《憶海》 自從意外之後，我得到咗超能力: 第三部第十七章

自從那天之後，思堯正式成為我的女朋友。

「焱煒，送俾你。」思堯遞上禮物笑說。

「咩嚟？」我拿上手一看，發現原來是一疊memo紙。

「呢啲全部都係我想同你做嘅野，可以陪我做晒佢嗎？」思堯眼仔碌碌，期待我的答案。

「梗係可以啦。」我一邊笑說，一邊好奇地揭開之後的memo紙。





「唔好揭開呀！」思堯連忙阻止我「焱煒應承我，我地做完面頭個張寫嘅野，先好揭開第二張，好唔好？」

「好，我應承你。」我說「仲有呀思堯，之前你講嘅野雖然我而家未必幫到你，但係你俾啲時間我呀。」

我一下把思堯拉近到我身邊，我們兩個距離只有十多公分，四目交投著，上次的洗髮水香味再次傳入鼻中。

「係做晒memo紙上面嘅野之前，你陳思堯將會係我劉焱煒最愛嘅女人。」

思堯整個眼眶都濕了，流下淚來。





「使唔使咁感動呀？」我拿出紙巾替她擦乾眼淚。

「我……吹沙入眼喳嘛。」她嗚咽著說。

「你聲都沙埋啦。」我不禁笑起來。

「好啦，咁我地由第一張開始啦啵。」我揭開第一張memo「May I？」

我像舞會男生邀請女生跳舞地伸出手。





思堯甜絲絲地微笑，便把手放在我的手上。

然後，我們便牽著手一起回家。

下午，我早早在火車站等待。

接下來的暑假，我和思堯樂於挑戰memo challenge的任務。

今天，我們做的是「一起去約會」。

至於去哪裡，我早就預備好了。

等待思堯來到期間，我站在角落觀賞著這個經常來的地鐵站。

這個火車站曾經帶給我不少回憶，陪秋淼一起去比賽，帶秋淼到中環碼頭表白，第一次跟秋淼正式約會，與秋淼到下白泥看日落……





秋淼……

不行！

眼前也有一個女生等待著我，她為我付出了那麼多，我絕對不能辜負她。

「焱煒！」此時一把女聲在我耳邊響起，額頭傳來一下痛楚。

「呀！」我連忙按著額頭，定睛一看發現原來是思堯。

「做咩成個人呆晒咁呀？」思堯調皮地笑著。

「嚟左啦？」我笑著問。





「嗯，你等左好耐啦？」

「唔係呀啱啱到渣嘛，我地行啦。」我主動牽著思堯的手說。