我們乘坐地鐵到尖沙嘴站下車,而今天我們的目的地是……

香港太空館。

步出地鐵站出口再走多一段路,就可以看見那個十分顯眼類似菠蘿包的半球體建築物,那就是香港太空館。

「今日嘅約會就係嚟太空館啦?」思堯笑著問。

「係呀,係咪好有新意呢?」





「都幾得意呀,自從小學之後,我好耐都未嚟過太空館啦。」

我們購買入場卷後,便進入太空館內部。

可能是暑假的關係吧,整個太空館都有很多家庭前來共享天倫之樂。

我們先到地下的太空科學展覽廳參觀。

顧名思義,裡面當然擺放了各種關於太空科學的展品吧,亦有不少遊戲活動令遊人更容易明白一些複雜的科學理論。





其中有一個活動以吊帶吊起人在地上走路,然後讓人摸擬在月球漫步的感覺。

當我上去走一趟時,的確感到有一股離心力令我覺得自己很輕。

輪到思堯嘗試的時候,我發現了一樣很有趣的東西。

「好唔好玩呀?」當思堯出來我問她。

「唔唔,彈吓彈吓咁幾好玩呀。」





「睇唔出你都幾輕啵。」我奸笑著說。

「吓?」思堯不解地問。

我不懷好意地指著身後的顯示屏,上面會顯示參加者在月球上的重量。

思堯意會後立即整塊面都紅了起來,整個蘋果似的。

「俾我計吓先……係地球就大約乘返六,即係你真正重量係……」我擺出神探加利略的思考姿勢說。

「劉!焱!煒!」思堯轉化成憤怒,然後準備追打我。

「嘩!走呀!」我看見便連忙逃跑。

「殊!呢度博物館嚟,你咁嘈會騷擾到其他人㗎。」當我被思堯追上後我故作認真地道。





「好!咁我而家打你兩鎚你千祈唔好叫出嚟影響到其他人。」思堯立即降低聲量後然後把我毒打了一輪。

「呀⋯⋯你咁大力打嘅,你係咪想打死你男朋友。」我悲鳴道。

「睇你以後仲敢唔敢。」思堯雙手叉腰別個頭說。

「唔敢啦,唔敢啦……」我雙手捏著耳朵說。

「哼!體重係女人嘅秘密嚟。」

此時,我看一看手錶,發現已經差不多了。

「情侶之間唔係應該坦誠相對無秘密咩?」說罷我便拉著思堯的手說「時間差唔多,我地行啦。」
已有 0 人追稿