- 第十二章 - 初戀的回憶-12

A樂園係上年完結。

新既一年又再舉行。

依然由劉SIR, 龔SIR同梁SIR帶隊。

經過舞台劇表演既洗禮。



我自問自己的確練得大膽左。

始終曾經面對過幾百人望住自己做舞台劇係唔同左。

的確係有少少改變。

但我同詠珩既關係就未有改善。

…………………分隔線…………………



「表白」之後可能有三件事發生。

一、 拍拖。

二、關係破裂, 連朋友都做唔成。

三、一成不變。 結果, 我係第三件事。一成不變。

或者每件事都有兩方面睇既。



唔好既就係無得同佢一齊。

雖然呢個都預左佢唔會因為我既表白而同佢師兄男友分手。

好既就係起碼我地之間既關係仲係好好。

之後我可以做既就只係默默地對佢好。

等佢地自然分手。

雖然就算佢地分手都未必同我一齊。

但我相信呢一日係會來臨!

只係唔知幾時到。



日復日, 夜復夜。

我依然會同詠珩MSN或者SEND SMS。

傾下學校既事, 某科目既題目點做。

雖然我地幾乎每一日都會係學校見。

但係就好似有傾唔盡既話題。

我唔會主動問佢同男朋友既事。

佢亦都唔會主動講佢地拍拖既事。



直到呢一日既來臨。三月七日。