【校園】現實與平行時空的愛情故事: 第十三章 - 初戀的回憶-13 ( 來臨 )

- 第十三章 - 初戀的回憶-13

呢一日既「來臨」，開心出現係我身上。

失望、失落、傷心出現係佢身上。

係呢一日既夜晚。

我收到一個SMS。



內容主要係講述詠珩佢同佢男朋友之間既事。

呢次係佢第一次同我講佢地之間既事。

話佢男朋友一開始都仲對佢幾好。

但無幾耐就對佢既態度差左好多。

佢忍受唔住先決定同我講。



我唔忍心睇住佢咁辛苦。

唔忍心睇住佢被人傷害。

最後我提出等我黎保護佢。

希望等佢唔再比其他人傷害。

結果我地就相約左聽日約會。



同佢第一次約會。

好記得係太古城同佢睇一千萬零一夜（泰國片）

身穿便服既詠珩格外不同。

同我理想既女朋友無分別。

只可以用「吸引」去形容。

身穿白色T-SHIRT, 牛仔短裙已經夠吸睛。

係呢一日，我唔知我地之間係咩關係。

只係想佢開開心心度過呢一日。



仲好記得套戲入面好似有一幕貌似血腥畫面。

佢驚，用雙手遮住面。

而我有見及此就立即用一隻手用力攬住佢。

我諗呢一刻既我都夠哂man。

我好希望之後有無數咁多日都可以咁樣度過。

由於佢屋企有門禁, 要六點前返到屋企。

所以我地睇完戲之後行左一陣太古城就送佢走。



我地都算係附近住, 我只係送到佢去佢既屋村商場門口就走左。

果一刻有種唔係好捨得佢走既感覺。

因為我怕呢一日之後就無之後。

我只係想一直開開心心同佢一齊。