《憶海》 自從意外之後，我得到咗超能力: 第一部第三十八章

一天晚上。

我躺在床上，回想起最近我所做的事。

回想起在班房這麼多人面前，正面用籃球挑戰那個插班生，真的十分瘋狂。

想著想著有一句說話在我腦海閃過。

「有咩好擔心呀……劉焱煒，你好蠢呀。」





為甚麼秋淼說我蠢呢？

究竟我在擔心甚麼？

她這句想暗示甚麼呢？

我一直沉思著這個問題，當我醒覺時，我發現我正拿著手機，畫面停留在與思堯訊息的版面。

上面還是停留在那次思堯罵我然後不再回應我的時間。





不如就問問思堯吧。

「Hi」

「Hi」思堯很快便回覆我。

「有啲野想向你請教，可以嗎？」

「有啲咩事呀，大名人」思堯開玩笑地回覆。





「你話社籃個次？咪玩啦」

「好啦好啦，咁你想問咩呀？」

「我想問你覺得我係咪真係鍾意秋淼？」

思堯看後並沒有立即回覆我。

良久後，她終於傳來訊息。

「我諗你問得我都唔想淨係得到係或者唔係咁簡單嘅答案啦」「不如你問吓自己啦，點解你會應承同林宇航決鬥？」

「因為佢個次挑釁我，見到佢個樣我就扯火」

「平時嘅你係唔會咁衝動，亦無可能會為左小小事特登去練波同咁大膽地加入籃球隊，咁有啲咩令你有咁反常嘅舉動」





我沒有答她，因為我也不太肯定答案是甚麼。

「根本你一早就已經有答案，只不過你唔肯定姐」思堯見我沒有回覆便繼續打「由我話俾你聽啦，答案只有三個字，杜秋淼」

她說得有道理，其實我一早知道答案，不過沒有說出來而已。

腦海突然會想起那一夜，秋淼抿唇的樣子。

秋淼也是喜歡我嗎？

「既然你而家知道答案，就唔好再令人失望啦」

對呀，不能再令秋淼失望了。





「多謝你呀，思堯，你真係我嘅好朋友，總係我最需要幫忙個陣出手相救」

之後，我打電話給秋淼。

「喂。」

「喂焱煒，妳搵我做咩事呀？」

「出左院之後成個禮拜仲有無唔舒服呀？」我先作出慰問。

「無啦，而家我日日都好精神，不過就好悶囉。」秋淼朝氣勃勃地說。

「既然咁悶，不如星期六夜晚同我去一個地方啦？」我把握機會提問。

「可以呀，但係去邊度？」





「唔……唔可以同你講住啵，不過我唔會賣你豬仔嘅。」我開玩笑地說。

「咁呀……好啦，還掂我都無野做。」

「咁就七點係火車站等啦。」

「好呀。」

「拜拜。」

「拜拜。」