- 第二十七章 - 第二次的戀愛-8

的確沛珩有提起過佢同阿源既關係差左少少。

阿源本身有少少大男人既性格。

不過對人都唔錯。

但係就唔知對女朋友又係唔係都唔錯呢?



作為朋友既我的確唔會知。

慢慢又到下學期尾既考試。

一向有同沛珩補數學既我依然同佢補數學。

有時放學後去圖書館溫書。

有時就去附近商場既麥記溫書。



間唔中會出現多幾個人一齊溫數學。

通常出現既有阿桶同阿飯。

學期初既時候佢地兩個都未同沛珩玩得埋。

不知不覺間佢地三個就熟絡左。

當佢地三個一齊出現係溫書既時候。



相信佢地都係講野多過溫書。

正所謂三個女人一個墟。

佢地七嘴八舌係咁講。

真係有時結果佢地係無溫書。

不過佢地都有專心既一面。

佢地會一齊去做同一題數。

然後比我睇答唔答得岩。

有時候佢地既進度唔同。



但係就可能咁岩一齊都有問題一齊問我。

解決完一個又有另一個。

的確有時會忙到一個點。

最後經過佢地既努力同埋我既用心。

佢地三個數學不嬲都唔合格既學生終於數學科合格。

帶住三個學生由F變E。

諗返起都覺得呢樣野的確難得。



將三個數學白痴變成對數學有點了解。

不過將來我可能都要咁做了。

另外係考試之前班主任有問過我地班去唔去交流團。

而交流既目的地係新加坡。

為期七日六夜。

未曾去過外國旅行既我的確幾想去。

最後都好興幸有機會去體驗一下。

亦估唔到會發生意想不到既事。



的確難忘…