........點阿,訓醒個人有無覺得好d :ok啦,,,, :你想食咩早餐?我係青衣城 :下?你真係買架?唔洗啦 :我唔想你又唔食野 :一係你入黎先啦...唔好買勒 :點解? :我唔餓阿,唔講勒,你入到黎再打比我啦講番日子先,今日係6月27號
其實我覺得好怪,不過又諗唔到係咩原因,算啦,入左去先算
咁我入到去,去到佢樓下,又再打比佢
:我到左,不如我依家去又一間(佢果邊間茶餐廳名黎)買個早餐比你食 :唔洗勒,我食左勒 :下?你講野阿?你屋企個廚房根本就得我用,邊有人咁早煮野你食 :佢買早餐左比我 :下?唔係掛? 我頂!又話唔理佢,又話我點搵都無問題,又叫我想上就上,結果我晨咁早入黎,你竟然仲要早我一步
到底你個心諗緊乜,係唔係玩鳩緊我?
:你下次可唔可以早d同我講聲 :我都唔知佢會黎架,佢買完放低係我門口就走左 :fu ck :一係你番去啦 :我特登入黎,你依家叫我就咁走...? :一係你等一陣啦,我阿爸同細老好似話要出去,你一陣再上黎啦 :記得打比我 咁我就又on99咁行晒成個馬灣,度度都行下,又去東灘吹下風,
途中諗左好多野,到底我應唔應該再踩落去,係唔係係時候比個機會自己放手
但又怕paco只係玩玩下/玩鳩我,如果佢係真心對番erica好,咁可能我會放心d
但諗諗下如果佢同番erica一齊而唔係真心咁點算?
最後結果都係見步行步......