【校園】現實與平行時空的愛情故事: 第八章 - 初戀的回憶-8 ( 一個足以改變一生的女生 )

- 第八章 - 初戀的回憶-8

佢叫做詠珩。

一個足以改變我一生既人。

佢既出現就好似一粒星, 閃亮但唔顯眼, 觀察到佢既人就會覺得吸引。

佢唔未算話好靚。帶起一副黑色粗框眼鏡既佢，一個笑容已經觸動我。



有時佢會傻傻地咁笑，一樣咁吸引。

就係果日開始，我就開始留意佢。

留意佢同佢班朋友傾計會微笑既佢。

會慢慢同佢地班朋友熟絡。

但始終唔太敢單獨同佢傾計。



唔知點樣同佢更加親近。不過有時候可能係緣份將我地連埋一齊。

 因為一個電話。


…………………分隔線…………………

 電話響起了。

 「喂?」心諗邊位呀



 「你好! 我地係XX銀行打黎! 今次打比先生你……」

 「唔洗啦唔該!」我立即CUT線。

 當然唔係呢個電話啦。

 電話再次響起。

 「喂?!」又邊位呀?

 「你係咪阿楓呀?」一把熟悉既女仔聲。

 「係呀。邊位?」



 「我係詠珩呀。」我心諗:機會到了。

 「點解你會有我電話既?」我奇怪地問。

 「因為阿欣比左你個電話我囉。」詠珩CUTE CUTE地咁答我。

 阿欣就係佢果班女仔既其中一個。外表唔差, 性格有啲男仔頭, 好開朗好中意笑, 係我既角度黎講佢係同詠珩差唔多靚。

 但我又會奇怪點解阿欣又會有我電話呢?

 因為我無咩比過個電話號碼比其他人。

 「哦…咩事?」

 「其實咁既。之後有一個學生會搞既歌唱比賽, 阿欣想搵你參加。」其實每一年既學生會都會搞。



 「咁得意? 但係點解係由你打比我而唔係佢打呢?」呢個問題值得深究。

 「我都唔知呀。佢叫我幫佢問你。」

 「佢想我同佢合唱?」

 「係呀。」

 「得兩個人?」

 「無錯。」

 「如果你陪我參加既話, 我就去啦」我突然諗到同佢親近既方法。



 「um…」佢諗左一陣。「好啦。」

「但我地都要揀返首歌」

 「你有無好提議?」

 「心領, 林峰同鐘嘉欣果首。」

 就係咁, 我同佢既故事就由呢一刻正式開始。