【校園】現實與平行時空的愛情故事: 第十五章 - 初戀的回憶-15 ( 是日滿分? )
- 第十五章 - 初戀的回憶-15
「初戀」每個人既經歷都唔同。
有人既初戀係可以百頭到老。
有人既初戀只不過係微不足到。
有人既初戀係未接觸到。
曾經有句說話提及到。
「男人希望成為女人第一個戀人, 而女人希望成為男人最後一個戀人。」
但偏偏人可能最忘不了既係初戀。
因為每一次都係第一次。
…………………分隔線…………………
熱戀係甜蜜。
初初開始我地就過住好甜蜜既感覺。
繼續每一晚傾電話。
每次上堂都會成日望下對方。
你眼望我眼, 好快又一堂。
每逢星期六或者星期日, 我地都會出街。
有時會睇下戲。
有時只係會行下街。
有時我地會出去旺角周圍食下小食。
有時會間唔中借啲意係多人既時候拖佢隻手。
即使只係十秒鐘。
都已經好滿足。
當然好快佢就收返埋隻手。
好彩佢都無話我。
由本身返學同放學都係佢屋村商場門口等佢。
慢慢就開始係佢屋企樓下等佢。
每一日返學我都會早十分鐘坐係佢屋企樓下。
每一日都會坐返同一張凳等佢。
每一日都好期待同佢一齊返學。
每一日望住佢返學既樣都係覺得咁吸引。
直到有一次, 我照舊送到佢去到屋企樓下。
佢無啦啦叫我坐係張凳到。
我就照佢意思坐低。
之後佢叫我合埋眼。
我合埋眼。
然後我就感覺到佢既咀唇錫落我個面到。
仲有佢副眼鏡碰落我個面到既感覺。
個感覺好奇妙。
心動既感覺, 我永遠都會記住呢一刻。