[老師有甜] 戀上兒子學校的老師: 第七章

我攬番住 Eliane, 四唇又再一次緊貼住起黎, 手正慢慢伸到佢嘅面額之處, 跟住隨後就再向下滑落住, 已經輕撫住佢個柔軟左胸, 而 Eliane 亦正好肉緊咁雙手箍住我嘅頸後繼續地同我熱吻住, 跟住我地就有默契地繼續邊攬邊摸黑移到佢嘅房間之內。
 
終於, 我同 Eliane 就響黑暗環境之中發生左肉體關係。
 
完事之後, 我地摸黑再著番哂啲衫, 跟住直到深夜大廈有番電之後, 我同 Eliane 終於都可以搭 lift 落樓離開佢嘅新居之處, 但呢一種單憑感覺而完成嘅美事, 令我同 Eliane 就仿似發左一場夢咁有啲疑幻疑真嘅感覺。
 
呢晚過後幾日之後, 唔知點解我發覺 Eliane 突然好似同我多左重隔膜咁, 而家我每次打電話比佢嘅時候, 佢都好似不斷百般砌詞咁好快就要同我收線。
 
而到我番去學校開家長會期間, Eliane 就只會刻意離我遠遠又或者獨坐響一旁靜靜不時瞄住我咁, 我不斷問住自己, 到底會唔會係果晚佢覺得同一個學生家長做左一啲過份嘅事, 而令佢開始覺得後悔同產生左尷尬嘅感覺咁呢?
 



 
但我亦好冷靜地細心想過, 其實我對呢位女老師嘅態度絕對係認真嘅, 所以今日我決定要同 Eliane 佢講過明白, 兼且我亦想知道到底點解佢會突然對我好似刻意疏遠咁嘅。
 
開完家長會之後, 我行埋 Eliane 身邊度嗌佢, 「Eliane…..」 Eliane 正雙眼無神撥左一吓秀髮咁同我講, 「吳生, 不如….你響學校都係叫番我做陳老師會比較好啲!」
 
「哦….., 陳…老師, 我想問…..其實我同妳…..」 Eliane 有啲顧左盼右咁講, 「吳生, 我地響學校不如唔好再傾談呢啲事吖, 又或者, 我地就將果晚發生嘅事忘記左佢就算嘞, 好唔好呀?」
 
我有啲唔服氣, 「陳老師, 我想知道究竟會係啲咩原因!」 Eliane 同我講, 「其實係唔關你事嘅, 呢啲都只係我嘅問題咁啫!」 我再問住佢, 「Eliane……」 但 Eliane 好快就再同我講, 「吳生我有啲事要走先嘞!」 Eliane 講完, 跟住見佢就響我身邊拂袖而去。
 


我呆左響度, 而我就正不斷猜測 Eliane 個心入面到底係諗緊啲咩咁?
 

 
幾日之後, 學校有幾日假期, 我媽媽帶左志仔番鄉下度探親兼同佢響上面玩番幾日, 難得有幾日可以獨處, 我本應該覺得輕鬆同愉快至啱, 但事實剛好相反, 我而家每一刻都係咁不斷惦掛住 Eliane, 我諗緊點解佢而家突然好似當左我係陌路人咁看待。
 
下晝時份, 我帶完個客去旺角睇完樓之後, 客人同我握住手黎講, 「吳生, 麻煩哂你, 遲啲我想約埋啲家人再上去呢個單位度睇多一次!」 同客人揮手道別過之後, 我正想行去攞車揸番公司嘅時候, 咦, 前面商業大廈門口好似有啲事發生咁嘅。
 
我見有個女仔正坐左響大廈門口比幾個男女包圍住, 有啲師奶好似又攞住啲藥油比個女仔搽住咁, 但我再望真啲, 果個正面青口唇白嘅女仔咪就好似係……..Eliane 黎嘅。
 


我見倒咁, 即時急步上前再睇清楚, 個女仔果然真係 Eliane 黎嘅, 我跑到上前跪低捉住 Eliane 隻手就問,「Eliane 妳做咩事呀?」 Eliane 知道係我之後, 正有氣無力咁同我講, 「吳…生, 快啲扶我走先吖!」