靈魂轉移師 Law of closure: (4)

自我踏足靈轉界以黎，「重生」對我黎就都只係理論同傳說。重生就係做靈轉時轉移既唔係自己原有既記憶而係編寫出黎既記憶，借由改變記憶而改變人生。但靈魂同記憶有好微妙既關係，靈魂離開肉體後雖然所有記憶會歸零，但靈魂會對此記憶有左偏好。

如果下次輸入既記憶同所建立既偏好唔同，靈魂就會強烈排斥新建既記憶，同時會刺激到靈魂自動編寫一d 乎合偏好既記憶碎片黎填滿新記憶同原有記憶既差距。但記憶碎片唔同正常記憶，係非常侵略性，會突然偷襲平靜既你，擾亂你既思緒，令人逐漸分唔清楚夢境同現實，所以同時間你會開始唔識醒。

記憶碎片會越黎越完整，當佢完全佔領靈魂之後，靈魂就會自由脫離肉體，成為鬼魂。唔同靈魂，鬼魂係離開肉體之後仲有黎自記憶碎片既記憶， 遊走係人間投唔到胎，即係俗世所稱既遊魂野鬼。就係因為依個風險，顧家靈轉師轉到第十代以後都無左幫人「重生」。
 
「師父，既然你一早就知，又唔係做記憶副本個日就推左陳俊皓既委托？」
 
師父無視我走左去左工作室角落聽電話。我同程朗一面無奈，你眼望我眼，互相對望左幾秒中之後就連望開，程朗望返去電腦螢幕到，而我係佢張工作枱到拎起筆錄重新再睇多次。
 




「等埋我，我宜家即刻黎！程朗，陳俊皓既記憶副本你照樣起貨比我，星期日要。顧嵐，你留係到幫呀朗手，師父我今日就閃人先啦～」
「咪住呀師父！」
「咪住呀呀叔！」
「獨自去偷歡，我謝絕你監管…」