【校園】現實與平行時空的愛情故事: 第十六章 - 初戀的回憶-16 ( 三個月的約定 )
- 第十六章 - 初戀的回憶-16
我同詠珩「三個月的約定」越黎越接近。
表示成績好快就會公佈。
而考試都就到。
我地就決定一齊出黎溫書。
放學溫書, 放假都溫書。
以前既我係完全唔溫書。
正所謂天才波就係我呢種。
有時候會去學校附近既老麥溫書。
放假既時候試過無啦啦去左某座小山上既涼亭溫書。
又或者係我地其中一邊屋企樓下溫書。
日子過得好快。
考試亦都過埋。
亦都代表三個月既約定要到了。
六月十三日 星期六
呢一日我如常係佢屋企樓下坐係張凳到等佢。
望住佢既出現係人生中一大樂事。
我地一見面, 我就立即拖住佢隻手。
而佢亦都無再甩開我隻手。
終於感受到拍拖既感覺。
心情係超開心。
之後我地搭地鐵到九龍灣再轉車到MEGABOX。
好快係MEGABOX食完野。
我地就轉戰去溜冰。
佢都係一個唔識溜冰既人。
而我係一個識溜冰既人。
就由我教佢溜冰。
好快佢就掌握到溜冰既重點。
之後我就拖住佢溜冰。
可以同中意既人去玩。
呢種感覺係超開心。
溜完冰後, 佢話想去影貼紙相。
呢次係第一次單獨同女仔影貼紙相。
呢種感覺同上一次比女圍既感覺又好唔同。
揀左一陣就揀好左部機。
入左錢, 之後影左兩三張。
到最後一張既時候, 佢做左一個引人犯罪既姿勢。
就係企係到合埋眼, 個身45度向前傾。
有見及此, 我諗都唔諗就錫左落去。
初吻就係咁樣發生。
影完相之後就剪下相, 過埋膠。
第一套情侶貼紙相就誕生。
一張見證住我同佢既初吻既相。
呢張相, 去到依加我仲留住。
之後我地就決定送返佢屋企。
好快送到佢返屋企樓下。
有種好唔捨得既感覺。
好唔捨得呢一日好快就過左。
好掛住好多同佢第一次既感覺。
之後佢又帶我去返果一張凳。
佢拎左一本簿出黎。
一本記錄住我每一日既成績。
佢再寫低埋今日既成績。
佢總結三個月以黎既成績。
有一日係零分, 有幾日係100分。
總分係…合格。
「以後多多指教啦! 男朋友!」詠珩好天真地微笑說著。
我最中意佢呢個好甜好可愛好天真既笑容。
自此之後, 我就的的確確係詠珩既男朋友。